مطلوب اجابة البنات فى الموضوع ده

[Amira]

السلام عليكم
رأيي ان الاهم من الشبكه والفرح و الحفلات وكل الحاجات دى هو الشخصيه واخلاقه وتدينه

بس مظنش ان الاهالى هيوافقوا على الغاء الشبكه خالص .. بيتهيالى هيبقى فى شبكه بس مش بالارقام الفلكيه اللى بنسمعها دى , مش عشان التباهى قدام الناس والكلام ده مجرد تقدير او هديه

انا رايي ملهاش لازمه , اختى مخطوبه قريب و جالها شبكه بس الحمدلله مش بالارقام اللى بنسمعها وعيلتنا راضيه وعيله خطيب اختى راضيه الحمدلله , وعلى الرغم من كده اختى بتقولى ياريت مكنوش يجيبوا شبكه كان زمانا استغلينا الفلوس دى فى تجهيز الشقه

مره واحده زميله أمى جات لها وقاعدين يتكلموا فـ بتقول لامى خطيب بنتها جابلها شبكه بـ 50.000 جنيه , وبعد كده محصلش نصيب ...

طب تعرفوا بقى ان فى ناس بتجيب هدايا لقراءة الفاتحه " خاتم قـراءه الفاتحه "
غير الشبكه طبعا هههههه

رايي ان كل الحاجات دى بين الاهالى وبعض رأيي اقوله لوالدى ووالدتى فقط بينى وبينهم وهم يتصرفوا فى الباقى .

[محمد سمير]

بصراحة احنا عندنا مبدأ ف بيتنا ان الشبكة هدية من العريس للعروسة دا لو كان قادر يجيب وده اللى حصل مع اخواتى البنات أما لو كان مش قادر يجيب فخلاص طالما انه انسان كويس ومحترم وهيراعى ربنا فيا وده الكلام اللى اتعلمته من مامتى واخواتى اهم حاجة الشخصية مش الدهب والفلوس

ربنا يبارك فيكم

بالنسبة بقى للموضوع انا كل شوية ادخل واخرج من غير رد

اممممممم

عشان المفتاح موجود فى الباب فبتدخلى وتخرجى براحتك

وطبعا الدكاترة قالو كل اللى يتقال اهم حاجة ان الشخص يكون كويس وبيراعى ربنا وشايفة انه فعلا هو الانسان اللى اقدر اكمل معاه حياتى وانا مطمنة واحساس الامان ده اهم حاجة ومش مقياسه جاب شبكة اد ايه ومهر كام بيبان فى تصرفاته ومواقفه معايا انا شايفة ان الاولى الشقة لان موضوع الشقة ده بجد هو المشكلة الوقتى موضوع الايجارات ده ماساة ربنا يكون فى عون الشباب فانا شايفة انه مادام هو كويس ومش قادر يجيب شبكة كفاية دبلتين والفلوس اولى انها تكون للشقة والجهاز وكدة وكمان موضوع الافراح ده فعلا مبالغ فيه هما ساعتين رقص وذنوب ع الفاضى بكام الف زى مانكون بنشترى ذنوب بالفلوس ربنا يهدينا جميعا ويستر شباب وبنات المسلمين

ربنا يبارك فيكم
اللهم امين

[muna7assan]

أنا أموت وأعرف انتو مستعجلين على ايه

أه والله أول مره فى حياتى أشوف شباب مأقلمين نفسهم انهم يتخرجوا ويتزوجوا على طول .. دا انتو غلبتوا البنات يعنى البنات بتقول أستنى سنه أروق دماغى وأظبط أمورى وبعدين ربنا يسهل وانتو بسم الله ما شاء الله بتدوروا على اى وسيله ان شالله حتى الامر يصفى على دبلتين والاساسيات وبس ., بس المهم ترتبطوا

بصراحه رأى سامح يٌحترم .. المشكله ان الشباب مش صابرين , اهو اى حاجه يربطوا بيها زوجتهم حتى لو هتصفى على دبلتين وبس

المشكله ان اللى بيقول هاييجى بعد الزواج دا مش مدرك ان دا فعلا مش واقعى ., بمعنى لو بعد الزواج جينا نبص

ونقول ان توفر فلوس الحمد لله _ مش هأقولكم الزوج هيفضّل _ لأ دا انا والله اللى هأفضّل انى أصرفهم على

مستقبل اولادى و وتعليمهم افضل من ان زوجى يشترى لى شبكتى .. هأستفاد ايه لما زوجى يشترى لى دهب

وولادى بيتعلموا تعليم سئ او عايشين فى وضع اجتماعى مش ظريف !

الاولوليه عندى بعد الزواج ان ولادى وزوجى يعيشوا عيشه كريمه فى وضع اجتماعى محترم مش انى أشترى

شبكتى

وبعدين بصراحه easy come easy go

كمان انا ايه اللى يضمنى ما هو ممكن الاقيه جايب دبله تالته ورابعه وخامسه ما هى هيصه بقى الحكايه مش مكلفاه غير دبلتين

الفكره ان الزواج مش دبله بس ومش دين بس ومش أصل بس ومش وظيفه بس ومش حاجه واحده بس

دا حاجه كبيره مكونه من حاجات كتير لازم الشباب يسعوا انهم يكونوا أهل لها

دا مش معناه بردو ان الناس تفترى ..

