مشروع أهيلو إبن خالة إعتماد..!!...بقلمى الأزرق...

[د///*مطحونة*\\\]

السلام عليكم ورحمة الله وبركاته

بعد التحية والسلام عالناس بتوع الادبى

عاوزة احكيلكم فى حكاية

فى يوم من الايام كدة كنت قاعدة وفجاة لقيت الوحى بيخبط على باب اوضتىهو تملى بيجيلى وقت المزاكرة معرفش ليه
المهم
خلانى اكتب حاجة كدة معرفش هى ايه بصراحة
وبما ان الناس كلها بتكتب فقررت اعملى موضوع انا كمان افرح بيه جت عليا انا يعنى؟

المهم الموضوع هيبقى عن

تجربتى مع اهيلو

حد طبعا هيسالنى ويقولى مطحونة هانم يعنى ايه اهيلو؟

(موضوعى وانا حرة فيه ادلع نفسى زى مانا عايزة حد عنده اعتراض)

من مدة كان فى مشروع خاص بدفعتنا الموقرة وهو مشروع اهيلو
باختصار كدة دة مشروع اشترك فيه 76 طالب من الدفعة وهو عبارة عن امتحان فيه اسئلة مالهاش علاقة بصيدلة يعنى اسئلة اختيارى على وثائق بنحللها ناخد منها كلام ونكتبه فى الاجابة بتاعتنا كوبى وباست مثلا ونكتب راينا فيها كمان وهكذا .يعنى نوع من انواع تقييم الخريج عموما
وبعد مشاركتى فى التجربة دى قررت اتكلم عنها وافصح عن اللى حصل فيها واحكى عصارة تجربتى فيها لعل وعسى الناس تتعظ ونبقى عبرة لغيرنا
طبعا بعد المقدمة الطويلة العريضة دى الناس مستنية موضوع خارق للطبيعة
بالعكس ...ابسلوتلى
طب حد هيسالنى ويقولى ايه اللى حصل احكيلنا يا فندم
(اه مين اللى حدف الطوبة )

حاضر حاضر

شوفوا يا جماعة..اللى حصل كالتاتى


:



قالولنا فى مشروع مهـــــم خاص بالكلية


قولت توبة من دى النوبة كفاية الجودة عليا


قالولنا دة مشروع حيوى واللى يكسب له لاب هدية


قولت اشطة دة كدة فل وعشرة ومية مية


ايه هى بقا التفاصيل اللاب زغلل عنيا


قالولنا مفيش هتروحوا تمتحنوا امتحان سهل خالص زى المية


بس كدة!!دى حاجة حلوة جدى واهو نطلع بحاجة م الكلية ديا


قالولنا طـب تعالوا جربوا امتحان واتعرفوا اكترعالنظام


قولنا حلو تمام التمام اهو برضو عشان نفهم هو دة الكلام

وصحينا الصبح بدرى وعنينا ماليها النوم


نزلنـــــا من بيوتــنا وطــيرنا على علوم


طلع لا امتحان ولا حاجة واهو ضحك عالدقون


وقعدوا يشرحولنا 4 ساعات متواصلة حصــل فيهم العجـــب


اللى نام واللى قضاها كلام واللى زهق طلع ورق وسلى وقته باللعب


واهى عدت الليلة وروّحنا نمنا بعد يوم طويل كان عنوانه التعب


وبعدها بمدة جه معاد الامتحان


وانتواعارفين طبعا يوم الامتحان


يكرم المرء او يهــــــــــــــــــــان


ودخلنا الامتحان دخلة الفاتــــحين


وفوجئنا باسئلة غريبة غرابة السنين


بيقولك...
فى سد تعبان عايزين يهدوه رايك ايه يشيلوه ولا يسيبوه؟؟


وانا مالى ياعم وانا ازعل السد منى ليه


دى مشكلتهم هم احلهــــالهم ليــــــــــه؟


يرضيك يعنى انام


يجيلى فى المنام


يقول هديتنى ليه؟؟


وفى امتحان تانى اللى جاله يا عينى عليه


عن سمكة ب 3 عيون ..عفريت دة ولا ايه


اكتب اكتب...ايدى وجعتنى


بس استحمل أركز وأكتب



اجى انسخ مبينسخشى


اجى الزق مبيلزقشى



طب بعدين؟


اكتب انا امرى لله


ساعة وشوية لما زهقت


اقرى وثائق احلل واكتب لما طهقت


بس اخيرا بعد عناء انا خلصت


سمع هوووووووووووووووس


خلصنا اللت والعجن ودخلنا عالام سى كيو


دة بقا لا تقولى كتابة ولا فيه لاfalse ولا ترو


25 سؤال اختيارى حلهم يا عم الشطور


وماله احنا يهمنا دة احنا نحلهم فى ثانية وكسور



ومن اول سؤال شوفته وعينك ما تشوف الا النور



ووووووووووووووووووووووووووووو




نكمل اللى حصل بعدين
اى استفسار انا مش حاضرة
انتظرونى فى الجزء التانى ان شاء الله
قريبا بجميع دور العرض والطول


.....

