قصيده بحبك يابلدى

[حورالجنه]

بصوا ياجماعه دى قصيده من تأليفى بس دى مكتوبه قبل الثورة عايزة رأيكم بقى وبصراحه

"بحبك يا بلدى"

يامصر ياللى حبات ترابك بتنادينى

اشتقت ليكى ونزلت دموع عينى

يوم ماقررت ابيعك وابيع حلمى ع ارضك

وقررتى انتى تبيعينى

يوم ماقررت اركب مركب

معرفش رايح فين ولا ع فين مودينى

يوم مانصحونى صحابى يلا نمشى

يوم ما فكرت وقلت

لوقعدت هضيع بقيت ايامى وسنينى

يوم لما مافكرتش ازاى هقاوم

حبى ليكى وحنينى

كان كل اللى مسيطر عليا

انى حبيتك وانتى بهدلتينى انى ع ارضك معرفتش اعيش

انك نفضتى جيوبى وزلتينى

والله يشهد انى كان نفسى

افضل اضمك وانتى تضمينى

دلوقتى متجيش تقولى ايه السبب

انتى اللى فيكى كرهتينى

يوم ماأتحديتى عقلى

وقلتى لازم هتضيعينى

كان كل يوم أقول لازم أعيش

وتحلفى انتى لتموتينى

أوتقولى لو سيبتك تعيش

لازم فى فقر وزل تعيشينى

بس لأنك مصر ولأنك بلدى

قلت أكيد لحضنك هترجعينى

وفضلت اصبر وأعافر

ع أمل من الجوع تنشلينى

ولما خلاص فاض بيا وقررت امشى

كنت عارف انى بمضى شهاده وفاتى

وانك بتجهزى حفل تأبينى

وحلفت قلت ليكى هرجع لو بتحبينى

حتى لو جثه هامدة

بس ف ترابك هتوارينى

وبإذن المولى ربى قدر

إنى ارجعلك وبحبك زاد يقينى

وصدقينى كانت غلطه منى

لإنك فى حبك دوبتينى

ويكفينى اقول أنا أبن مصر

حتى لو مش عارفة تريحينى

وكفايه اعيش ع أرضك

بشوق ألاقيكى وتلاقينى

ومش هضعف تانى ولا أستسلم

مادام حبك ف دمى يقوينى

ومهما زاد جرحى وانانى

ومهما فضلتى تبكينى

أحلف بربى وأعاهدك

هتفضلى حلوة قصاد عينى

ده أنا لو هموت مش هيتغير

حبى ليكى واشواقى وحنينى

[snowyellow]

قصيدة رااااائعة جدااااا يا دكتورة
تسلم إيديك ِ
ويا رب دايما فى تألق وتميز .

[yasmeena]

روووووووووعه يا دكتوره
تسلم الأيادى

[سارة أحمد]

ما شاء الله القصيده روعة ربنا يبارك فيكى

[Moonlight]

قصيدة جميلة جدا و معبرة......خصوصا في الوقت اللي كتبتيها فيه

[M.Hegazy]

قصيدة جميلة جدا يا دوك .. سلمت يداكِ ..


تم إضافة القصيدة لفهرس " أجمل ما قيل في الثورة و حب مصر " ..

http://www.pharma-board.com/board/sh...ad.php?t=20494

و تم تقييم الموضوع بخمس نجوم ..

تقبلي مني خالص التحية ..

Dr.M.Hegazy

[حورالجنه]

شكرا ليكوا كلكم وعذرا ع انقطاعى فترة عن القسم الأدبى بس اوعدكم بالتواصل دلوقتى انا كنت كتبت الجزء الأول من قصيدة بحبك يابلدى وده كان قبل الثورة وحابه انزلكم الجزء التانى وده للأمانه مكتوب بعد الثورة لأنى كنت حسيت انى كنت ظالمه مصر وحاسه انها السبب وكنت ناسية الحكومة وبرضه عايزه رأيكم بصراحة ومعلش ع الإطالة

ومهما فضلتى تبكينى
هفضل احبك ده أنا لو هموت
مش هيتغيرحبى ليكى وحنينى
وآسف يابلدى ما أنا بعد ده كله
فهمت ان مكنش قصدك لقرقوش تسلمينى
وانك غصب عنك 30 سنه سكتى وسكتينى
بس كله الا انى اشوفك مطاطيه راسك
وخايفه تشتكى لأضيع وتخسرينى
قلتى امن دولة وحاجات كتير
وبإيديكى قررتى عن الحقيقة تغمينى
لأجل اعيشلك وقلتى ابنى
ضنايا وفضلتى تسايسينى
وقعدتى تبوسى على ايد قرقوش
ع امل من ظلمه تحفظينى
بس اقولك ايه قرقوش كبر وطغى
ومش هتعرفى عن الشر تغنى وتبعدينى
ما قلتلك خلاص الكيل طفح
وعن الإنتقام مش هتوقفينى
لازم اخدلك حقك ده انتى
أمى ومعنى العزة علمتينى
وفى يوم 25 خلاص جمعت صحابى
وع تحريرك صممت تفخربى
ارفعى راسك يابلدى وخليكى
ورايا وع الهمة شجعينى
قومى يابلدى البسى فستان النصر ولبسينى
وافرحى يامصر قرقوش سقط
ما انتى اللى بحبك حمستينى
وافخرى بشبابك ما انتى
اللى ع الشجاعة ربتيهم وربتينى
ووعد منى بعرق وحب
هبنيكى تانى مادام ع التقدم بتأيدينى
وخلاص وعد مفيش بطالة
وع العمل افضلى ساندينى
وخلاص هتجوز واجيب عيال بس وعد
ع الرجولة كبريهم زى ما كبرتينى
و أحلف بربى وأعاهدك
هتفضلى حلوة قصاد عينى