مفاجأة (في الكلية) لحفل ختام الانشطة
حيكون فيمفاجأت
اللي حيحضروا حفل ختام الانشطه ان شاء الله
يوم الاربعاء 16-7-2008 الساعه السادسه مساء في نادي النيل
و دلوقت حعلنلكم المفاجأت دي عشان تتحمسوا اكتر ..
انا عايز الحفله تبقى كلها من اسرة ( في الكلية )
و ان شاء الله حنعمل سحب بين اعضاء الاسره ( اللي حيحضروا)
و الجوايز قيمة جدا جدا ..
الجايزه الاولى ..
كارت شحن فئة 100 جنيه .. ايون 100 .. مش 10 .. متفتكروش اني زودت صفر بالغلط ..
سواء كنت فودافون ولا اتصالات ولا موبينيل .. حنجيبلك كارت شحن 100
و بدون دفع الفرق ..
عشان تتكلم ببلاش .. و تاخد كمان عرض ضعف الرصيد ..
مع اسرة ( في الكلية )
الجايزه التانيه ..
فلاشه مساحة 512 .. من افضل الانواع .. و الاشكال ..
و طبعا ال 512 مساحه كبيره جدا ... و تاخد حاجات كتييير جدا ..
تقدر تنقل اي حاجه من كبيوتر للتاني ..
مع اسرة ( في الكلية )
و الجايزه التالته ..
انكم حتقابلوا د عبد الفتاح ( الراعي الرئيسي للاسره )
و اللي حيحضر الحفل معانا ان شاء الله ..
و طبعا دي جايزه و مفاجأه .. ولا ايه ..!!
و الجايزه الرابعه اكيد تجمعنا سويا .. و ان شاء الله يكون يوم مميز .. بوجودنا فيه ..
و ان شاء الله خلال اليوم ده حيتم الاتفاق على ميعاد لأجتماع اخر .. خاص بالاسره ..
عشان ندرس اللي ممكن نعمله في الاجازه دي .. و نجهز للسنه الجايه ..
و نحط النظام اللي حتمشي عليه الاسره ان شاء الله ..
و في مفاجأت تانيه كتير جايه ان شاء الله ..
عشان صيف في الكلية السنه دي .. كله مفاجأت ان شاء الله ..
اتمنى من الجميع الحضور ..
و شكرا للجميع .. و مستنيينكم كلكم ..
الاعضاء القدام و الجداد ..
عشان في مفاجأة كمان انا مأعلنتش عنها ..
لكنكم حتعرفوها بنفسكم في اليوم ان شاء الله ..
رد مع اقتباس
عشانها........نعمل أى حاجة
