يوميـات BoNbOoNa في الصيدلية Rx 2 !

**BoNbOoNa** · 20-07-2010, 06:25 PM

المشاركة الأصلية كتبت بواسطة وردة العمر

هى ايه بالضبط بقى يعنى يريت حضرتك تذكريها

مجموعة البرد عبارة عن قرصين مضاد حيوي " بس " و قرص مسكن و قرص خافض للحرارة و شويـة فيتامينات

المشاركة الأصلية كتبت بواسطة وردة العمر

لانى لسا راح انزل ان شاء الله الصيدليه بكرة واكاد اكون ناسيه كل حاجه تقريبا

مبروووووووك يا وردة

.. ربنا ييسرلك ان شاء الله

المشاركة الأصلية كتبت بواسطة mohamed samir

الفكرة فى ان أى دواء بيحفظ فى التلاجة او لا بتعتمد على ال stability بتاعة الدواء , وبما ان معظم الادوية ليها high stability (يعنى مبتتكسرش) فى درجة حرارة الغرفة فبتتحط على الرف عادى.

بعض الادوية بقى مينفعش تتساب بره التلاجة خالص (مثال على كده الانسولين والالبيومين) ممكن بعد ساعة واحدة برا التلاجة الدوا يبوظ ومينفعش يستخدم لان له very low stability فى درجة حرارة الغرفة ,فلازم يفضل جوه التلاجة من اول ما يتصنع لغاية ما الطلبية تيجى ولغاية ما المريض ياخدها.

مجموعة تالتة بقى من الادوية بيكون ليها mild stability فى درجة حرارة الغرفة ,فممكن تفضل بره التلاجة لمدة معينة على حسب كل دوا. طيب ليه الصيدلى لازم يحفظه فى التلاجه والمريض بره؟؟؟
اولا الصيدلى لازم يحفظه فى التلاجة لان الصيدلى مش عارف الدوا ده هيتباع امتى ,فممكن يفضل اكتر من سنة عند الصيدلى لغاية ما يتباع ولو الفضل بره التلاجة الفترة دى كلها اكيد الدوا هيتكسر ويبوظ ويفقد فاعليته.
فى حين المريض لما يجى ياخد الدوا مش هيكمل معاه اسبوعين تلاتة وبعد كده العلبة هتخلص وفى خلال الفترة الصغيرة دى الدوا مش هيلحق يحصل له حاجة .

بالنسبة بقى لل andriol فهو له shelf life لمدة 3 شهور (يعنى بيتكسر فى خلال 3 شهور) فلازم الصيدلى يحطه فى التلاجة عشان نزود ال stability وميتكسرش بسرعة لاننا زى ما قلنا مش عارفين هنبيعه امتى بالظبط , ولما المريض يجى ياخده فالعلبة مش هتكمل معاه شهر فمش داعى يتحط فى التلاجة.....

عشان يحلو المشكلة دى قاموا عملو دوا تانى اسمه andriol testocaps ال shelf life له 3 سنين وبيحفظ عند درجة حرارة 30

لو فى أى كلام تانى ياريت نشارك بيه

المشاركة الأصلية كتبت بواسطة mohamed samir

جزاكــــــــم الله كل خيــــــر

هدور عليهم في الصيدلية ان شاء الله

المشاركة الأصلية كتبت بواسطة Nada Radwan

للاسف ده مبيحصلش عندنا..فالانسولين بيفضل مركون لغاية مانرص الطلبيه
بيبقي شكله صعبان عليا اوى

كده غلط جدا علي فكرة

المشاركة الأصلية كتبت بواسطة Nada Radwan

بكره ان شاء الله استفسر من الدكتور ليه andriolمحطوط على الرف
ويارب ااستفيد حاجه جديده
وفقكم الله لما يحبه ويرضاه

بالتوفيـق يا رب

======

writing ..

**eeeman** · 20-07-2010, 07:44 PM

السلام عليكم ..........انا مش عارفة ابدا منين بصراحة د.بونبونة انا عرفت موضوعك المميز دة السنة دى خلال الدراسة وكنت مستنية الاجازة تيجى عشان اقراه بتركيز واسجل اللى مكتوب فيه واستفيد منه بقدر الامكان وبالفعل انا تقريبا خلصت الجزء الاول والجزء الثانى ومنتظرة باقى يومياتك ومتابعة معاكى ان شاء الله وياريت اعرف اشارك باى حاجة وادعيلى الاقى صيدلية مناسبة عشان انا متشوقة جدا انزل للتدريب وموضوعك هو السبب فى انى احب التدريب كدة وغير سلبيات كتير كانت فى ذهنى و كنت كارهة الصيدلية بسببها واخيرا جزاكى الله كل خير يا بنبونة وربنا يكرمك ويزيدك علما ويجعل كل عملك فى ميزان حسناتك وينفع بيكى المسلمين.................تحياااااتى الحارة وتمنياتى بالتوفيق

**BoNbOoNa** · 20-07-2010, 08:15 PM

... Day 10

كالعادة

، بعد ما وصلت الصيدلية سلمت علي مدرباتي و لبست البالطو
... اخدت كشكولي و اعدت اتفرج علي الحقن

بعد شوية جاتلنا روشـتة ،، كان فيها supp من ضمن الادوية

انطلقت بخطوات سريعة لضرفة الـsupp

و .....

