الى كل مهتم بمنتدى الصحه

[lost*soul]

بدانا شهر 8 وده ميعاد تسليم الابحاث بتاع التدريب

ياريت كل واحد ينقل بحثه هنا حتى نستفيد منه

بستنى الابحاث

[pharmacistina]

أكيد ان شاء الله .. لكن للأسف أنا لسة ماسكة في ايدي أوراق التدريب بتاعة عنوان البحث بتاعي امبارح .. أعمل ايه كنت كل لما أروح ملاقيش الدكتور .. محتاج البحث وقت عشان يطلع بصورة حلوة علميا و شكليا .. ربنا يسهل .
شكرا ع الموضوع الجميل ..

[M.3esawy]

فكرة جميله .. هنشوف ابحاث طلبه صيدله هنا
ممكن كمان نفيد بعض بالابحاث دي .. لان بيبقى فيه تداخل في مواضيع الابحاث
وفيه ناس كمان هيبقى عندها نفس البحث .. ممكن تاخده على الجاهز

الفكرة دي كمان ممكن نطبقها في حكايه السمنار اللي بنعمله طول السنه في السكاشن .. هتبقى مفيده جداا

[أمــ هـنـد ــة الله]

ربنا معاكم يا جماعه لانى قلقانة من حكاية البحث ده ومش عارفه هوه حاجه سهلة ولا ايه واهو نستفيد منكم

[semosoro]

لا ياريته كان يبقى مفيد للاسف يا دكتوره هند وعلى قد خبرتى ده روتين كلية صيدله وطلبة كليه صيدله
انا بحثى الاولانى فى السنه اللى فاتت اطبع واتعمل وانا ماشوفتوش
وكله فى التمام
طالما الاصل بايز فاكيد التابع أبوز منه
هههههههههههه
خديها منى كلمه
محدش فاهم حاجه

[lost*soul]

مشكور عيسوى ع اقتراحك وانا موافقه عليهالبحث الى يتنقل هنا مش ورق هنسحبه اسكنر ونزله وبس لا ده هيبقى معلومات منك يعنى تقراو البحث وتنزلوه ونتناقش فيه وياريت يكون بالاول تعريف ليه وعن ايه وكلام مختصر ومفيد وياريت بالعربى عشان خاطر الناس كلها تقراهالى موافق ع كده ياريت يقولى وينزل اعلان ببحثه وميعاد تنزيله بالتقريب وياريت نحاول يكون بحث او اتنين يوميا يعنى الى هتعلن الاول يكون ده ميعادها والى بعدها تبعد بيومين او اتنين تسمحلنا اننا نناقشهمشكورين الكل ع اراءكو ومروركو

[A H M E D]

فكرة حلوة بس أنا لسه ما عملتش البحث بتاعي

[lost*soul]

الى يعملو يقلنا ولو نبذه عنه بلاش يبخل علينا

اتفقنا

[pharmacistina]

بشطب في البحث و أكيد ان شاء الله هحاول أعرضه .. بحثي عنوانه ماكانش ظريف أوي للأسف و غلبني .. كتر خيره الدكتور مرقص .. هههههههه
بحثي عن المناعة و أدويتها ..
طبعا الصيدلية بتاعتنا مليااااااااااااااااااااااااااااانة ع الآخر أدوية مناعة مش عارفين نحطها فين عشان كدة خدت وقت كتير في عمل البحث ..
بس الحمد لله يعني الى حد ما كويس .. هعرضه و أشرحه باسلوب مبسط لما يتسلم الأول ..
صديقتنا الغالية Lost soul .. البحث هعرضه قريب ان شاء الله ..

[wh_kaboo]

فكرة حلوة بس للاسف الدكتور بتاعنا طلب البحث مكتوب بخط اليد
هتبقى صعبة انى اكتبه تانى على الكمبيوتر
بس كانت فكرتوا حلوة قوى
هيا الفرق بين الcommon cold &influenza والادويه المستعملة فى العلاج اللى كلنا عارفينها