الفكره ان الشبكه دى هديه العريس يعنى حتى ما يصّحش انها اننا نقوله لو سمحت هات للعروسه هديه بكذا ,بس

مادام احنا رضينا بدينه واخلاقه ووضعه الاجتماعى وشغله ووو يبقى ان شاء الله هديته هتبقى مناسبه .. المهم

هوا يبقى مناسب

[محمد سمير]

أنا أموت وأعرف انتو مستعجلين على ايه

أه والله أول مره فى حياتى أشوف شباب مأقلمين نفسهم انهم يتخرجوا ويتزوجوا على طول .. دا انتو غلبتوا البنات يعنى البنات بتقول أستنى سنه أروق دماغى وأظبط أمورى وبعدين ربنا يسهل وانتو بسم الله ما شاء الله بتدوروا على اى وسيله ان شالله حتى الامر يصفى على دبلتين والاساسيات وبس ., بس المهم ترتبطوا

بصراحه رأى سامح يٌحترم .. المشكله ان الشباب مش صابرين , اهو اى حاجه يربطوا بيها زوجتهم حتى لو هتصفى على دبلتين وبس

المشكله ان اللى بيقول هاييجى بعد الزواج دا مش مدرك ان دا فعلا مش واقعى ., بمعنى لو بعد الزواج جينا نبص

ونقول ان توفر فلوس الحمد لله _ مش هأقولكم الزوج هيفضّل _ لأ دا انا والله اللى هأفضّل انى أصرفهم على

مستقبل اولادى و وتعليمهم افضل من ان زوجى يشترى لى شبكتى .. هأستفاد ايه لما زوجى يشترى لى دهب

وولادى بيتعلموا تعليم سئ او عايشين فى وضع اجتماعى مش ظريف !

الاولوليه عندى بعد الزواج ان ولادى وزوجى يعيشوا عيشه كريمه فى وضع اجتماعى محترم مش انى أشترى

شبكتى

وبعدين بصراحه easy come easy go

كمان انا ايه اللى يضمنى ما هو ممكن الاقيه جايب دبله تالته ورابعه وخامسه ما هى هيصه بقى الحكايه مش مكلفاه غير دبلتين

الفكره ان الزواج مش دبله بس ومش دين بس ومش أصل بس ومش وظيفه بس ومش حاجه واحده بس

دا حاجه كبيره مكونه من حاجات كتير لازم الشباب يسعوا انهم يكونوا أهل لها

دا مش معناه بردو ان الناس تفترى ..

مش معنى ان بنقول ان العريس يجيب الشبكه على اد ظروفه

يبقى مستعجل

واكيد ما حدش هينوى الجواز

الا اذا كان مستعد انه يفتح بيت وهيقدر يصرف على مراته

وانتى قلتيها بنفسك

الفكره ان الشبكه دى هديه العريس يعنى حتى ما يصّحش انها اننا نقوله لو سمحت هات للعروسه هديه بكذا ,بس

مادام احنا رضينا بدينه واخلاقه ووضعه الاجتماعى وشغله ووو يبقى ان شاء الله هديته هتبقى مناسبه .. المهم

هوا يبقى مناسب

يعنى الشبكه هديه مش هنفرض على الانسان يجيب هديه على كيفنا

يجيبها على اد ظروفه

ولا يكلف الله نفسا الا وسعها

وهنفترض كمان انه ما جابش اى حاجه بعد الجواز

طالما انا بحبه مش هبقى منتظره منه حاجه غير انه يبقى جمبى وبيحبنى ويعاملنى بما يرضى الله

[muna7assan]

مش معنى ان بنقول ان العريس يجيب الشبكه على اد ظروفه

يبقى مستعجل

واكيد ما حدش هينوى الجواز

الا اذا كان مستعد انه يفتح بيت وهيقدر يصرف على مراته

وانتى قلتيها بنفسك


يعنى الشبكه هديه مش هنفرض على الانسان يجيب هديه على كيفنا

يجيبها على اد ظروفه

ولا يكلف الله نفسا الا وسعها

وهنفترض كمان انه ما جابش اى حاجه بعد الجواز

طالما انا بحبه مش هبقى منتظره منه حاجه غير انه يبقى جمبى وبيحبنى ويعاملنى بما يرضى الله

تمام مادام هوا ربنا قدّره وبقى مستعد دلوقتى يفتح بيت يتوكل على الله ويوفّى كلاً حقه

العروسه من حقها يجيلها شبكه _ انا مش بأقول شبكه كبيره _ لأ شبكه هديه مناسبه ليه وليها

مش يدفع مبلغ وقدره بس يجيبلها هديه ذوقيا يعنى ..

هوا ليه حقوق وعلشان ياخدها يديها حقوقها ..

