شكر وتقدير لأعضاء اسرتي"رسالة"

[omima ramadan]

السلام عليكم ورحمة الله وبركاته

أنا كان لازم بجد أشكر أفراد أسرة رسالة لأن بصراحة فريق السنة دي من أفضل الفرق اللي اشتغلت معاها في الأسرة علي الاطلاق.

في ندوة الاكتئاب ...يمكن كان الوقت ضيق جداً اننا نعمل دعاية لأن كان مطلوب انها تخلص في يومين

وحسيت ان الموضوع صعب لكن الحمد لله انه رزقنا بأعضاء بيحبوا الأسرة بجد والكل عمل مجهود جبار

في سبيل انه ينجح الندوة و اللي اتعمل في يوم واحد كان انجاز بجد يستحق اني أشكر كل اللي ساعدني فيه عشان كده بقول شكرا ل:

دعاء سليمان: مقررة الأسرة اللي ساعدتنا كتير ودبسناها في التقديم.

آلاء علاء: آلاء بجد انت تعبت في التحضير وفي الندوة.

د.أحمد شعير: شكرا جزيلا يا د.أحمد....وفرت علي كتيييير في الاتفاقات والموافقات.... و كويس انك استحملتني في تعليق اليافطة.

د.محمد علي: انت تعبت جدا في ورق الدعاية وتعليقه في المبني القديم وفي الندوة كمان...عشان كده شكرا جزيلاً يا دكتور.

د.محمد معوض: طبعاً مش محتاجة أقول انت ساعدتنا ازاي ...كفاية انك خرجت كتير في الحر وتعبت عشان
تساعد في الدعاية ...جزاك الله خيرا كثيراً.

د.أحمد رشاد: شكرا جزيلا يا د.أحمد ....طبعاً ناضلت كتير مع ال"سلتب" وعلقت الاعلانات وأنت مرهق ...فبجد شكرا جزيلاً.

د.أحمد قدري: أرهقتك في الدعاية...شكرا يا د.أحمد.

د.ياسر الشربيني: لما علقت الاعلانات تاني بعد ما جزء منها ناس قطعته ..خففت عننا صدمتنا بجد وشكرا علي التصوير النهاردة .

سالي كامل: أنقذتينا بكاميرتك النهاردة يا قمر

وكمان لازم اشكر فريق التنظيم بالندوة اللي تعبوا جدا النهاردة:

اسراء عبد الله

ايمان كمال

دعاء عبده

ايمان حسن نجم

وكمان اللي شاركوا في الدعاية ومش عرفوا يحضروا التنظيم زي:

نها

ندي سراج الدين

هالة

وطبعا شكرا لد. أنس من الجمعية العلمية
وكمان شكرا للدكتور اللي علق لنا اليافطة مع د.أحمد شعير
وكمان شكر خاص للمهندس محمد زكي.

وطبعاً لأني بكتب وأنا مش شايفة قدامي ...فبعتذر لو كنت نسيت اسم حد سهواً بس بجد بجد شكرا لكل اللي بذل مجهود في الندوة أو المجلة(طبعا د.محمد وجدي بشكرك علي جهدك بالمجلة).

[Alaa_Resala]

الموضوع مش محتاج شكر منك لينا يا أميمة
كلنا بنشتغل سوا عشان الأسرة تفضل محتفظة بالمستوى اللي وصلتله

ويارب دايما في تقدم
وشكرا ليكي انتي عشان استحملتي عصبيتي أحيانا
وشكرا عشان نظمتي الندوة كلها

خلاص ده يعتبر آخر نشاط لينا في الكلية ...
كل سنة وانتي طيبة

[..::ciZar_Resala::..]

بدون أى شكر يا أميمة ..

دى أسرتنا .. و ندوتنا ..

و نجاحها بيعنى نجاحنا ..

و الحمد لله الندوة نجحت .. سواء فى الدعاية .. أو الحضور .. أو التنظيم .. أو التغطية الإعلامية داخل الندوة .. فالحمد لله الندوة كانت ناجحة بكل المقاييس ..

و لينا شرف كبير إننا نساهم كلنا .. و يكون عمل جماعى .. لما ينجح بنحس إن أسرتنا هى اللى نجحت .. مش إحنا .. لأننا جزء من كيان الأسرة .. اللى كلنا بنحبها ..

فشكراً ليكى يا أميمة .. و شكراً لكل من ساهم معانا و لو بأقل مجهود ..

[Dr.Mohamed]

وكمان شكرا للدكتور اللي علق لنا اليافطة مع د.أحمد شعير

دا مصطفى حماد من الجمعيه العلميه.. علشان مننساش دوره
بتشكرينا على إيه يا دكتوره أميمه إحنا معملناش غير المفروض انو يتعمل.. كانت ندوه كويسه.. إلى الأمام دائماً إن شاء الله

[dr*nada*s]

الحمدالله وشكرا يا اميمه علي الكلام ده بس احلي حاجه في كل ده ان كل حاجه بنعملها بنعملها كلنا مع بعض وبجد بزعل اوي كل ما افتكر ان دي اخر سنه ليكوا متبقوش تنسونا

[* Esraa_resala *]

لا شكر على واجب يا اميمه كفايه ان احنا بنشتغل وحابين كل نشاط بنعمله

فيارب نفضل دايما متجمعين على الخير وفى الخير وربنا يجزينا واياكى كل خير

[nosa a]

بجد شكرا ليكى جدا يااميمة على الندوةوبجد الاسرة هتنقص كتير جدالما تسيبونا وياريت تكونوا فاكرنا دايماانا شاركت معاكوا مدة مش طويلة لكن بجد انتوا متتنسوش ابدا وربنا يوفقكوا

[ms_Belladona]

انا صحيح مش معاكم في الأسرة بس حبيت اهنيكم علي التميز الدائم وروح الحب والتعاون بينكم.
ربنا يوفقكم والي الأمام دايما

[..::ciZar_Resala::..]

انا صحيح مش معاكم في الأسرة بس حبيت اهنيكم علي التميز الدائم وروح الحب والتعاون بينكم.
ربنا يوفقكم والي الأمام دايما

شكراُ ليكى يا دكتورة ..

[Larine_Resala]

أنا حضرت الندوة وكانت أكتر من رائعة واستفدت منها كتير وبصراحة انتوا عاملين شغل حلو أوي سواء معرض الكتاب أو الندوات أوالأسبوع البيئي

وبكرر شكري