حد هنا شهادات معادلة !؟
طبعا الوصول للجامعة مش لازم يكون عن طريق الثانوية العامة المصرية و لكن ممكن يكون عن طريق شهادة ثانوية معادلة ( عربية أو أجنبية )
و دول درجات منهم الصعب - أصعب من المصري - مثل : الإنجليزي و الألماني.
و منهم أسهل مثل : الأمريكي و الليبي و السعودي - مع إن الأخير غليه كلام .
فا يا ريت الحاصل علي شهادة معادلة يدخل و يقول تجربته و رأيه و الحاصل علي الثانوي العام يشوف بردو
يمكن تهون عليه بلوته أو يرجع يحس بالنجاح بالنظر لسهولة البديل
أنا شهادة معدلة من الكويت وناس كتير أوي بتقول ان الثانوية من مصر أصعب من أي دولة تانية بس المشكلة ان مفيش حد عارف الصح ،الثانوية من الكويت ودول الخليج بشكل عام سهلة بالنسبة للمناهج بس الصعوبة ان في امتحانات علطول كل خمس أسابيع تقريبا امتحانين في كل مادة بالاضافة إلى الواجبات اليومية مع ان الحضور اجباري يوميا والغياب بعقاب والعلمي بيكون عام يعني بناخد عربي وانجليزي ورياضة وكيمياء وفيزياء وأحياء ودين وقرآن(كمواد أساسية كلها) طبعا مع الدروس الخصوصية وامتحاناتها وواجبتها فأنا برأيي إن الثانوية من الكويت ده صعوبتها طبعا مع الغربة والشعور بعدم الأمان لان طبعا مفيش زي أمانا في مصر بس الحمد لله عدت خلاص وأنا مشكلتي في الكلية إن في بعض المناهج في صيدلة معتمدة على مناهج الثانوية في مصر وده مسبب ليا بعض الصعوبات بس بحاول أتخطاها بتوكلي على الله والحمد لله
آسفة على الإطالة وأشكرك أن اتحت ليا الفرصة أوضح إن الثانوية من الكويت وباقي دول الخليج ليست بالسهولة اللي في بعض الناس شايفاها ............
لا شكر علي واجب يا دوك
و فعلا النظم مختلفة أنا شخصيا كنت ثانوي بريطاني و لله الحمد دي شهادة دولية معترف بيها و مش سهلا
إحنا بنمتحن 3 إمتحانات علي الأقل في كل مادة
واحد M.C.Q و ده عليه أقل درجات
واحد نظري العملي و عليه درجات أكتر
واحد عادي و مطول و عليه أكثر الدرجات
و علينا لكي ندخل التنسيق في مصر دخول 8 مواد أساسية -بالنظام إلي فوق .
كده مجموعك ممكن يوصل 100% لكن دخول كليات القمة محتاج مواد مستوي عالي
و دي تتكون من حوالي 4 - 6 إمتحانات حسب المادة مع وجود إمتحانات عملية و الإمتحان الأخير يكون Synoptic أي ممكن يسأل علي أي جزء في ال5 أجزاء إلي فاتو .
و المناهج دولية و واحدة في جميع دول العالم يعني إلي واخدو من مصر زي إلي وخدو من السعودية - زي حالتي يعني - و واضعيها دكاترة في جامعتي London & Cambridge .
و دول فيهم حاجات من إلي بتعلمها في إعدادي صيدلية و هندسة كمان
ملحوظة : أنا عملت Titration في إمتحان الكيمياء النهائي و إمتحنت مكانيكا و إحصاء و محاسبة في ثانوي و شايف إن أسوء شيئ هو فصل الرياضة عن العلمي.
المشكلة الحقيقية تواجه الطالب عن دخول مكتب التنسيق و ذلك لأن الأعداد المسموح بها قليلة و يستحوذ عليها طلاب ااشهادة المعادلة الأمريكية
و كانت في مشكلة كبيرة من سنتين و وصلت للجرايد
آسف علي الإطالة , بس مش عارف إحنا ليه ما نعملش كده هنا في مصر أو نطبق أي نظام ناجح آخر بدل الثانوي العام إلي أدي إلي إنتحار الطلبة و لا يجهز الطالب للدراسة الجامعية.
بــــس كلمة حق طلاب الثانوي المصري أنا شايف فعلا إنهم بيتبهدلو في الإمتحانات خاصةً و ربنا مع الجميع
التعديل الأخير تم بواسطة AhmadRaed ; 27-07-2008 الساعة 05:07 AM
بس أنا بصراحة شايفة ان التعليم في مصر كمناهج مثمر جدا ومفيد أوي وبحس لما بقرأ المناهج بأن اللي بيتخرج من الثانوية من مصر بيكون فعلا مثقف إلى حد كبير غير باقي الثانوية العامة من الدول الأخرى وده أنا بحسه في تعاملي مع الطلاب اللي بقابلها.......
وبشكر حضرتك مرة تانية على طرحك للموضوع
الحقيقه اللى مخلى الثانويه العامه فى مصر صعبه مش المناهج لكن النظام ..
دى حاجه مختصره ولى كلام كتير حول هذا الموضوع فى وقت لاحق ان شاء الله ..
ضوابط المشاركة
رد مع اقتباس