مطلوب اجابة البنات فى الموضوع ده

[محمد سمير]

بسم الله الرحمن الرحيم

اهلا بردود رجالتنا الحلوين

كنت منتظركم



مش معنى ان احنا بنقول ان المفروض الشبكه تكون على حسب ظروف العريس واللى يقدر يجيبه يجيبه ان احنا بنخلى البنات تيجى على نفسها

الشبكه دى حاجه رمزيه

عارف لما تيجى بعد الجواز هيبقى طعمها حلو اوى والبنت هتسعد بيها اكتر من سعادتها لما تيجى قبل الجواز

احنا فى الجواز نركز على الحاجات الضروريه لبناء الاسره بين اتنين من بيت جيد واثاث مناسب

ما نعملش الحاجات اللى بتحصل الوقتى من 9 مراتب وكام سرير واطقم كتير مرصوصه على الفاضى للزينه فقط وانتريه وصالون وغسالتين واحده اوتوماتيك وواحده عاديه .... الخ

ليه كل ده

ما نبنى البيت بالحاجات الاساسيه اللازمه وبعد الجواز يجى الباقى واحده واحده لو محتاجينه.

لو الانسان ظروفه الماديه كويسه وجاب كل الحاجات دى من البدايه خلاص

اما لو انسان ظروفه الماديه مش عاليه يبقى يبنى البيت بالحاجات الضروريه فقط وبعد كده هو وشريكة حياته يكملوا

الزواج ستره للشاب والبنت

الزواج بيعطى راحه نفسيه وعاطفيه وبيحفظ الانسان

بس المهم

اللى ناوى يتجوز يكون معاه مصدر دخل مناسب ( مش يروح ياخد من والده )عشان يقدر يصرف على مراته ويعيشها حياه كويسه

[منةالله]

[عصفورة]

اوك بس فين العريس اللى يستاهل اننا نتنازل من اجله والمهم كمان انه يقدر كده فيما بعد
بس الواقع انه هيقول بعد كده انتى كان بيجيلك حد وده السبب انك وافقتى بدون شبكه وحتى لو كان بيجيلك حد اكيد طيب مش شبهى لان كل واحد فاكر نفسه نازل من السما

[M.32L]

بعد الكومنتات دى

اللى عاوز يتجوز بقى ... انا عن نفسى صرفت نظر عن الموضوع ده

[محمد سمير]

بعد الكومنتات دى

اللى عاوز يتجوز بقى ... انا عن نفسى صرفت نظر عن الموضوع ده

ليه بس

بصراحه الكومنتات كلها قيمه جدا وبتدل على ناس تفكيرها سليم ومنطقى

[yasmeena]

والله موضوع جمييييييييييل
بس أنا رأى ان الشبكة دى هدية وبتعتبر رمز عن مدى تقدير العريس لعروسته
لو هو بزل أقصى امكانياته عشان يجيبلها حاجة تليق بيها يبقى ساعتها يشكر جداااااااا ولازم ده يتاخد فى الاعتبار

أما بقى لو بخيييييييييل
يبقى فى 60 داهية مع دبلتيييييينه

بس انا عن نفسى هفضل استغنى عن حاجات تانية قبل ما أفكر اتنازل عن الشبكة
أحسن مثلا اكتفى بفرح صغير ومعملش حفلة خطوبة ولا كتب كتاب
ومش لازم شهر عسل فى باريس مثلا

هكتفى بمارينا

لأ لأ لأ

بجد بقى الشبكة مهمة طبعا بس تبقى أقصى حاجة على قد امكانياته ونحاول نقدر بعض بقى وكل واحد على قد لحافه يمد رجلينه


وربنا حاسة نفسى هيست ومش اصلا انا قولت ايه
طب هقوم أنام أنااااااااااا

وبجد تسلم الأيادى ع التوبيك ده
سلاااااااااااااااااااااام

[محمد سمير]

والله موضوع جمييييييييييل
بس أنا رأى ان الشبكة دى هدية وبتعتبر رمز عن مدى تقدير العريس لعروسته
لو هو بزل أقصى امكانياته عشان يجيبلها حاجة تليق بيها يبقى ساعتها يشكر جداااااااا ولازم ده يتاخد فى الاعتبار

أما بقى لو بخيييييييييل
يبقى فى 60 داهية مع دبلتيييييينه

بس انا عن نفسى هفضل استغنى عن حاجات تانية قبل ما أفكر اتنازل عن الشبكة
أحسن مثلا اكتفى بفرح صغير ومعملش حفلة خطوبة ولا كتب كتاب
ومش لازم شهر عسل فى باريس مثلا

