الحلقة السادسه sowtrig على كرسى الإعتراف

[Mohamed Al Gohary]

أعزائى أعضاء المنتدى الكرام ..


إكمالاً لشىء قد بدأناه .. وعملاً قد أتممناه ..

معنا اليوم واحد من ألمع أعضاء المنتدى ..

شخص له رأى ثابت فى كل القضايا والمناقشات التى تدور ..

قد تختلف معه .. لكنه لابد وأن ترفع له القبعه على آرائه واقتراحاته ..

قد لا تتفق نظرتك مع نظرته .. ولا طريقتك مع طريقته .. لكنك لا تستطيع أبداً أن تجزم بأنك على صواب وهو على خطأ ..

معنا اليوم د/عامر إبراهيم .. sowtrig .. وهو بشكل شخصى .. أحد أعز زملائى وأصدقائى منذ مرحلة الثانوية العامه ..

ورفيق أحلام وطموحات قديمة .. سأدع له الفرصه ليحكيها هو لكم بنفسه ..





عامر سعداء جداً بوجود شخصيه مثلك معنا فى حلقتنا هذه .. شخص ناجح .. مثقف .. طموح .. نشيط .. له مكانه فى الكليه ..


نبدأ حلقتنا ...

[Mohamed Al Gohary]

البطاقة الشخصية ؛؛

الإسم :
تاريخ الميلاد :
محل الميلاد :
عنوان السكن :



العائله ؛؛
الأب ووظيفته :
الأم ووظيفتها :
الأخوات :
الإخوان :



الكلية ؛؛
لماذا دخلت كلية صيدلة :
ماهى أحب المواد إليك :
من هو أفضل دكتور من وجهة نظرك :
ماهو أكبر شيء إيجابي فى الكلية لفت انتباهك :
ماهو أكبر شيء سلبى فى الكليه لفت انتباهك :



المنتدى ؛؛
ماذا يمثل لك المنتدى :
لماذا تقدمت للإشراف :
هل حققت أشياء تراها فخراً لك فى المنتدى :
ما هو معنى اسمك ولماذا اخترته sowtrig :
هل ترى أن المنتدى ناجح ويؤدى دور كان مفقود قبل وجوده :



الجمعيه العلمية ؛؛
احكى لنا عن بدايتك فيها :
كيف أصبحت من أهم مسئوليها :
هل ترى أنها تؤدى دوراً مؤثراً :
أنا طالب فى الفرقة الإعدادية .. وطلبت منك أن تلخص لى الجمعيه العلمية فى سطرين فماذا تقول :
هل كما يقال أن الجمعيه العلمية تحجم أنشطة للأسر والاتحاد :
لو فرض أن نشاط الجمعيه قد توقف .. فأى من الأسر تختار الإنضمام إليها :




هكتفى بكده .. عشان كل الأعضاء عاوزين يسألوا ..

[د\بوسى ربيع]

نتمنى انها تكون حلقه جميله ونشوف فيها اراء مفيده ومختلفه

[Mohamed Al Gohary]

نتمنى انها تكون حلقه جميله ونشوف فيها اراء مفيده ومختلفه

ان شاء الله لأن ضيفها جميل .. ومفيد .. ومختلف

[عامر إبراهيم]

يا أهلآ يا أهلآ يا جوهرى

أخيرآ الواحد شرف عندكم فى الصالون

إن شاء الله إن الموضوع يكون حلو وخفيف عليكم يا دكتورة بوسى,

وربنا يخليك يا جوهرى على كلامك ياباشا, ده من ذوقك بس ياباشا ....

بسم الله نبدأ نجاوب على الأسئلة بقى إن شاء الله

البطاقة الشخصية ؛؛

الإسم : عامر إبراهيم عبده إبراهيم
تاريخ الميلاد : 5 - 7 - 89
محل الميلاد : المنصورة
عنوان السكن : 4 ش السكة الحديد, منشية المصطفى



العائله ؛؛
الأب ووظيفته : تاجر
الأم ووظيفتها : ربة منزل
الأخوات : أخت فى أولى جامعة, و أختين فى 2 إعدادى
الإخوان : محمد " كى جى تو "



