شوفى يا أميرة ...موضوعك فى الصميم.
الصمت فعلا لغة رااااقية جدا. بس للى يفهمهاواللى يقدرها هو بس اللى نستخدم معاه الطريقة دى.
يعنى مثلا أوقات كتيرة يبقى الحوار عادى جدا جداومرة واحدة تتقال الكلمة اللى تحرق الدم الكلمة اللى تجرح الكلمة اللى تخليكى تنزفى من جوا ويا حبذا لو من ناس غالين عليكى .
يا سلااااااااااااام .اليوم مش هيعدى ولو بليل النهار مش هيطلع.
نسكت ونكتم الكلمة...ونكمل عادى ولو انا متأكدة ان الكلمة دى مش مقصودة وعادى ممكن أرجع وأعاتب وألوم.لحد ماأعرف السبب فى خروج الكلمة دى. أما لو من شخص عادى فعادى فتكبر جوانا عداوة وكراهية .
أنا مجربة الكلام ده كله.
وقد ايه من كتر ما انا حاسة بيكى مش قادرة أوصف لك.
كتير بسمع كلام يضايقنى ويغيظينى ويرفع ضغطى وبحس انى هقتل اللى قدامى....
بسيب المكان وببعد وبتجنب الحوار مع الشخصية دى..لحد ما تحس انها فعلا ضايقتى ولما يجى وقت العتاب ونتحاسب ساعتها بعرف اذا كان الكلام بقصد او من غير؟!
ويتحل الموضوع بالاعتذار او الخصام.....ربنا ما يجيب خصام.
ديما بفتكر الآية الكريمة (والكاظمين الغيظ والعافين عن الناس).
أن شايفة ان ده مش عيب ولا نقطة ضعف بالعكس، انا بعتبره غاية القوة.
اسكت احسن ما أرد بكلمة وتبوظ الدنيا والموضوع يكبر...بدل ما كان كلمة صغيرة بقى حاجة تانية وطلعت غلطانة كمان بعد ماكنت مغلوط فيا وليا حق العتاب والإعتذار كمان.
يمكن المشكلة ان الفترة دى بتعدى عليا بأعجوبة وبتمر ببطء جدا...وعلى رأيك من غير أكل ولا شرب وديما تكونى قافلة وسرحانة .معرفش اظهر حاجة واخفى عكسها.
وأعتقد ناس كتير كده....يعنى ميكنش دمى محروق وأعصابى مدمرة وأقعد اضحك واهزر عادى كده.
عندما ينظر إليك الناس على انك متكبرمتعالي عليهم
ولكن حقيقتك ونقطة ضعفك أنك تخاف الاختلاط بهم خوفا من اية
اساءة مقصودة أو غير مقصودة تقف امامها عاجزا عن الرد .... ماذا تفعل ؟؟
يااااااااااااااه كتير كنت فى الموقف ده...
بس لما الناس دى فهمت انا عملت كده ليه واتعامل معايا بجد فى مواقف كتير...عرفت الحقيقة وغيرت رأيها واحترمت النقطة دى جدا.
الحمد لله.
وده يأكد لك انك مش تحكمى ع الناس من المظهر او من أول موقف ....بالعكس.
ومعتقدتش ان فى حد ممكن يلجأ للصمت لما يساء اليه.والإ هو نفسه اللى ضعيف الشخصية
(أهم حاجة فى الإنسان كرامته ثم كرامته ثم كرامته....)
طولت عليكى.....بس عمر ما كان الصمت ضعف....هو صحيح مؤلم ومؤلم قوى خصوصا مع ناس بنحبهم وغالين عندناغلطوا فينا.
بس برده لحظة العتاب بعد الصمت وتصفية النفوس دى أجمل ...ولحظة السماح أجمل وأجمل.
شكرا أميرة ....موضعك فوق الوصف.
ماذا تفعل اذا كان الصمت طبعك؟
رد مع اقتباس
المشاركة الأصلية كتبت بواسطة amira
.gif "Fop (11)")
لانى مبعرفشى اعاتب حد يعنى مثلا لو اللى زعلنى حد مش صاحبى قوى مبرضاش اتكلم لانه مش صاحبى وبحس ان اللى بيننا مش مستاهل اننا نلوم او نعاتب بعض وبعديها رغم ان ده بيتعبنى جدا انما بأى لو اللى زعلنى حد عزيز عليا مبرضاش اعاتبه عشان ميزعلش انه زعلنى لانى مش هستحمل انه يتضايق حتى لو كان هو اللى غلطان بس 
.
