.: بكرة فى الكلية :.

[Omneya]

السلام عليكم ورحمة الله وبركاته
أحبتى فى لله

طبعا زى ما كلنا عارفين بكرة ان شاء الله
6/11/2008

معاد زيارة حملة التوعية فى مردسة ابو بكر الصديق الابتدائية بالجلاء

ان شاء الله هتكون تحت عنوان

.: بكرة فى الكلية :.

تم تقسيم الحملة الى قسمين

قسم خاص بتوجيهات الى تلاميذ الصفوف الأخيرة
الرابع والخامس والسادس

ونقدمها فى الفصول كما سيلى شرحه

وقسم توجيهى للأطفال فى الصفوف
الأول والثانى والثالث

على هيئة مسرحية تقدم فى مكتبه المدرسة

كان الموضوع المقترح لاولى للحملة هو الوقاية من بعض الامراض

ولكنى نهاية رأينا انه من الافضل ان نشمل جوانب اخرى
ويجب علينا ان نحرص فى تعاملنا وتوجيهاتنا مع الاطفال على معاملتهم كقدوة

بمعنى

بالبلدى كده دلوقتى لما هنقعد نقدم نصايح للطفل مش هيتقبل
لانها هتبقى غالبا فى صورة اوامر

انما لو خليناه يحس انه قدوة لحد اصغر منه هيتقبل
وهيبقى سعيد باحساسه بالمسئولية دى

هنحاول على قد ما نقدر نخلى اسلوب الكلام والتوجيه
كأسئلة ومين بيعمل كذا ومين اللى بيخلى اخواته الصغيرين يعملوا كذا

طبعا سيناريو الكلام هنحاول نخليه فى اطار

يوم فى حياة طالب

بداية

هنعرفهم بنفسنا ونستدرجهم الى الحوار بسؤال بسيط
( واسمحولى اقول نستدرجهم فى وسط الكلام )
مين عاوز يدخل صيدلة ومين عاوز كليه تانية

طيب وعشان نوصل للكلية دى هنعمل ايه

ونقوم من النوم وتبدأ توجيهاتنا فى
يوم فى حياة طالب عشان بكرة فى الكلية

الاستيقاظ ثم الصلاة
وطبعا نسأل مين بياخد اخوه الصغير يصلى معاه

بعد كده الافطار
ونتكلم طبعا عن التغذية وآداب الطعام وهكذا

يمضى بنا اليوم الى النزول الى الشارع للذهاب للمدرسة
فنناقش معهم آداب الطريق وسلبيات يرونها فى الشارع

نصل الى المدرسة فنتعامل مع الاصدقاء والمدرسين
والدروس والتفوق الدراسى وكيفيفة الوصول له

وقت الفسحة الاهتمام بنظافة المدرسة والنظافة الشخصية

العودة الى المنزل ثم النظام وتنظيم الوقت
استخدام الكمبيوتر ومشاهدة التليفزيون وغير ذلك

وننهى معاهم اليوم بحيث نصل بيهم الى تحديد سلوكيات خاطئة
يتجنوبها وسلوكيات حسنة يتقلدوا بها

وبالتالى حياة منظمة خالية من الامراض صحية
تصل بهم الى

(فى الكلـــــــــ ـــــــــــية )

لتحقيق احلام الصغار

اتمنى فكرة الحملة تكون عجباكم
واى تعليق احب اسمعه قبل ما نروح بكرة

وان شاء الله التجمع غدا فى الكلية الساعة 9
لتوزيع لادوار

وبالتوفيق يارب

احبكم فى الله
euou

[DoAa_RESALA]

الفكرة جميلة جدا ما شاء الله يا أمنية

والله كان نفسي اكون معاكم بس بكرة مش هينفع ......ان شاء الله لما تعملوها تاني هكون معاكم لو كان لينا عمر

وبالتوفيق ومنتظرين تقولولنا عملتم ايه

[Mohamed Al Gohary]

ان شاء الله يبقى يوم موفق .. وتنجح الفكره ..

وشكرا لامنيه اللى تعبت فعلا فى التنظيم ..

وان شاء الله يا دعاء تبقى معانا .. المره الجايه ..

[AlaDDin]

ان شاء الله الفكره تحقق اللي بنتمناه منها ..

و تتكرر كتير في المستقبل ..

و ان شاء الله ننزل لكم اللي حصل بعد ما يحصل

و طبعا شكر لأمنيه منظمة اليوم ..

و ان شاء الله يكلل بالنجاح ..

و شكرا ليكي يا دعاء .. واكيد مرحب بيكي في اي وقت ..

[د\بوسى ربيع]

كان يوم اكتر من رائع والاطفال كانوا زى العسل واحلى حاجه انى زرت مدرستى القديمه

[Mohamed Al Gohary]

فعلا والله كان يوم حلو وكانت تجربه حلوه اوى ان شاء الله تكرر ..

[Dr. Atallah F. Ahmed]

انا سعيد جدا جدا جدا بهذا النشاط و اشد على ايديكم فهو يجسد بجد الإنتماء و الحرص على إنماء الأجيال القادمة. كم يكون الإنسان له قيمة و أكثر سعادة عندما يفكر فى إنماء الغير و اسعادهم. كم تكون الأسر الطلابية اكثر نبلا و فكرا عندما تفيد مجتمعها و تكون ميدان لتدريب أعضاؤها على التواصل و إفادة الأجيال القادمة. نود ان نقرأ عن أفضل المواقف فيما تم. تحياتى و شكرا لكم

[Mohamed Al Gohary]

اولا احب اشكر حضرتك جدا على مرور حضرتك الكريم ..
واحب اقول حاجه .. ان دكتور عطالله هو اللى نبهنى ان الاسره ممكن يكون لها نشاط بره الكليه ..

والله يا دكتور كانت تجربه رائعه فعلا .. وتحدثنا إلى الاطفال من الصف الثانى الابتدائى الى الصف السادس الابتدائى .. عن احلامهم وطموحاتهم .. وكيفية الوصول الى احلامهم ..

وعن العادات الصحيه السليمه والممارسات اليوميه .. والتى تم تجسيدها من خلال مسرحيه قصيره بالعرائس .. قدمها اعصاء الاسره بشكل فكاهى ولذيذ حاز على اعجاب الاطفال كلهم ..

ولم يخلو من الاسئله البسيطه والهدايا ..

[Dr. Atallah F. Ahmed]

ما تشوقناش بقى يا دكتور جوهرى و انزل ياللا بالصور. انتم أكيد موثقين النشاط الجميل ده.

[Mohamed Al Gohary]

حاضر يا دكتور حالا ان شاء الله ..