الكلية ؛؛
لماذا دخلت كلية صيدلة : مجموعى كان عالى, وكان مسموح ليا بطب لما أقل فى المجموع, وأنا كنت شهادة معادلة وكنت عايز أدخل بترول و تعدين السويس بس هى الكلية الوحيدة اللى أعلى من طب فا مش قبلت فيها, وكان إختيارى الشخصى التانى هندسة, بس الوالد قالى ليه تضيع تعبك وتدخل هندسة " 92 " وإنت جايب " 99 " وسمح لى بالإختيار بين صيدلة وطب وطب أسنان وعلاج طبيعى, وكتبت صيدلة أول حاجة والحمد لله جاتلى .... والحمد لله إنى دخلت صيدلة لانها كانت السبب إنى أتعرف عليكم وعلى ناس عمرى ما هناسهم حتى لو بعدوا عنى " بالخير طبعآ " وناس تانيين بقوا عندى زى أخوانى وناس تانيين أغلى عليا من نفسى ....

ماهى أحب المواد إليك : العضوية حتى الآن وحاسس إنى هحب الصيدلانيات إن شاء الله و إن شاء الله هحصب كل المواد ...

من هو أفضل دكتور من وجهة نظرك : الدكاترة كتير جمال بصراحة, وممكن لو عكست السؤال كان يبقى أسهل, لكن ماكنتش هجاوب عليه

ماهو أكبر شيء إيجابي فى الكلية لفت انتباهك : الدكاترة و الطلبة ونشاط الجمعية العلمية

ماهو أكبر شيء سلبى فى الكليه لفت انتباهك : تسييس أنشطة الكلية من قبل بعض الطلبة والمشاكل اللى بتحصل كل سنة فى إنتخابات الإتحاد, المفروض اللى عايز يشتغل هيشتغل من غير إتحاد ولا غيره وآدى الأسر والجمعية العلمية عاملين شغل ماشاء الله يعنى,
تانى حاجة بعيد عن الطلاب, نظام المحاضرات و السكاشن والكتب أعتقد محتاج تعديل شوية شويتين تلاتة كده



المنتدى ؛؛
ماذا يمثل لك المنتدى : أول منتدى لطلبة الكلية تتجمع عليه وكفاية إنى كنت من اوائل الناس اللى إشتركوا فى المنتدى ...

لماذا تقدمت للإشراف : بصراحة منتدى الكلية وموقع الكلية كان حلمى أول ما دخلت الكلية وكنت مشيت فى الموضوع ده كتير لكن بدون جدوى وعلى آخر السنة المنتدى إتعمل والحمد لله فكان لازم يكون ليا دور إيجابى فيه, وكنت أتمنى إنى أشارك بفاعلية أكتر من كده لكن الحمد لله د/ محمد طلعت ود/ العيسوى مش مقصرين فى أى حاجة وربنا يكون فى عونهم يارب والحمد لله مؤخرآ فريق المشرفين كبر والأعضاء كمان وبقى فى نشاط وتمسك بالقوانين كبير جدآ, زمان كنت بدى 20 إنذار فى اليوم الواحد على الأقل

هل حققت أشياء تراها فخراً لك فى المنتدى : أتمنى إن يكون ليا مشاركة مفيدة للأعضاء بإذن الله وربنا يرزقنا الإخلاص دائمآ يارب علشان نستفيد من تعبنا ليهم ....

ما هو معنى اسمك ولماذا اخترته sowtrig : أهو علشان السؤال ده غيرت إسمى فى منتديات تانية وكنت بفكر من إسبوع أكلم حد من مديرين المنتدى يغير إسمى هنا كمان هههههههه, وكنت إخترته وانا فى السعودية فى 3 ثانوى.

هل ترى أن المنتدى ناجح ويؤدى دور كان مفقود قبل وجوده : أكيد طبعآ فى فرق حتى لو لسه فى تطلع لمزيد من العطاء ...



