اسأل عن وجود كورس اسعافات اوليه ولا لا

[semsema]

ياجماعه انا عايزه اسأل ان كنتوا هتعملو كورس اسعافات اوليه تابعه لكليه تمريض او لمستشفى الجامعه ولا لا؟؟؟؟؟؟؟؟؟؟ وامتى لو هتعملو؟؟؟؟؟؟؟ والحجز ازاى؟؟؟؟؟؟؟؟؟ ارجو الاهتمام بالرساله والرد عليها و شكرا جزيلا

[M.tal3t]

لا مش حكاية محدش عاوز يرد ..

لكن محدش هنا من الجمعيه العلميه من يوم ما حضرتك حطيتي السؤال وماينفعشي حد يرد بالنيابه عنهم

لان المسؤوله هنا آخر نشاط ليها كان : 07-27-2007 03:03 PM وحضرتك كاتبه الموضوع 07-27-2007, 04:15 PM

يعني بعديها بساعه تقريبا ..

ان شاء الله اماا تدخل نلاقي عندها رد

mt-
-----------------------------------
ده اللينك بتاع الاعلان :

http://mansvu.mans.edu.eg/board/showthread.php?t=367

[Eman * SAMPS]

السلام عليكم و رحمة الله و بركاته

معلش يا جماعة أسفة جدا على تأخيرى عليكم .... بس دة بجد خارج عن إرادتى لأن النت عندنا فاصل بقاله فترة طويلة .
عموما الحمد لله إحنا سألنا فى كلية تمريض على كورسات إسعافات و الحمد لله ممكن تحجزوا من دلوقتى زى ما dr/ Gemy كاتب فى الإعلان ...... و إحنا فى الخدمة دايما و لو حد عنده أى استفسار أو اقتراح يقولنا عليها.

فى رعاية الله دوما ........

[Eman * SAMPS]

السلام عليكم و رحمة الله و بركاته

أحبائى فى الله ......
الحمد لله مواعيد دورة الإسعافات الأولية بكلية تمريض اتحددت هتبقى إن شاء الله من يوم 28 أغسطس لحد 30 أغسطس ؛ يعنى يوم الثلاثاء و الأربعاء و الخميس من هذا الأسبوع .. الساعة ال9 صباحا بإذن الله ... اللى مش هيعرف يوصل لوحده ممكن ييجى الجمعية قبلها إن شاء الله نروح كلنا مع بعض .......اللى عنده أى استفسار .... خدمة 24 ساعة على المنتدى أو على الرقم دة 0102211791

و السلام عليكم و رحمة الله و بركاته.....

[Eman * SAMPS]

السلام عليكم و رحمة الله و بركاته

معلش يا جماعة أنا كنت كتبت ليكم المعاد غلط هو الساعة 9 صباحا إن شاء الله

[M.tal3t]

هوا الاشتراك مفتوح لحد امتى ؟

mt-

[Dr .Ahmed Gamal]

الإشتراك مفتوح لحد يوم الثلاثاء الموافق 28\8\2007

واللي عايز يشترك ياريت يقابلنا يوم الثلاثاء الساعة 9,00 صباحا عند مقر الجمعية العلمية في المبني القديم لكلية صيدلة

[RASHAD_RESALA]

ممكن نعرف الاشتراك كام

[Eman * SAMPS]

15 جنيه أعضاء و 20 غير أعضاء بمعنى الناس اللى مشتركة فى الجمعية قبل كدة و دفعت اشتراك العضوية و خدت كارنيه العضوية دول يدفعوا 15 جنيه و اللى مش مشتركين هيدفعوا 20 جنيه

[مى شمس]

سلام عليكم
مبرووووووووووووك يا جماعه نجاح دوره الاسعافات اللى اتعملت فى كليه تمريض واللى كان مشارك فيها25طالب وطالبه منهم من الكليه ومنهم من صيدله الازهر ومنهم كمان خريجيين..
. الحمد لله خلصت على خير وبجد كنا فرحانين اوى لانها عجبت كل اللى اخدوها وبجد شكروا فيها اوى اوى واللى ساعدنا فى كده ان اللى كانوا بيدوا الدوره من تمريض كانوا بجد متعاونين ومرحبين بينا شكرا ليهم بجد
يمكن بعض الناس هتقول انا ليه فرحانه اوى كده بنجاح الدوره ده مع انها بسيطه والجمعيه بتعمل زيها كتير .هو ده يمكن لان
الدوره ده احتاجت شويه موافقات من تمريض على بال مااتعملت لانهم غيروا نظامهم شويه من حيث سعر الاشتراك و كمان من
حيث البروجرام بتاع الكورس .
حاجه تانيه لان الدوره ده اتعملت فى الاجازه وانتوا عارفين ان الناس بتباه مكسله تشترك فى اى حاجه ده غير ان الناس اساسا بتباه مسافره ومش موجوده يعنى كان صعب جدا اننا نجمع العدد ده.
بس الحمد لله رغم الظروف ده العدد كمل وكان اوفر كمان والناس عجبها اوى الكورس.
بجد شكرا اوى اوى ل د/احمد جمال اللى بجد كان شايل الدوره ده تقريبا وكان بينزل كل يوم بدرى ويشيل البريك فى الحر ويطلع بيه اربع ادوار كل يوم وكمان تعب د/ايمان يونس اللى منقدرش نستغنى عنها فى اى شغل للجمعيه..
بس بجد التعب ده بيروح لما الشغل بينجح ويطلع شكله كويس.
من نجاح لنجاح دايما يارب ان شاء الله وعقبال انجازات العام القادم
شموسة