ماذا تفعل عندما يتغير عليك أعز الاعزاء؟؟؟

[Sincerity]

موضوع أعجبنى وحبيت أتناقش معاكم فيه

ماذا تفعل عندما يتغير عليك أعز انسان؟؟؟

انســــان عـــزيز علـــيك
تــقضي مــعظم أوقـــاتك مــعه..

كـــان الانــــسان الـــذي تشـــكو لـــه هـــمومك..
تـــسعدك ابتـــسامته الــرقيقه..
وكــان يـــهتــم بــك..
ولا يـــقدر عــلى فراقـــك..
وحـــالك لايــصبح أفضـــل إلا بـلقــياه..و ســماع صــوته كـــل يــوم..

.....................

بــين يوم وليـــله انقــلب حــاله..
وتــغيرت تصـــرفاته...
كــأنــه لـــم تــكن بيــنكم عــلاقة وطيــدة تـــجمعكما..

مـــاذا ســـتكون ردة فعــلك تــجاهه..؟
هـــل تحــاول معــرفة السبــب..؟
أو تنســاه ولاتــهتم
بــه..؟؟

بانتظار ردودكم الرائعة

[* Esraa_resala *]

اولا احب اشكرك جدا على الموضوع ده

الاجابه اكيد لو كانت واحده عزيزه عليا طبعا لازم اعرف السبب و احاول اتناقش معاها لان كتير الانسان

بيعمل تصرفات فى نظره طبيعيه بس بتزعل ناس تانيه فلازم افهم سبب التغير الى حصل فاجاه وهحاول

على قد ماقدر احافظ على الصحوبيه ده لان صعب الايام ده تلاقي الانسانه الى ترتحلها و تدى بدون مقابل

ولو اختيارك صح من الاول اكيد هيكون فيه سبب للتغير ده وساعتها ممكن ترجعى صحوبيتك بس لو فاجاه

كده منغير سبب وبتحصل وبشوفها كتير فده اسمه تسليه وقت و زهقت من الشله ده اروح اجرب ناس

تانيه احسن وغالبا الشخصيه ده مابتكنش محبوبه من حد

وشكرا يادكتوره على الموضوع وربنا يهدينا جميعاا للصديق الصح و يعينا على الحفاظ عليه

[queen]

مـــاذا ســـتكون رد فعــلك تــجاهه..؟
طبعا هتأثر جدا واكيد حالتى النفسية هتبقى وحشة اوى

هـــل تحــاول معــرفة السبــب..؟
ايوا لازم اعرف السبب واشوف لو انا غلطانة هاعتذر ولو مقبلتش الاعتذار خلاص يبقى هبعد

أو تنســاه ولاتــهتم به ؟
بس مش عارفة هقدر انساها ولا لاء

جزاكى الله خير يا دكتورة على الموضوع
وربنا يززقنا الصحبة الطيبة الصالحة

[Sincerity]

ميرسى سوسو وكوين على تفاعلكو وردكو .....منتظره تفاعل باقى الاعضاء

[WELWEL]

ا اشكرك جدا يا drqueenانا كنت في امس الحاجه للموضوع ده وكاني كنت بدور عليه ولاقيته وانا من رايي لو كانت عزيزه عليكي تساليها وتشوفي ايه سبب زعلها وتحاولو تتناقشوا وكمان تتقبل عتابك انا من رايي دا الصديق الصح

[Sincerity]

ا اشكرك جدا يا drqueenانا كنت في امس الحاجه للموضوع ده وكاني كنت بدور عليه ولاقيته وانا من رايي لو كانت عزيزه عليكي تساليها وتشوفي ايه سبب زعلها وتحاولو تتناقشوا وكمان تتقبل عتابك انا من رايي دا الصديق الصح

اولا برحب بيكى انك قرأتى الموضوع ورديتى عليه
بس مش عارفه حاسه انك كان قصدك موضوع تانى او مش اخدتى بالك
على العموم مش مشكله اناو dr queen واحد

[dr queen]

لا هى تقريبا داخله الموضوع صح ،
بس مش عارفه ايه اللى جابنى بالموضوع !!!

