نشرة الاخبار من داخل صيدلة..2

[EverLasting]

ها يا واد يا فوزى احكيلنا بقى عملت ايه النهاردة فى امتحان الحاسب
فوزى:اسمع يا سيدى..طبعا زى مانتو عارفين طول ال4 ايام اللى قبل الامتحان كنت بضغط على نفسى اوى علشان طبعا مفيش وقت
عليوه:بجد يا فوزى؟
فوزى :اه طبعا..كنت طول النهار عمال اتفرج على افلام اخلص فيلم ادخل ع التانى ومقضيها شات بقى واغانى واصحى من النوم ادخل انام تانى..ياااه كان تعب والله
بقلاوة:هههههههههههه يعنى مذكرتش؟
فوزى:اخرص ..اخرص..ثكلتك بنت عمت ام بنت خالت جدتك الوسطى..لا طبعا ذاكرت
عليوه:امتى بقى يا فالح
فوزى(فى سره):ليه بس الاحراج دا
بقلاوة:بتقول حاجة
فوزى:ماعلينا بس من النقطة دى يا رجالة..المهم بقى روحت الامتحان وانا طبعا وثيق من نفساوياتى انى مش هعرف حتى اعرف السؤال عاوز منى ايه
ويتابع قائلا:دخلت بقى اللجنة و بدا الامتحان.. بصيت على اول سؤال عرفت ليه الطالب اللى جه فى النشرة فضل يقول حسبى الله ونعم الوكيل..المهم اقعدت احل.. واسئلة تشيلنى واسئلة تحطنى و اول مرة اخلص متأخر كده
عليوه:ليه خلصت امتى؟
فوزى:بعد ربع ساعة ..كتير اوى صح؟ انا لازم اشرب بريل
بقلاوة:متعملش فى نفسك كده يا فوزى..المهم كمل
فوزى:بعد الامتحان بقى روحت عند الدولاليب وهناك بقى كانت امنية حياتى
عليوة:ايه..ايه؟
فوزى:لقيت ام السيد بتاعت النشرة هناك وعملت معايا لقاء وهيجى فى النشرة النهاردة..افتح كده التلفاز زمان النشرة هتبتدى
بقلاوة:التلفاز!!ماشاء الله عليك العربى بتاعك كويس على فكرة

قام عليوة يفتح التلفاز و جاب قناة اخبار الفطيرة وفضلو مستنين النشرة وفعلا مفيش 5 دقايق و37 ثانية ومزيكة حسبالله بدأت مما يدل ان النشرة بدات
المذيعة:السيدات والسادة..طاب مساؤكم..اكدت مصادر غير موثوق بها على الاطلاق على ان هناك عدد من الدواليب قد تم سرقته..واليكم التقرير التالى

ام السيد:انتشرت سرقة الدواليب هذه الايام ونحن فى الألفية الثالثة..ان سرقة هذه الدواليب بما تحتويه من ادوات ثمينة من سحاحات ومصاصات عادية ومصاصات بالب وفلاسكات و بيكرات يدل على عودة قراصنة الدواليب واترك الميكروفون مع احد الطلاب الذين عانو من سرقة دواليبهم...نتعرف عليك؟
فوزى:فوزى زغلول ابو الزغاليل زغزغ
ام السيد:ياريت تحكيلنا يا فوزى عن اللى حصلك النهاردة
فوزى:والله انا لما خلصت الامتحان روحت عشان اجيب ادواتى بس اتفاجئت واتصدمت لما لقيت مكان الدواليب اللى ورا عند مدينة الزهراء للطالبات ,ابيض يا ورد...بس لقيت كده شوية دواليب مسروقة مكتوب عليها
..لو عاوز ادواتك سيب عنوانك واحنا هنوصلك لحد باب البيت سعر الشحن ثابت السعر الادوات ثابت اينما كنت..

