.:: أنا من يسألك الرحيل ::.

[Omneya]

أنا من يسألك الرحيل




عاد من كان لبرهة فى غياب
وبكامل حُلتى ها أنا بالباب
ارتميت بأحضانك لأتناسى العذاب
فاستوحشت نفسى لقائنا أغراب
وتوارت همسات قلبى فى التراب
فلم أعهد جليدا مثل هذا لا يذاب
كيف بات وصلى منك فى اغتراب؟
أظنه الفراق وناقوسه أعلن اقتراب
اليوم ترحل والدموع بلا حساب
أنى لها اغرقتنى فى بحور من سراب؟
هل ستمضى وتدعنى وحيدا فى الشعاب؟
ألا تخشى على وليد من غدر الذئاب؟
أم تناسيت عهدا نبقى سويا فى الرحاب؟
لا أستجديك عطفا أو أرغب فى عتاب
إنما يشدو الطير الجريح من العذاب
وكم أخشى أن يمسى الأمل فى عيونى سراب
وتمر أحلامى أمامى كطيف من سحاب
كفانى ألما ووهما وكفانى ارتياب
أرانى أسطر بيدى نهاية الكتاب
وذا قلبى مقدر له دوما خراب
أنا من يسألك الرحيل فلم نعد بعد أحباب

بقلم
severepain
امنية ياسر

[Aésmaïl]

So Nice Dr ... Thx a lot

[Omneya]

العفو يا احمد

[loyalty]

بجد الفصيد جميلة تسلم ايديك دكتورة أمنية بس عندي ملاحظات بس مفيناش من زعل يمكن تفيدك أو لا أو على الأقل أكون عبرت عن رأيي فيه بعض حجات مش فهماها زي فلم أعهد جليدا مثل هذا لا يذاب مش عرفة ايه مناسبتها وكان المفروض القصيدة تنتهي بالبيت
أرانى أسطر بيدى نهاية الكتاب دليل على النهاية
وأكتر أبيات عجبتني وتوارت همسات قلبى فى التراب
أظنه الفراق وناقوسه أعلن اقتراب
اليوم ترحل والدموع بلا حساب
وكان ممكن نبدل بعض أبيات زي
وذا قلبى مقدر له دوما خراب ...تبقى
فسقط من سماء قلبي شهاب
أحرقني.فللمحب ذاك أيسر عذاب
وشكرا ليك مرة تانيه يا دكتورة وللأمام دائما

[Omneya]

اولا احب اشكرك على تعليقك يا loyalty
ولا اقول بالعربى ولاء

ثانيا بالنسبة للابيات اللى انتى اضفتيها
لا غبار عليها بصراحة

بس القصيدة دى مكتوبه فى 2/2007
وانا من عادتى لما بكتب حاجة
بديلها معانى الوقت اللى حسيته فيها ومبحاولش اغير فيها بعد كده

بالنسبة لرايك فى الجملة الختامية فانا اسمحيلى اعارضك فيها
لان الغرض من القصيدة كلها هو تحقيق العنوان

انا من يسالك الرحيل

يعنى لازم اختم بطلب الرحيل بعد وصف المعاناة
لان البيت اللى انتى اخرتيه لسه بتشرح فيه المعاناة باستخدام
المضارع المستمر "اسطر " فى لسه استمرارية مش نهاية

واما البيت ده
فلم أعهد جليدا مثل هذا لا يذاب

الظاهر موصلكيش معناه
اللى هو ان بطلة القصيدة او الى بتروى الحكاية بستقبل محبوبها
وهى فى قمة الاشتياق له ويقابل منه بقمة البرود

اتمنى يكون المعنى وصل

وسعيدة جدا ان اول مرة حد يعلق على الابيات
مش بس يقول كويس

وشكرا ليكى مرة تانية

[DoAa_RESALA]

لا أستجديك عطفا أو أرغب فى عتاب
إنما يشدو الطير الجريح من العذاب
وكم أخشى أن يمسى الأمل فى عيونى سراب
وتمر أحلامى أمامى كطيف من سحاب
كفانى ألما ووهما وكفانى ارتياب
أرانى أسطر بيدى نهاية الكتاب
وذا قلبى مقدر له دوما خراب
أنا من يسألك الرحيل فلم نعد بعد أحباب

تسلم ايديك يا أمنية بجد جميلة وعجباني آخر حتة دي أوي

[Omneya]

العفو يا دعاء وسعيدة جدا بتعليقك
ويارب دايما كتاباتى تعجبك

[lamiaa]

فعلا ما شاء الله يا دكتورة امنية ابيات رائعة والى عجبنى اكتر واكتر
ردك على ولاء لانى حسيت بجد انتى فاهمة بتكتبى ايه مش اى كلام بيجى فى بالك وخلاص
للامام دائما ان شاء الله

[Omneya]

جزيل شكرى ليكى على تعليقك يا دكتورة لمياء
وربنا يوقفنا جميعا يارب
واهم حاجة طبعا الواحد يفهم الحاجة اللى بيعملها اياكانت

[Doctor_Ahmed]

جميل جدا ماشاء الله