لقيت المنظر السعيد ده قدامي

زي ما حضراتكم شايفيـــن .. اتنقلت الـsupp من مكانها و اتغير ترتيبها تماما

بعد ما لقيت المكان الجديد و جبت الصنف المطلوب و اتصرفت الروشتة
سألت مدرباتي تاني نفس السؤال .. ليـــــــــه كده !!؟

قالواعشان يوسعوا المكان للأدوية الجديدة

كانت عندي رغبة قوية في اني اشد شعري بس الحمد لله ان كان فيه طرحـة تحميه

اخدت نفس عميق .. و استعذت بالله من الشيطان الرجيم و طردت الافكار المحبطة من دماغي

انا خلاص عرفت أغلب الـsupp رصتين تلاتة والمكان هيثبت تاني ان شاء الله

و بعدين أتسأذنت مدرباتي ارتب الطلبية لوحدي ، و اتصلت بالبيت و عرفتهم اني هتأخر

قبل ما امشي من الصيدلية اتقلبت الأحداث تماما

جاتلنا روشتـــة فيها تركيــــــــــــــــــــــــــــــــــــــــــــــ ـــــــــــــــــــــبة

و احلي حاجة ان صاحب الروشتة مكنش معاه فلوس كفاية فساب لينا الروشتة و راح يجيب فلوس من بيته و يرجع
و بالتالي الوقت كان كافي اني اطلع اتعلم و اعملها بنفسي و اصورها كمان

مدربتي جابت الروشتة و اخدتني معاها ناحية ضرفة الـtopicals
جبنا الكريمات المطلوبة و طلعنا علي المعمل

دي الروشتة و الكريمات المطلوبة

،،
التركيبة بيترمز ليها في الروشتة بخط طويل جنب الأدوية الداخلة في تكوينها

دي الروشتة من قريب عشان لو حد حب يقرأها

=========

طلبت مني مدربتي افضي الأنابيــــب كلها في الـmortar و بعدين اقلب
لسه مدرستش ازاي بنحضر مراهم و كريمات لكن في معامل الصيدلانيات اللي درستها كنا بنطحن الـpowders و نخلطها علي بعض بالتدريج مش مرة واحدة
شرحت لمدربتي الاستراتيجية اللي عاوزة امشي عليها و علمتها الـGeometrical mixing

وافقت و اقتنعت برأيي و هتستخدم نفس الطريقة لما تحضر اي حاجة بعد كده

لحد كده كان كافــي جدا ان معنوياتي ترتفع و انسي تماما الأدوية اللي اتنقلت من مكانها و اي حاجة تانية ضايقتني ..

بعد ما الـmortar أتغسل كويـس بدأت افضي الانابيب بالتبادل و بالتدريج و اقلب كل شوية

بعد ما خلصت كل الأنابيب قلبت دقيقتين زيادة عشان اضمن انه حصل complete mixing

" من وحي سكشن الـemulsion

"
*
*
*
بعد كده مدربتي جابتلي السلاح ده :

بنستخدمه عشان ننزل بقايا الكريم من علي الـpestle

before :

&

after :

====

اخترت علبة حجمها متوسط

غسلتها و بدأنا تعبئة الكريــم فيها

اتملت العلبة لكن كان لسه فيه شوية كريم في الـmortar

مدربتي جابت علبة تانية أصغر و كملنا فيها الباقي

بعد كده نظفت الجوانب من أي xss و غطيت العلبتين و اخدتهم تحت عشان يتلزق عليهم طريقة الاستخدام

و دي كانت أول تركيبة أحضرها في حياتي
====

دي أول دفعــة injections

هنـــا

وفقكم الله لما يحب و يرضي

~ تـم بحــمد الله ~

**زهرة الياسمين** · 20-07-2010, 08:37 PM

جزاكِ الله خيرا
بس بيطلع

Invalid or Deleted File

**Dina al sheshtawy** · 21-07-2010, 12:28 AM

مش قادرة اقولك قد ايه يا بونبونا انا مبسوطة جداااااااااااااااااااااااااااااا من الموضوع ده بجد بجد

ربنا يوفقك يا عسل

يلا شيدي حيلك و امتعينا كمان وكمان

**muna7assan** · 21-07-2010, 02:59 AM

مبروك يا بنبونه على نهايه ال supp. مع ان مكانها اتغير بس مش مشكله بقى علشان يبقى Quizz ليكى انتى

.
بس على فكره فيه مشكله فى التحميل.,
وشدى حيلك بقى علشان تدربينى على ال injection كمان

**BoNbOoNa** · 21-07-2010, 07:23 AM