[Dr.Sanureta.S]

ههههههههههههههههههههههههههههه جميييييييييييلة جدا جدا يا مطحونة والله
وفعلا بتوصف الي حصلي بالظبط
وجالتلي السمكة ام ثلاث عيون وعيشي يا باشا

[Aya Farouk]

هههههه ضحكتينى والله يا مطحونة
كلنا مطاحين هنا ههههههه
طريقتك ضخكتنى ومش انا اللى حدفت الطوبة ههههه
ومستنيين باقى الكلام
متابعاكى يا جميل *_^

[white light]

ههههههههههه دمك خفيف والله

نسيتى تقولى ان يوم تجربة الامتحان اللى مكنش تجربة ولا حاجة كان يوم اجاااااااااااازة

نفسى اعرف مين اللى هياخد الاب توب والفلاشه

انا بقى تجربتى فريدة من نوعها مع اهيلو

انا مش زى الباقين هههههه

انا حليت الامتحانين السد والسمكة والاختيارى بتاع كل واحد

4 ساعات ونص قدام الكمبيوتر .......اول مرة اعملها فى حياتى

ع الفيس والمنتدى اخرى ساعتين وبتعب بعدهم

بجد بجد تجربة فريدة من نوعها

بس لحد دلوقتى مش عارفه احنا استفدنا ايييييييييييييييه ؟؟

غير اننا اطحنا قدام الامتحان مش كده يا مطحونة

[DR.BIBO]

ياهلا ياهلا
مطحونه بحالها فى الادبى
مش قولتلك يابنتى لو دخلتى الادبى هتبدعى وهتمتعينا
اما بالنسبة لاهيلو فبجد انتى وصفتى الحاله جداجدا جدا
بشكل جامد جدا
ويوم تجربة الامتحان احنا اتكلمنا ولعبنا وكتبنا خواطر كمان فاكرة
ويوميها اكتشفت مواهب الاخت مطحونه الدفينه
ومتأكده انك لو ركزتى شويه مع الادبى هتبدعى بجد
فى انتظار المزيد
اوعى تتأخرى علينا

[د///*مطحونة*\\\]

ههههههههههههههههههههههههههههه جميييييييييييلة جدا جدا يا مطحونة والله
وفعلا بتوصف الي حصلي بالظبط
وجالتلي السمكة ام ثلاث عيون وعيشي يا باشا

لا حول ولا قوة الا بالله جالك العفريت؟هههههه
على فكرة التانى كان فيه سمك برضو بس سمك سلمون مش 3 عيون زى بتاعكوا ..كان يوم غريب كله اسماك وبحار حاجة زى الفل

اسعدنى مرورك جدا سنيوريتا وشكرا بجد على رايك

هههههه ضحكتينى والله يا مطحونة
كلنا مطاحين هنا ههههههه
طريقتك ضحكتنى ومش انا اللى حدفت الطوبة ههههه
ومستنيين باقى الكلام
متابعاكى يا جميل *_^

مبسوطة جدا انى رسمت ولو ابتسامة على وشك دة من دواعى سرورى ^^
امال مين يا جماعة اللى حدف الطوبة والله عيب كدة احنا فى منتدى محترم ينفع كدة يعنى ماشى سوف تندمون ندما لم تروه من قبل ولا من بعد
شكرا على الراى الجميل من شاعرة جميلة زيك بجد مبسوطة ان الموضوع عجبك
اسعدنى مرورك جدا جدا وابقى اتفرجى عالجزء التانى حقيقى ماساة
وادعى معايا يارب الكهربا تقطع والمطحنة تقف ويجيلها قرار ازالة لانها طلعت فلول

ههههههههههه دمك خفيف والله
آه مانا عارفة (لحظة غرور)
نسيتى تقولى ان يوم تجربة الامتحان اللى مكنش تجربة ولا حاجة كان يوم اجاااااااااااازة