بس دا طبعا كلام تهريج قمت رايح عند رعاية الطلاب وقولتهلم ع الموضوع قالولى روح للحاج مصطفى بتاع الامن..روحت للحاج مصطفى بس انا الصراحة اول ماشفته مكنتش عارف اذا كان ميت ولا بيموت المهم قولتله ع الموضوع قالى روح للظابط حمدى بتاع قائد الحرس..روحت للظابط لقيته مش موجود..الموضوع بقى كبر فى دماغى وفضل يكبر يكبر لغاية لما شوية منه وقعو من ودانى..قمت رايح للعميد قابلت السكرتير (راجل كده شبه حلبوزو لاوى بوزو)وقلتله ع الموضوع قالى روح لوكيل الكلية..روحت لوكيل الكلية قابلت السكرتير(تقريبا هوا والسكرتير بتاع العميد اخوات من اب وام مختلفين)وقلتله ع الموضوع قالى لآ دا انت تطلع على سيد سليسيون..سألته مين سيد سليسيون دا؟..بصلى باحتقار كده وكأن سليسيون دا رمز من رموز التاريخ وقالى:دا المدير العام لمكتب مكافحة سرقة الدواليب
فوزى:روحت جرى للراجل ودخلتله المكتب ولقيته راجل محترم وشه منور كده وعلامة الصلاة زى النسر فى دماغه..فقلتله ع الموضوع..لقيته قام باصصلى كده والنور اللى فى وشه اطفى والنسر اللى فى دماغه طار وقام زيووووووووو لاسعنى أفا عرفت من خلاله انى المفروض اروح للظابط بتاع قائد الجرس عشان جه..
نزلت روحت لقائد الحرس بس لقيت اتنين قاعدين على نفس المكتب بدقق اوى عرفت ان عينى مزغللة من الأفا اللى سليسيون ادهولى..المهم قلتله ع الموضوع راح باصصلى ببتسامة باردة..انا قلت فى نفسى مش معقول يكون بيبتسملى او يمكن دى الابتسامة التى تسبق العاصفة.. وراح منادى ع الساعى بتاعه:رجب حضرلى ادوات رجب ظبطلى البهوات
واثناء ما رجب كان بيجيب الادوات الظابط قالى:على فكرة احنا منعرفش مين اللى بيسرق الادوات
فوزى:لالالالا..وعلى راى الواد ميزو اللى بيته من إزاز ميغيرش هدومه فى اوضة الصالون
الظابط:يعنى ايه
فوزى:يعنى انا شفته وهوا بيغير هدومه فى اوضة الصالون
الظابط:مش فاهم برده
فوزى:يعنى انا شفت اللى بيسرق الدواليب
الظابط:اكيد بتهزر
فوزى :امال هكون بتكلم جد

فوزى بيكلم ام السيد:بس ف اتخنقت و اتحسبنت ومشيت وخلاص
ام السيد:أومال رجب راح فين؟
فوزى:لا دا راح يصور الكليب
ام السيد:شكرا لك
ثم تتابع:هذه هيا اخر التطورات على الساحة..كانت معكم ام السيد من امام محل هوت ميكس بالسنتر كلية الصيدلة المنصورة
المذيعة:شكرا لكى ام السيد وشكرا لكم مشاهدينا على حسن الاستماع..تصبحو على سيخ..يوووه قصدى خير

بقلاوة:ايه ياواد يا فوزى الحلاوة دى
عليوة:قشطة عليك يا مان
فوزى:ايوة يبنى احنا مش أى أى ولا زى زى ولما لما نبقى نبقى واذا كنت انت انت فحنا احنا اللى وقفنا ولا اتحتحنا

[dr moory]

الموضوع بجد جامد جداااااااااااااااااااااااااااااااااااااااااااااا

[ELANDALEEB]

شكرا يادكتور على الموضوع الجميل ده .......... وواضح اوى تأثرك بحلقات المفتش كرومبو وفيلم الإرهاب والكباب لعادل امام.......... مع دوام النجاح و التوفيق

سلاااااااااااااااااااااااااااااااام

[DR/Moaa]

شكرااااااااااااااااااااااااااااااااااااااااااااااا ااااا

موضوع جامد بجد وياريت يوضع حد لسرقه الدواليب والا

هنضطر لاستدعاء المفتش كرومبو

[Dr.Mohamed]

واد يا طارق مش هتقول بقى على المفاجأه وتكشف السر وتقول مين فوزى ولا أجيب كرومبو

[lost*soul]

ياسلام سرقه جولايب والله حاجه حلوة اوى

ايه ذنب الطلاب يدفعو تمن دولاب كل شويه ولما يباخدو الدولاب والحمدلله ويشترو ادوات والله اعلم دفعو فيها كام تتسرق لا بجد ده حرام ومش ذنبهم يدفعو تمن تقصير

حسبى الله ونعم الوكيل والمشكله محدش هيعرف يطلع بحل ولا بشئ مفيد غير كلمه معلش

اففففففففففف

[EverLasting]

حقيقى فعلا مشكلة رخمة اوى والطالب هوا اللى بيدفع تمنها و حسبى الله ونعم الوكيل

[قناع الذهب]

هههههههههههههههههههههههه بس موضوع دمة زى العسل والله

[تابعة محمد]

بسم الله الرحمن الرحيم
الموضوع جميل بس المهم ان مشكلة الدواليب تتحل لان اعرف ناس لقيت ادواتها اتسرقت يوم الامتحان ، و اكيد ده بيزيد من قلقهم و بعدين الى بيسرق اكيد طالب و مفروض يحس بالى بيسرقهم .
اعتقد احسن حل انهم يعملوا الدواليب داخل الكلية او يحوطها ببوابة و الى ليه دولاب هو بس الى ياخد مفتاح للبوابة .

[M_S_SH]

هههههههههههههههههه
طول عمرك عثل يا طروق
جامدة كالعادة يا واد وحسبي الله ونعم الوكيل