بصراحه انا مقتنعه جدا انها لو هتبقى دبلتين وبس هايستسهلوااااااااااا

[محمد سمير]

تمام مادام هوا ربنا قدّره وبقى مستعد دلوقتى يفتح بيت يتوكل على الله ويوفّى كلاً حقه

العروسه من حقها يجيلها شبكه _ انا مش بأقول شبكه كبيره _ لأ شبكه هديه مناسبه ليه وليها

مش يدفع مبلغ وقدره بس يجيبلها هديه ذوقيا يعنى ..

هوا ليه حقوق وعلشان ياخدها يديها حقوقها ..

اكيد مش هيجى يتجوزها كده ببلاش

مش بنقول انه هيروح يتجوز وايده فاضيه

لازم هيقدم شبكه بس هتختلف نوعية الشبكه دى على حسب ظروف الانسان ده

فطالما لاقينا فيه حد كويس وهيحافظ على بنتنا ويصونها ويعيشها كويس

ما يفرقش معانا بقه جاب شبكه بأد ايه

تمام ولا غلط

بصراحه انا مقتنعه جدا انها لو هتبقى دبلتين وبس هايستسهلوااااااااااا

هايستسهلوا ازاى ؟؟

مش فاهم

هيروح يتجوز تانى وتالت ورابع يعنى ولا ايه

[أمــ هـنـد ــة الله]

البعض شايـف ان الشبكـة ضمـان وان لازم يتعب ويجيب اغـلى شبكـة يبقى كده البنت هيصونهـا

انمـا لو جاب حاجة بالساهل وبتمن قليل يبقى هيفرط فى بنتنـا

للاسف مش مقيـاس لان التعايش والحياة بعد الزواج مش هنقدر نقيمهـا بفلوس الشاب دفعهـا فى مهر او شبكة او عفش سواء كانت قليلة او كتيرة

فيه ناس دفعت اغلى شبكة بس محصلش نصيب والعكس برده

بجد مشكـلة محيرة انك ازاى تعرف شخص هيبقى كويس بعد الجواز او لأ حتـى لو اتقـال انه كويس

يعنى زى ما بيقولو الجواز زى بطيخــــــة

فـ الواحد مفيش بإيده غير انه يدعى ربنـا ان نصه التـانى يبقى زوج صالح او زوجـة صالحة

حتة الشبكـة اتقفنـا انهـا مش مقياش لاى حكم على الشخص

فلو واحد متقدم وظاهريا كويس بس لسه بادىء حياته مفيهاش حاجة لو نخليه يجيب قدر امكانياته

بالنسبـة ليا امر الشبكة والدهب واى حاجة فيها فلوس ملهاش اى لازمة عندى

اللى شاغلنى جداااااااااا بجد ياترى هيكون كويس ولا لأ هيحافظ عليا ولا لأ

عشان كده الواحد مش قدامه غير الدعـاء بيريح ويطمن جداا

ربنـا يصلـح امورنـا كلهـا ويهدينـا للخير

[same7]

مش عارف ليهيا ابو رولا واخد الموضوع شخصى
زى ما يكون كده بعيد الشر يعنى عايز تتجوز
ولا دماغك بتوزك على الجواز ولا حاجه

وعايز تقتنع برأى معين

اقولك مـ الاخر
الشبكه بالشكل اللى انت عايزه ده

فـى مثل يمشى فـ الوقت ده
ده قصر ديل يا ازعر


وساعه النصيب والقدر صدقنى بتلاقى حاجات غير متوقعه بتحصل
هتلاقى اللى كان عايز شبكه كبيره وافق بالقليل
واللى مكنش بقى عايز
وانت اتدبثت واتجوز
وان شاء الله تكون تدبيثه حلوه

عادى يعنى كل حاجه بتحصل كما يريد الله اولا
وممكن تكون نفس امنيتك لو ربنا بيحبك هيرضيك بس

[محمد سمير]

مش عارف ليهيا ابو رولا واخد الموضوع شخصى
زى ما يكون كده بعيد الشر يعنى عايز تتجوز
ولا دماغك بتوزك على الجواز ولا حاجه

وعايز تقتنع برأى معين

ولا شخصى ولا حاجه

كل الحكايه

انى بعرف البنات بتفكر ازاى فى حكاية الشبكه

وبصراحه

ارائهم عاقله ومنطقيه

كل اللى يهمهم الشخص نفسه واللى يقدر يقدمه فى الشبكه يقدمه لانهم عارفين ان مش الشبكه اللى هتخلى حياتهم سعيده

اقولك مـ الاخر
الشبكه بالشكل اللى انت عايزه ده

فـى مثل يمشى فـ الوقت ده
ده قصر ديل يا ازعر

ياحبيبى انت ما فهمتنيش كده

انا مش عاوز اقنع حد برأيى

كل واحد بيقول رأيه وفكره

واللى عاوز ياخد بأى رأى اتقال براحته

لان دى حياته وهو حر فيها يشكلها ذى ما هو عاوز

[same7]

وانت قفشت ليه كده
انت مبتفتحش ميل ولا ظاهر بقالك فتره
قولت ارخم عليك شويه بس

بدل ما اقولك عـ الميل فينك ومش فينك
قولت اجيبك هنا
حبيبى يا ابو رولا