هكتفى بمارينا

لأ لأ لأ

بجد بقى الشبكة مهمة طبعا بس تبقى أقصى حاجة على قد امكانياته ونحاول نقدر بعض بقى وكل واحد على قد لحافه يمد رجلينه


وربنا حاسة نفسى هيست ومش اصلا انا قولت ايه
طب هقوم أنام أنااااااااااا

وبجد تسلم الأيادى ع التوبيك ده
سلاااااااااااااااااااااام

صباح التهييس

هو الانسان لما يجيب شبكه كبيره يبقى ده شارينى

ولو جاب شبكه صغيره يبقى بخيل ومش بيحبنى

يعنى واحد اتقدم لواحده وجايب شبكه ب 100 الف بس اخلاقه مش اللى هيا

وواحد تانى متقدم لنفس الواحده وجايب شبكه ب 5 الاف بس اخلاقه كويسه

هتختارى مين ساعتها ؟

عمرها ما كانت بالدهب

اهم حاجه الانسان يلاقى جمبه الانسان اللى بيحبه بجد ويمسح دمعته لما تنزل ويحس بيه من غير ما يتكلم

الدهب والحاجات دى بتيجى وبتروح

لكن اللى بيفضل وبيبقى الحب والاخلاص

فنصيحه

اللى يلاقى انسان كويس ومتدين ومخلص ما يفرطش فيه

[DR.BIBO]

اولا شكرا لحضرتك على مناقشة الموضوع ده
بس انا شايفة ان الموضوع مش موضوع شبكة المهم الاول الانسان ده عامل ازاى يعنى لو هو فعلا متدين ومحترم وعنده طموح انه يطور نفسه فى المستقبل
واللى اهم من ده كله انه يكون انسان مسئول عارف قيمة الجواز وعارف انه مسئوليه ويكون مجهز نفسه ليها يعنى هيقدر يجيب شقة وعفش وبيحاول بكل جهده ساعتها ده هيتحط فى الاعتبار لان الشبكه ديه بتبقى هديه للعروسه فلو العريس فعلا عمل كل اللى يقدر عليه على حسب ظروفه ساعتها الاهل والعروسه هيقدرو ده اوى
بس فى حاجة كمان بدل مانقعد نقول الشبكة والدهب غالى ليه الافراح المبالغ فيها ليه متبقاش حفلة صغيرة الاهل والاصحاب يتجمعو فيها وخلاص ولا لازم القاعة و الاغانى والرقص والحاجات اللى بتغضب ربنا والناس لسه بداه حياتها وبرده اسعار الافراح غاليه اوى على الفاضى ياريت نناقش الموضوع ده ياترى الشباب والبنات يقبلو يعملو حفلة صغيرة او زفة بس او اشهار فى الجامع او اى شكل مختلف بدل الافراح الكبيرة

[battota webas]

بجد الموضوع جميل اوى وفعلا تقدير الانسان ليا مش بالشبكه اللى هيجيبهالى بقد ايه ولا هيعمل لى فرح بكام لان فى حاللات كتير قدامى اتعملها شقق بملايين وافراح وهميه وفى النهايه طلاق بعد شهر او اتنين او بيضربها ويهينها لان الموضوع بيبقى كأنه بيشترى جاريه بفلوسه كل طرف فيهم طمعان فى التانى لكن الجواز اللى بجد اتأسس على حب واحترام وتقوى الله هو ده اللى بيدوم وربنا بيبارك فيه والله العظيم انا لحد الان حتى الدبل ما جبتها الموضوع كله قرايه فاتحه بس بدعى ربنا يبارك لى فى خطيبى لانه بجد احلى واغلى عندى من كنوز الارض ودايما بحمد ربنا انه رزقنى بيه بجد الرجل الصالح نعمه فى الزمن ده وكمان البنت المتربيه برضه كنز فى الزمن ده انا شايفه انه بيتعب عشان يجيب لى اى حاجه بيحس انى بحبها والاهم انه معتمد على نفسه ومش بيمد ايده لحد عشان يجيب الحمدلله معانا هنجيب مش معانا يبقى مش يلزمنا الوقتى كفايه احساس الامان اللى انا لقينه عنده وكفايه حنيته اللى متتعوضش بمليون شبكه بجد رساله منى لاى بنت او شاب مقياس اختياركم يبقى تقوى الله انك انت او انتى تكونوا شايفين فى الطرف التانى الشريك اللى هيعينكوا على انكوا تقربوا من ربنا اكتر وبعد الجواز ان شاء الله هتحسوا بطعم الفرحه لما تكملوا كل حاجه كانت نقصاكوا مع بعض ولما تيجوا تحكوا لولادكم ان شاء الله هتفخرى بجوزك انه تعب عشان يسعدك ويهنيكى وهو هيفخر بيكى انك وقفتى جنيه ورضيتى واتحماتى وريحتى له باله وعمرك ما اشتكيتى لمخلوق ان حاجه نقصاكى وربنا يسعدنا جميعا ويرزق كل الشباب والبنات زيجات موفقه وربنا مبارك فيها واسفه على الاطاله فى الرد