الجمعيه العلمية ؛؛
احكى لنا عن بدايتك فيها : بدايتى فيها كانت فى أول سنة دخلت الجامعة لما كنت بحاول أعمل موقع للكلية, وباعدين لما مشروع الموقع فشل إتصدمت واخدت فكرة وحشة عن النشاط الطلابى فى الكلية كلها عمومآ, وماكنتش بنزل حتى الكلية إلا علشان السكاشن وماكنش ليا دعوة بأى حد فى الكلية خالص غير الناس اللى أعرفها قبل كده بس والناس اللى إتعرفت عليها فى الكورسات, بس فى إعدادى السنة اللى فاتت " 2سنة فى إعدادى " حبيت أرتبط بالكلية أكتر علشان أعرف أدى فيها اكتر وإشتركت فى الجمعية العلمية بدعوة من أحد أعضائها, و وقتها إتعرفت أكتر على الجمعية و الكلية والحمد لله كان له أثر كبير فى نفسى و إرتباطى وحبى للكلية ....

كيف أصبحت من أهم مسئوليها : هو الجمعية مش محتاجة حد يبقى اهم ولا حاجة, بس انا خليت الجمعية من أهم أولوياتى و الحمد لله إتعلمت إن إخلاص الشيئ لربنا هو سبيل نجاحك والوصول لهدفك والحمد لله كورسات السنة اللى فاتت كانت ناجحة و السنة دى إن شاء الله فى شغل جميل بإذن الله أتمنى إنه يكون مفيد للطلبة بإذن الله يارب

هل ترى أنها تؤدى دوراً مؤثراً : الحمد لله

أنا طالب فى الفرقة الإعدادية .. وطلبت منك أن تلخص لى الجمعيه العلمية فى سطرين فماذا تقول : لو ينفع تذكر عضوية أولى فى إسبوع هلخصلك الجمعية فى يومين

هل كما يقال أن الجمعيه العلمية تحجم أنشطة للأسر والاتحاد : مش فاهم السؤال بالظبط يا جوهرى...

لو فرض أن نشاط الجمعيه قد توقف .. فأى من الأسر تختار الإنضمام إليها : لا تقدروا البلاء قبل وقوعه, لكن من غير ما نشاط الجمعية يقف أنا عايز أنضم لأسرة محترمة أعمل فيها مشاريع إتعلمتها من الجمعية علشان اعمل كومبيتشن بين الجمعية والأسر والإتحاد فى الأنشطة العلمية و الدورات التدريبية, بس ده هدف كبير أوى يعنى علشان الشغل مش واقف عليا والحمد لله شايفين أسرة صيدلى المستقبل منظمة محاضرات جميلة الفترة الجاية فى كذا موضوع ....




هكتفى بكده .. عشان كل الأعضاء عاوزين يسألوا ..

أنا كنت هقولك شرفتنى وإفتكرت إنى اللى ضيف عليك

سلااااااااام

[lost*soul]

ياهلا بيك عامر نورت الكرسى
ربنا معاك

يارب تكون مبسوط منه

[Mohamed Al Gohary]

يللا يا أعضاء .. دوركم ..

[Dr.Mohamed]

عامر نورت الكرسى .. حقيقى حلقه غير عاديه

[Ramy Saad]

عامر ربنا يكرمه يارب
من الناس اللي احترمتها جدا بآرائها قبل ما أشوفها
ولما أتعرفت عليه في الكلية زاد الاحترام وأكن له تقديرا كبيرا
بالتوفيق يا عامر
أسأل الله أن يجعل لك من اسمك وافر الحظ والنصيب

[عامر إبراهيم]

ياهلا بيك عامر نورت الكرسى
ربنا معاك

يارب تكون مبسوط منه

أهلآ بحضرتك ياد كتورة وإن شاء الله يكون الكرسى المرة دى روحه خفيفة عليكم

يللا يا أعضاء .. دوركم ..

منور يا جورهى

عامر نورت الكرسى .. حقيقى حلقه غير عاديه

ربنا يكرمك يا محمد, وهى فعلآ غير عادية خالص

عامر ربنا يكرمه يارب
من الناس اللي احترمتها جدا بآرائها قبل ما أشوفها
ولما أتعرفت عليه في الكلية زاد الاحترام وأكن له تقديرا كبيرا
بالتوفيق يا عامر
أسأل الله أن يجعل لك من اسمك وافر الحظ والنصيب

ربنا يكرمك إنت يا رامى

وربنا يجعلنى كده فعلآ يارب ويغفر لنا خطايانا وما هو أعلم به منا ويجعلنا فى أحسن حال ويرزقنا الإخلاص يارب ...

واللهم آمين وإياكم يا رامى و أنت كمان عزيز عليا جدآ يا رامى