أنا افتكرتها خدعه والله ..

على العموم مش مشكله اناو dr queen واحد

طبعا يا فله احنا الاتنين واحد ..

مـــاذا ســـتكون ردة فعــلك تــجاهه..؟

طبعا مش هسكت لانى لو سكت ما ابقاش dr queen

هـــل تحــاول معــرفة السبــب..؟
أو تنســاه ولاتــهتم
بــه..؟؟

أنا من طبيعتى انى بحب العتاب جدااااااااا ، وما بحبش حد يشيل منى ولا يفكر من ناحيتى اى حاجة وحشة
لانى بتضايق من كده قووووووووى،
وأيا كانت الشخصيه دى قريبه منى ولا لآ ،
كفايه انى اتعاملت معاها لازم لو حسيت نحيتها بأى حاجة
بصارحها علاطول
ولو حسيت انها زعلانة منى أو شايله منى لازم أسألها وما اسيبهاش الا لما تحلف انها مش زعلانة ..

وبالنسيبه للتغير المفاجئ اللى انتى بتقولى عليه ده ،
أكيد مؤكد أكد حاجة حصلت ،
هى مش هتتغير كده من الباب للـ *** الا لما يكون فيه حاجة ،

وأنا لازم أعرفها الحاجة دى وأصلحها باذن الله ..

[sekoseko]

اكيد هبقى عايزة اعرف ايه سبب الزعل ده !!
بس ساعات الانسان اللى قدامى بيبقى فاهم غلط
او مش مقدر الظروف ... وبالتالى بيبقى صعب
ان هو يتفهم موقفى

[pharmacistina]

بــين يوم وليـــله انقــلب حــاله..
وتــغيرت تصـــرفاته...
كــأنــه لـــم تــكن بيــنكم عــلاقة وطيــدة تـــجمعكما..

مـــاذا ســـتكون ردة فعــلك تــجاهه..؟
هـــل تحــاول معــرفة السبــب..؟
أو تنســاه ولاتــهتم
بــه..؟؟

حصلت قبل كدة .. عادي
أكيد بحاول أعرف السبب ..
وبعدها لو أنا غلطانة ولو مرتبطة بالصديقة دي أوي هحاول أرجع الأمور زي ما كانت ..
لكن لو مش غالية عندي أوي ما هصدق .. أنا أصلا بحب الوحدة فمش بتفرق أبدا معايا ..

[Sincerity]

طبعا يا فله احنا الاتنين واحد ..

طبعا يا حبى ....اكيد احنا الاتنين واحد ...نورتى الموضوع يا غاده وميرسى على رأيك يا جميل

اكيد هبقى عايزة اعرف ايه سبب الزعل ده !!

بس ساعات الانسان اللى قدامى بيبقى فاهم غلط
او مش مقدر الظروف ... وبالتالى بيبقى صعب

ان هو يتفهم موقفى

ميرسى على مرورك وردك...بس على فكره اسمك غريب اوى ...على العموم نورتى الموضوع

حصلت قبل كدة .. عادي

أكيد بحاول أعرف السبب ..

وبعدها لو أنا غلطانة ولو مرتبطة بالصديقة دي أوي هحاول أرجع الأمور زي ما كانت ..
لكن لو مش غالية عندي أوي ما هصدق .. أنا أصلا بحب الوحدة فمش بتفرق أبدا معايا ..

ميرسى فارماسستنينا على مرورك وردك ...نورتى الموضوع

تقريبا كل اللى ردوا على الموضوع ليهم نفس الرأى وانهم هيحاولوا يعرفوا ايه السبب؟؟
بس فارماسستنيا لو هيا حتى مش غاليه عندك المفروض انك تعرفى على الاقل سبب اللى حصل الاول قبل ما تقطعى علاقتك معاها..مش معنى ان احنا بنحب الوحده ان احنا ما هنصدق ان العلاقه اتقطعت ..على العموم ده رأيك واشكرك عليه .