[eeeman]

بجد الموضوع جميل اوى وفعلا تقدير الانسان ليا مش بالشبكه اللى هيجيبهالى بقد ايه ولا هيعمل لى فرح بكام لان فى حاللات كتير قدامى اتعملها شقق بملايين وافراح وهميه وفى النهايه طلاق بعد شهر او اتنين او بيضربها ويهينها لان الموضوع بيبقى كأنه بيشترى جاريه بفلوسه كل طرف فيهم طمعان فى التانى لكن الجواز اللى بجد اتأسس على حب واحترام وتقوى الله هو ده اللى بيدوم وربنا بيبارك فيه والله العظيم انا لحد الان حتى الدبل ما جبتها الموضوع كله قرايه فاتحه بس بدعى ربنا يبارك لى فى خطيبى لانه بجد احلى واغلى عندى من كنوز الارض ودايما بحمد ربنا انه رزقنى بيه بجد الرجل الصالح نعمه فى الزمن ده وكمان البنت المتربيه برضه كنز فى الزمن ده انا شايفه انه بيتعب عشان يجيب لى اى حاجه بيحس انى بحبها والاهم انه معتمد على نفسه ومش بيمد ايده لحد عشان يجيب الحمدلله معانا هنجيب مش معانا يبقى مش يلزمنا الوقتى كفايه احساس الامان اللى انا لقينه عنده وكفايه حنيته اللى متتعوضش بمليون شبكه بجد رساله منى لاى بنت او شاب مقياس اختياركم يبقى تقوى الله انك انت او انتى تكونوا شايفين فى الطرف التانى الشريك اللى هيعينكوا على انكوا تقربوا من ربنا اكتر وبعد الجواز ان شاء الله هتحسوا بطعم الفرحه لما تكملوا كل حاجه كانت نقصاكوا مع بعض ولما تيجوا تحكوا لولادكم ان شاء الله هتفخرى بجوزك انه تعب عشان يسعدك ويهنيكى وهو هيفخر بيكى انك وقفتى جنيه ورضيتى واتحماتى وريحتى له باله وعمرك ما اشتكيتى لمخلوق ان حاجه نقصاكى وربنا يسعدنا جميعا ويرزق كل الشباب والبنات زيجات موفقه وربنا مبارك فيها واسفه على الاطاله فى الرد

كلامك جميل اوى ربنا يباركلك يارب
.................................
بالنسبة بقى للموضوع انا كل شوية ادخل واخرج من غير رد لانى ما شاء الله شايفة ردود محترمة تدل ان الحمد لله الدنيا لسة بخير وطبعا الدكاترة قالو كل اللى يتقال اهم حاجة ان الشخص يكون كويس وبيراعى ربنا وشايفة انه فعلا هو الانسان اللى اقدر اكمل معاه حياتى وانا مطمنة واحساس الامان ده اهم حاجة ومش مقياسه جاب شبكة اد ايه ومهر كام بيبان فى تصرفاته ومواقفه معايا انا شايفة ان الاولى الشقة لان موضوع الشقة ده بجد هو المشكلة الوقتى موضوع الايجارات ده ماساة ربنا يكون فى عون الشباب فانا شايفة انه مادام هو كويس ومش قادر يجيب شبكة كفاية دبلتين والفلوس اولى انها تكون للشقة والجهاز وكدة وكمان موضوع الافراح ده فعلا مبالغ فيه هما ساعتين رقص وذنوب ع الفاضى بكام الف زى مانكون بنشترى ذنوب بالفلوس ربنا يهدينا جميعا ويستر شباب وبنات المسلمين