رحلة لمستشفى 57357 و الأزهر بارك و الحسين وسيتى ستارز

[عامر إبراهيم]

السلام عليكم ورحمة الله وبركاته



تعلن الجمعية العلمية عن قيام رحلة لزيارة مستشفى 57357 و الأزهر بارك سيتى ستارز و الحسين يوم الخميس القادم 19 / 2



قيمة الإشتراك 25 جنيه فقط للفرد – العدد محدود " 25 طالب فقط "



الحجز فى مقر الجمعية العلمية



للإستعلام : 0107888025

[دقة قلب]

طب يا دكتورة الرحله دي ممكن تطلع السنوات الجاية اصل مش هينفع اطلع المرة دي

[Mohamed Al Gohary]

السلام عليكم جميعا
على من يرغب التبرع لصالح مستشفى الأطفال لعلاج السرطان 57357

رجاء التوجه للمكتب ( مدام شهر زاد ) قبل ظهر الأربعاء .. وسوف يسافر طلاب الجمعية العلمية لزيارة المستشفى يوم الخميس 19 فبراير

مع الشكر والتحية

[عامر إبراهيم]

جزاكم الله خيرآ يا جوهرى على التنبيه

و خيرها فى غيرها إن شاء الله يا دكتورة دقة قلب ...

وإن شاء الله ربنا يقدرنا ونعملها السنة الجاية, و لو نفع السنة دى كمان هنعملها كمان إن شاء الله ...

[monosh]

ربنا يوفقكم يارب.

والله كان نفسى أزور المستشفى معاكم ....بس للأسف.

عموما...ان شاء الله رحلة موفقة ...وفى ميزان حسناتكم

[dr queen]

رحلة موفقه وسعيده ان شاء الله د/عامر ،
ربنا يجعله فى ميزان حسناتكم ..

[دقة قلب]

رحله سعيدة ان شاء الله

[DoAa_RESALA]

الحمد لله الرحلة كانت جميلة جداً

انا سمعت كتير عن المستشفى دي قبل كده وعن مستواها لكن لما اشوف الوضع هناك اكيد مختلف
المستشفى ما شاء الله انها تكون كلها مبنية ومجهزة بالجهود الذاتية وعلى المستوى ده فعلا حاجة تشرف
اهتمامهم بالتفاصيل الصغيرة في معاملة الاطفال واهتمامهم بأي حاجة ممكن تكون مضرة للأطفال ممكن مامخدش بالنا منها زي ابسط حاجة ...... البلالين مثلا كانوا مانعين ان حد ينفخ البلالين ويديها للاطفال الا لما تكون منفوخة بمنفاخ علشان نمنع العدوى من الموضوع ده
وحاجات زي دي كتير

نسيت اقول اننا واحنا هناك امبارح كان في حفلة عندهم لفريق اسمه سنين
الفريق ده تطوع انه هيعمل حفلة هناك للاطفال كل يوم خميس
الفريق امبارح غنى كذا اغنية ولعبوا مع الاطفال والحمد لله الاطفال كانوا مبسوطين جدا بالحفلة

بجد ربنا يبارك لكل اللي ساعدوا المستشفى دي انها تكون في المستوى ده
وربنا يقدرهم ويساعدوا اكبر عدد من الاطفال

يا رب اشفي كل مريض يا رب يا رب