طرائف في الصيدلية

[dr_emi]

كلنا اتدربنا فى الصيدليات
طب حصل موقف كده ولا كده
من الاخر ايه اكتر موقف لما تفتكره بتضحك

[heba541]

الفوار ابو ورقه بيضة والفوار ابو ورقه خضره.....الكريم اللى غطاة احمر

[dr_BLACKHORSE]

الفوار ابو ورقه بيضة والفوار ابو ورقه خضره.....الكريم اللى غطاة احمر

ههههههههههههه طيب مالهم بقى عشان لما اروح اتدرب ابقى اخلى بالى منهم !!!!!
همه بقى بيعملوا ايه ؟؟؟؟؟؟؟

[M.tal3t]

ولد صغير جايبلي ورقة فيها لمبه الاووز



mt-

[M.3esawy]

ولد صغير مش باين من الارض جاي بيديلي خمسين قرش و بيقولي عمو عمو هاتلي سجاير :d

[عامر إبراهيم]

بصراحة انا إدربت يومين بس وباعدين عوامل كتير خلتنى أخلى التدريب لبادية الصيف القادم إن شاء الله,
اهمها إنى بدأت التدريب قبل الدراسة بإسبوع واحد بس.

من أغرب المواقف,

إن فى أستاذ دخل الصيدلية وقالعايز حباية 3 3 أنا إفتكرتها بتاعة الإنفلونزا وجبتهاله, لقيته إتنرفز أوى وقالى هو أنا عندى أنفلونزا, بعد الشر عليا, إنتوا هاتفولوا عليا, إن شاء الله اللى بيكرهونى.

أنا إستغربت من الإسلوب, ومسكت نفسى وقلتله بعد الشر عليك, حضرتك عايز إيه, ساعتها إدخلت دكتورة بتشتغل فى الصيدليةوقالته حضرتك عايز إيه, قالها نفس الكلمة 3 3 "3 تلاتات" هى ممكن تكون فهمت بس قعدت دقيقة تدور, وبعد الدقيقة:

إنتوا هاتعطلونا ورمى كلمة على الدكتورة بطريقة أغرب من الخيال وخرج من الصيدلية ومن الصدمة والموقف الغريب اللى كنت فيه ماخدتش بالى إلا بعد ما الراجل خرج من الصيدلية,

طبعآ أنا كنت محرج جدآ, وقعدت ساكت, وكان نفسى أعمل حاجة بس ماكنتش عارف أعمل إيه :$ ,

[ريـان]

واحد دخل عليا يقولي...لو سمحت في كارت فودافون..انا طبعا مااستحملتش قلتله ..عايز كارت كام..قالي عشره..قلتله للاسف في 25 وخمسين..قالي طب هات واحد خمسين..قلتله للاسف خلص..في اتصالات والو...
مشي
ههههههههههههه فارتحت لما زبطه يعني

[هبة الله]

واحدة داخلة عايزة بيت باي بيت
أنا افتكرته اسم لبن، قلت اتأكد
قلت لها هو ايه ده يعني لبوس ولا كبسول ولا لبن؟
لبن ايه يا أبلة
ده كتاب انجليزىىىىىىىى
اها أبله وكمان كتاب انجليزي، طب حضرتك دي صيدلية مش مكتبة


وولد بريء صغير كده داخل عايز دوا السكر بتاع أبوه
وكأنه أبوه ده أبويا أنا
المهم في الآخر قالي شكلك مش فاهمة حاجه ومشى وسابنىىىىىى

[dr mima]

ولد صغير عاوز جيل بس يكون مش بيوقع الشعر قولتله انت لسه صغير على الجيل قاللى مليش دعوة انا عايز جيل جبتله جيل كريم قاللى خليه لحد ماسأل ماما راح و ماجاش

[dr mima]

واحد بتاع 25 سنة سأل الدكتور صاحب الصيدلية هو لو خلعت سنتى و أنا كبير كده هتطلع تانى؟ طبعا الدكتور معرفش يرد من كتر الصدمة