تطلب إيه من الإدارة الجديدة القادمة؟؟

[د///*مطحونة*\\\]

السلام عليكم ورحمة الله وبركاته

طبعا يا جماعة كلنا عرفنا الخبر بتاع تاجيل الدراسة بسبب انتخابات القيادات الجامعية سواء العمداء او رؤساء مجالس الأقسام او رؤساء الجامعات اللى كان نفسنا فيها واخيرا الطلب دة اتحقق
والانتخابات دى هتتم بعد ما يتقدم المرشحين ببرامجهم وعلى اساسه الدكاترة اعضاء هيئة التدريس والهيئة المعاونة هتصوت للمرشحين

يعنى للاسف مش باصواتنا

لكن احنا هنا هنتكلم عن الموضوع دة

وهنتابع مع بعض الاخبار اول باول

وهنتكلم عن المرشحين بعد اعلان ترشيحهم

وهنشوف برامجهم

لكن قبل كل دة

نفسك مين يبقى عميد للكلية؟؟

ووكلاء الكلية؟

او رئيس لقسم معين؟؟

او حتى تحب مين يمسك منصب رئيس الجامعة؟؟

ولو مفيش اسماء معينة

نفسكوا ايه اللى يتحقق الفترة اللى جاية فى الكلية خاصة والجامعة عامة

يعنى بوضوح اكتر

تطلبوا ايه من العميد والادارة الجديدة المنتخبة؟


...

[Anas]

مين قال ان كليتنا هيكون فيها انتخابات ؟؟؟ لحد دلوقتي مش أكيد

الخبر من اليوم السابع فيه الجملة دي

انتظارا لإجراء الانتخابات على الأماكن الشاغرة بالجامعات المصرية قبل بداية شهر أكتوبر

و احنا مفيش عندنا في الكلية مناصب شاغرة

موجود رئيس الجامعة اه لان مدته انتهت و طلع على المعاش ...

[A.Elrayes]

و احنا مفيش عندنا في الكلية مناصب شاغرة

موجود رئيس الجامعة اه لان مدته انتهت و طلع على المعاش ...

بس علي فكرة في مشاكل جامده جدا جدا واحتمال الدراسه تتأجل تاني لان بعض الدكاترة عاملين اعتصامات عشان هما كانوا متفقين ان كل القيادات هاتتغير وهايتعمل انتخابات علي كل المناصب وليس الشاغرة فقط

[د///*مطحونة*\\\]

updated
حد يا جماعه عنده اى اخبار؟؟
سمعت ان فى انتخابات فعلا فى اول اسبوع فى الدراسة يا ترى الكلام دة صحيح ولا ايه؟

[Dr/HULK]

لحد دلوقتى مفيش جديد عن اللى أنس قاله ان الانتخابات هتكون على المناصب الشاغرة

ولسه مفيش جديد من وزير التعلمي العالى ولا حتى من رئيس جامعة المنصورة

ربنا يستر عشان لو ادراة الكلية دى كملت يبقى ولا كأن فيه حاجة حصلت والكلية هتفضل خربانة زى ماهى الاسم انجازات على الورق بس

بس على فكرة المفروض ان دى متكونش مشكلة الطلبة يشغلوا نفسهم بيها لأ الطالب مهمته هو انه يتعلم فى جو مناسب

دى مشكلة الدكاترة اللى من مهمتهم انهم يوفروا مناخ التعليم ده للطلبة

لكن الدكاترة للأسف اللى يأس واللى واخدها وجاهة اجتماعية واللى عاملها شغلانة يجيب منها أكتر كمية فلوس يقدر عليها واللى ماشى فى حاله لحد ماوصلنا للمرحلة دى

ان حتى بعد الثورة مفيش تغيير والدكاترة اللى عايزة تغيير عكازها الوحيد هو دعم الطلبة

مع ان المفروض تكون الدكاترة هى اللى بتدعم بعض عشان يغيروا هما للأحسن

ربنا ييسر للى فيه الخير

[Anas]

الكليات اللي فيها انتخابات عملتها خلاص و خلصو ... و الجامعة النهاردة تقريبًا

كل عام و أنتم بخير

[dr.monalizaa]

الكليات اللي فيها انتخابات عملتها خلاص و خلصو ... و الجامعة النهاردة تقريبًا

كل عام و أنتم بخير

انتخابات ايه بقى ... صباح الفل

وانت طيب يا د . أنس

[د///*مطحونة*\\\]

يا فرحة ما تمت
...