هتقرر تشارك إزاي؟؟؟؟؟؟؟؟؟؟؟
السلام عليكم ورحمة الله وبركاته
أنا جيبلكوا النهارده موضوع قرآته على موقع مشهور
وقررت إن أشارك في نشره
جعله الله في ميزان حسناتنا إن شاء الله
وبإذن الله هنتابع الموضوع مع بعض
لحد ما نوصل للهدف اللي إحنا عاوزينه
وده هو الموضوع زي ما نزل بالضبط.
الموضوع اللى هاتكلم فيه ترددت كثيراً قبل طرحه عليكم
وهو النكت
معروف عننا إننا شعب مرح مابيشيلش هم حاجه
وبيضحك وقت الفرح ووقت الحزن
وبنقعد كلنا مع أصحابنا ويخرج واحد مننا سمعت أخر نكته"؟؟؟؟؟
ونقعد نضحك بهيستريا
كل ده مقبول ومباح
والترويح عن النفس شئ مطلوب
بس اللى أنا برفضه حاجه بقيت بسمعها كتير جداً الأيام دى
إن النكت تحولت من على الشخصيات إلى الأديان
يعنى بقينا نهزر بالدين
ودى اكبر مأساة ممكن نعيشها
الدين اللى المفروض ليه كل التقدير والوقار والإحترام بقى ماده هزار وضحك وتسليه
طيب ده مش بيخلينا نقف شويه مع نفسنا ونركز
ربنا سبحانه وتعالى أهلك أقواماً من قبل بسبب فسادهم فى الأرض
طيب إحنا فين من ده مش خايفين نصحى تانى يوم نلاقى أنفسنا فى قاع محيط أو فى داخل إعصار؟
لأ والكارثه الأكبر ظاهره سب الأديان اللى بقيت ماليه ألسنه الشباب اليومين دول
مش عارف أوضاع كلها غلط
ولا أنا اللى شايف الصورة غلط ولا أيه بالضبط
؟؟؟؟؟؟؟؟؟؟؟؟؟
شاركونى بأرائكم يمكن نوصل لنتيجه
وكانت النتيجة إن كلنا تفاعلنا مع الموضوع
وقررنا نعمل حاجة
عاوزة أعرف كل واحد قرر يعمل إيه؟
علشان أنشر أفكاركم
وأقترح عليهم آرائكم
ويارب يتقبل منا جميعا
رد مع اقتباس
المشاركة الأصلية كتبت بواسطة رامي بن سعد
