رحلة إلى المجهول .. قصيدة قصصية على حلقات .. بقلمي .. تابعوني

[M.Hegazy]

كبرت و كبر معايا همي
جمعت فلوس ، و ودعت أهلي و ناسي و سبت داري
مشيت في سكة طريقها مجهول
طريق بعيد
طريق طويل
رحلة بحث عن المستحيل

دعواتك يا أمي
محتاجها معايا في كل خطوة في مشواري
سافرت عشان ألاقي الحلول
لحلم جديد
و شيء جميل
غربتي .. على حبكم أكبر دليل

ركبت السفينة
شقت طريقها في البحر
و ابتدى معاها مشوار العمر
صارعت الموج صارعت الغرق
جوايا آلام خلت قلبي يتحرق
و ورايا ذكريات حزينة

طالت الرحلة و طال صبري
زاد جوعي و زاد قهري
وصلنا بعد طلوع الروح
وصلت و كبريائي مجروح


الجزء الأول من قصيدتي الجديدة ( رحلة إلى المجهول ) تابعوني ..

23- 8 -2011

Dr.M.Hegazy

[الواثقة بالله]

ماشاء الله على حضرتك يادكتور
دايما ممتعنا بكتتابات حضرتك الرائعة دى
طبعا جميلة جدا وان شاء الله توصل بالسلامة ومن غير حزن
نفسى اعرف لية الياس دة
وفقك الله الى مايحبة ويرضاه
خالص احترامى وتقديرى

[M.Hegazy]

أشكر حضرتك على الكلام الجميل ده يا دوك .. حضرتك نورتيني و زدتيني شرف بكلامك ده ..

خالص التحية و الاحترام و التقدير لحضرتك ..

[الملاك الضاحك]

بسم الله ماشاء الله عليك يا دكتور
بس فعلا ليه الحزن ده كله وليه المجهول ده
هو يا أبيض يا أسود مفيش رمادى
بس برضوا متألق دايما يا دكتور
متابعه مع حضرتك
تحياتى

[M.Hegazy]

تسلم إيدك يا دوك .. وجودك شرف ليا .. و ردك اعتز بيه و احترمه جدا ..

نورتيني ..

[العيون الضاحكة]

جميلة طبعا يا دكتور

حمد الله على سلامتك من الرحلة ...

عندى أمل انك تجد هناك ما يسرك أو على الأقل ما يزودش همك.....وان كنت أشك فى ذلك.
متابعة مع حضرتك ان شاء الله.
اشجــــــــيـــــنـــــــــــا...

[صاحبة القلم الحائر]

حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟
عجبي !!!
===============
يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر
عجبي !!

قصيدة حضرتك جميييييييييييلة جدااااااااااااا
قرأتها كتييييير اوى حسه انها مش مجرد كلمات
بل احساس شديد بالحزن والاسى
بس بختلف مع حضرتك فى البيت ده
غربتى000 على حبكم اكبر دليل
عمر الغربة ما كانت دليل الحب بل بالعكس
لو الانسان بيحب حد بيتمنى انه يفضل جنبه
طول حياته مش يتغرب عنه حتى ولو كان فى الغربة اشتياق للمحبوب
دا مجرد رأى
فى انتظار باقى الحلقات
بعتذر عن الاطالة وجزاك ربى خيرا

[E.Raafat]

قصيدة تجمع حكم غالية وصحيحة مئة بالمئة شكرا على هذه النصائح الغالية

[M.Hegazy]

جميلة طبعا يا دكتور
شكرا لحضرتك ..
حمد الله على سلامتك من الرحلة ...
الله يسلمك يا دوك .. رغم إني قاعد مرحتش في حتة
عندى أمل انك تجد هناك ما يسرك أو على الأقل ما يزودش همك.....وان كنت أشك فى ذلك.
ليه بس كده .. الخيرة فيما اختاره الله .. و كل حاجة من ربنا حلوة و راضي بيها الحمد لله ..
متابعة مع حضرتك ان شاء الله.
شرف ليا و الله يا دوك و حاجة تسعدني جدا ..
اشجــــــــيـــــنـــــــــــا...

بجد أشكرك من قلبي على كل الكلام ده .. حضرتك نورتيني ..

حاسب من الاحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟
عجبي !!!
===============
يأسك و صبرك بين إيديك و انت حر
تيأس ما تيأس الحياه راح تــــــــمر
أنا دقت مندا ومندا عجبي لقيــــــت
الصبر مر و برضك اليـأس مـــــــر
عجبي !!

جميييييلة قوي يا دوك الكلمات دي .. تسلم الأيادي

قصيدة حضرتك جميييييييييييلة جدااااااااااااا
دي شهادة اعتز بيها يا دوك من شخصية محترمة زي حضرتك ..
قرأتها كتييييير اوى حسه انها مش مجرد كلمات
بل احساس شديد بالحزن والاسى
فعلا عندك حق .. طبعي و لا هشتريه يعني !!!
بس بختلف مع حضرتك فى البيت ده
غربتى000 على حبكم اكبر دليل
عمر الغربة ما كانت دليل الحب بل بالعكس
لو الانسان بيحب حد بيتمنى انه يفضل جنبه
طول حياته مش يتغرب عنه حتى ولو كان فى الغربة اشتياق للمحبوب
دا مجرد رأى
أنا كان قصدي يا دوك .. إني اتغربت عشان خاطر أهلي .. والدي و والدتي و إخواتي .. عشان أشقى و أتعب و أعيشهم عيشة هنية .. و الغربة من أصعب الحاجات اللي واحد ممكن يعملها لأنه بيبقى مغصوب عليها و مش حاببها أصلا .. ف من نظري اللي يتغرب عشان حد يبقى بيقدم تضحية كبيرة بتدل على حب كبير ..
فى انتظار باقى الحلقات
بعتذر عن الاطالة وجزاك ربى خيرا

و جزاكم الله من الخير الكثير .. شرفتيني بتعليقك يا دوك .. و إضافتك الجميلة دي .. و يسعدني دايما متابعتك و تشريفك ليا يا دوك .. شكرا جزيلا لحضرتك ..

قصيدة تجمع حكم غالية وصحيحة مئة بالمئة شكرا على هذه النصائح الغالية

دوك رأفت .. و الله يا دوك أنا حبيت حضرتك لله في لله .. و بحب كلامك و تعليقك و بافرح جدا بوجود شخصية زيك كده يا دوك .. شرفتني و زدتني نور بردك الجميل ده يا دوك ..

[Dr_Cinderellaaaaa]

ما شاء الله يا دكتور .. جميلة جدااااااااااااااااااااااااا ..
كالعادة لازم تفاجئنا بحاجة جديدة ومميزة ..
وفى الغالب بتكون حزينة ..ليه ؟؟؟!!!
يا رب تكون نهاية القصيدة سعيدة .. محتاجين شوية تفاؤل ..
منتظرة باقى القصيدة ومتابعة مع حضرتك ان شاء الله ..
أمير الأحزان ؛؛ أسير الصمت .. لك كل التقدير والاحترام
دمت مبدعا متألقا ..