نفسى اعرف مين اللى هياخد الاب توب والفلاشه

انا بقى تجربتى فريدة من نوعها مع اهيلو

انا مش زى الباقين هههههه

انا حليت الامتحانين السد والسمكة والاختيارى بتاع كل واحد

4 ساعات ونص قدام الكمبيوتر .......اول مرة اعملها فى حياتى

ع الفيس والمنتدى اخرى ساعتين وبتعب بعدهم
لا انا فى الامتحان تعبت اه بس لو على النت لا مبتعبش ولا بزهق ههههه
بجد بجد تجربة فريدة من نوعها

بس لحد دلوقتى مش عارفه احنا استفدنا ايييييييييييييييه ؟؟

غير اننا اطحنا قدام الامتحان مش كده يا مطحونة

اصبرى اصبرى دة انا محضرة للى هياخد اللاب كلمتين حلوين
انتى كان يومك غريب بصراحة يا عينى عليكى فعلا والمشكلة ان الاسئلة محتاجة تركيز وفهم وكتابة وكلام كتير يعنى بجد كانت حاجة متعبة الله يكون فى عونك

لالالالا متقوليش كدة احنا استفدنا كتير
استفدنا اننا عرفنا حقيقتنا اننا وبلا فخر
مبنفهمش حاجة فى اى حاجة
ومخنا على قده
الحقيقة المرة للاسف بس هنعمل ايه
واه فعلا احنا اطحنا قدام الامتحان
بس بصراحة ضحكنا ضحك السنين جاتلنا بعده هيستيريا ضحك اعتقد دى لحد دلوقتى الاستفادة الحقيقية منه

نورتى الموضوع بمرورك ايتها النور الابيض

.....

[عبدالله عبدالرحمن]

دى السمكة ام 3 عيون
هههههههههه
بجد موضوع حلو
كفاية العنوان
وفى انتظار الجزء الثانى
عشان انا عايز أفهم

[د///*مطحونة*\\\]

ياهلا ياهلا
مطحونه بحالها فى الادبى

شوفتينى وانا مؤلفة
مش قولتلك يابنتى لو دخلتى الادبى هتبدعى وهتمتعينا
اما بالنسبة لاهيلو فبجد انتى وصفتى الحاله جداجدا جدا
بشكل جامد جدا
ويوم تجربة الامتحان احنا اتكلمنا ولعبنا وكتبنا خواطر كمان فاكرة
ويوميها اكتشفت مواهب الاخت مطحونه الدفينه
ومتأكده انك لو ركزتى شويه مع الادبى هتبدعى بجد
فى انتظار المزيد
اوعى تتأخرى علينا

ربنا يخليكى يا بيبو انتى اللى دايما بتخلى كل اللى حواليكى فيهم طاقة ايجابية بروحك الحلوة
طبعا فاكرة دة انا طحنتكوا فى لعبة x-o
ههههههه
لسة عندى ومحتفظة بيها الخواطر دى كلها كنا بنكتب بنص عين اساسا واصلا انا مبكتبش الكلام الفلسفى دة غير لما بكون عاوزة انام معرفش ليه
متشكرة جدا يا بيبو على رايك وانتظرى مهزلة الام سى كيو قريبا

دى السمكة ام 3 عيون
هههههههههه
بجد موضوع حلو
كفاية العنوان
وفى انتظار الجزء الثانى
عشان انا عايز أفهم

ههههههههههههه العفريت اهو ههههههههه دة طلع بجد وبحق وحقيقى!!!وعاملينلها كارتون كمان!! دى سمكة واصلة بقا على كدة
شكرا على الرد يا دكتور مبسوطة جداااا ان الموضوع عجب حضرتك

ان شاء الله هنزل بالباقى قريب بس بعد ماحضرتك تقراه هتتمنى انك مكونتش كتبت عايز افهم لانى انا نفسى مش فاهمة انا كاتبة ايه
المشروع لسة جديد وناس كتير مسمعتش عنه وان شاء الله دى اول واخر سنة يتطبق وباذن الله بعد اللى عملناه فيه هيتلغى

.....

[amira89]

مطحونة
جيتى على الوجع يا اوختى
خاطرة جامدة جدا
وفعلا دا كان حالنا فى مشروع اهيلو
دا انا هرفع راسكم جداااااااااااااا
ربنا يستر
انا سالت د/ايمان النتيجة هتظهر امتى
قالتلى فى مشكلة مع كليات جامعة المنصورة
قلتلها احسن برده

[محمد فهمي]

ههههههههههههههههههه
جامدة يادوك جمودية التنين..
عايزينك هنا في المنتدي بقه علي طول...
ومتفق مع دوك هبة...
الجزء التاني في انتظاره..