مش عارف اسميها ايه صدمه ولا غيظ

[Mohamed Al Gohary]

طبعا خلصنا الفيسيولوجى وقاعدين فاضيين بقى .. فلقيت شوية بودر من بتوع العقاقير وانا بعيد ترتيب الاوضه ..
فقلت يااااه .. فجبت عينه وقلت لما اختبر نفسى كده لسه فاكر ولا كله راح .. وعندى الميكروسكوب ..

واشتغلت وعملت كل حاجه . وبحط العينه تحت الميكروسكوب .. تخيلوا لقيت ايه ؟؟







حاجه تغيظ









قعدت اشد فى شعرى ..







خصوصا انى معرفتش العبودر اللى نزل لى فى الامتحان العملى ..










اتفضلوا شوفوا اللى ظهر لى ..

[~*nourel3en*~]

هههههههههههههههههههههههههههه
على فكرة الحالة دى طبيعية جداااااااااااااااا
لو حاولت تفتكر اى كلام فى اى مادة من الى خدناها
هتلقيك فاكرها وبتسمعها كمااااااااااااااااااان
ويوم الامتحان ولا كانك ذاكرت حاجة

يمكن ده من الضغط النفسى الى بنبقى فيه
فمبنعرفش نركز

خير يا دكتور خير ولا يهمك خيرها فى غيرها
لا تسميها دى ولا تسميها دى
سميها قدر الله وما شاء فعل

[Mohamed Al Gohary]

يعنى انا اشتغلت ال hyoscymus دى اكتر من مره ويادوب كنت بطلع ال branched trichome دى بالعافيع .. يبقى لما اشتغل بينى وبين نفسى اطلعها كده ..

اعتقد ان الدكتور نفسه مش هيطلعها كده .. ولا انا مهما عملت ايه تانى ..

[lamiaa]

سبحان الله هى فعلا واضحة جدا
بس هو يمكن بتبقى فى ضغط الامتحان والواحد بيبقى مستعجل وعاوز يطلعها
بس يلا الحمدلله
وربنا يعوضك خير ان شاء الله

[Khaled Ali]

يا عم لا تسميها صدمة و لا غيظ .... سميها كاميليا على اسم بنت خالتها :d

على فكرة بجد حاجة تخنق .. بس هنعمل ايه ما باليد حيلة .... نركز ف الجاي بقى و امرنا لله .. و ان شاء الله ربنا هيوفقنا

[~Am@ny~]

هههههههههههههههه ده حصل بجد
انا كاان عندى شويه بودر من ايام المراجعه والسكاشن عاادى جداااااااااا
بس لما شوفتهم عندى كنت بصراحه حاااااااااسه كده والله اعلم ان الضغط عندى ارتفع
وضربات القلب زادت وشغلانه كده واخدت البودر وشويه الورق بتاع مراجعه العقاقير
ورحت المطبخ وحرقتهم كلهم وكنت فى قمه السعاده وان بعمل الهبل ده هههههههه
اصل البودر طلع عندى غلط فى الامتحان اساسا بس الغلط مش من عندى دى حكايه كده
مش وقتها خالص اقولها .بس على العموم يا دك الى حصل معاااااااااااك ده طبيعى جداااااااااااا
وعلى رأى الدكتور باهر هااااااارد لاك اصله قالها ليه وهو سعيد جدااااااا لما عرف ان البودر عندى غلط

[نسومه]

لا اله الا الله ... هى حاجه تزعل والله بس ده نصيب وربنا كاتبه حتى لو كانت البودر سهله جدا... واكيد بدل حضرتك ذاكرت وعملت اللى عليك ربنا هيعوضهالك فى اى حاجه تانيه ممكن النظرى او الشفوى او يرفعك فى ماده تانيه... او ممكن يكون ده شر وربنا بيبعده عنك ....
اللى فات خلاص ننساه ونفكر فى اللى جاى ونتوكل على الله واكيد ربنا هيكرمنا ان شاء الله......

[DR\TARE2]

هههههههههههههههههههههه
والاهى دة يدل على ان احنا فينا ناس عباقرة جدا
بس عايزين فرصة
ربنا معانا

[WhiteBird]

والله ولايهمك يادكتور ولاحتى تضايق نفسك اصل الواحد لوفضل يزعل على كل حاجه فى الكليه دى على سنه رابعه ان شاء الله هنحول على مستشفى امراض نفسيه ...

انا عن نفسى مبعرفش انا حليت صح ولاغلط...احط الكلمتين اللى عندى واطلع وتيجى زى ماتيجى....حتى البودر معرفش طلعت صح ولا لأ.انا يدوب لمحت واحده برانشيد ...واحتمال تكون تهيئات..

وعلى رأى دكتور باهر هارد لاك

[Dr.Sheko0o0o]

متعتبروش غيظ ولا صدمة يا جوهري

اعتبره قلب وراح

اعتبره قصر جراح واتهد علي بانيه

غلطة شربنا منها

لازم ندفع تمنها

نصيبنا هنعمل اييييييييييييييييييييييييييييييييييييييه