كنت بحلم !!! .. خاطرة - بقلمي

[M.Hegazy]

استكترت حبك ليا .. خوفك عليا .. شوقك لعنيا ..

كنتي حلم حياتي .. و أجمل حاجة أنا شفتها ..

ضحكتك .. و سكوتك .. و كلامك .. و شخصيتك كلها ..

كتير عليا أحلم .. و أعيش حلم عمري .. و المسه بإديا ..




طلعتي وهم .. و رجعت حياتي تاني زي ما كانت ..

وعودك و كلامك .. و خوفك عليا .. كدبة كبيرة و بانت ..

من بعــــــــــــــــد ما ،،،

دموع عيني .. و شوقي و حنيني .. و سنيني .. عليكي هانت

و أتاريني كنت بحلم !!


تحياتي للجميع ..

Dr.M.Hegazy

[العيون الضاحكة]

مش كتير عليك أبدا تحلم و ان شاء الله ربنا يحقق لك حلمك

جميلة يا دكتور.........دمت متألق.

[M.Hegazy]

شكرا جزيلا لزوقك يا دكتورة .. ربنا يكرمك يا رب ..

و نورتيني في موضوعي المتواضع ..

[* lovely heart *]

بسم الله ماشاء الله على حضرتك يادكتور

زى مااتعودنا دايما حضرتك ممتعنا بخواطرك الجميلة

كلمات معبرة ونهضة خيال (وممكن يكون واقع مدام بقلم حضرتك)وصور تحكى
عن ماتحتويه النفس

بس لو الحلم اصبح هدف يبقى ممكن يتحقق ولو لمجرد ثانية
خاطرة جميلة جدااااااااااااا يادكتور ولو انها قصيرة بس اكيد فيها مغزى اجمل

دمت مبدعا متالقا يادكتور كالعادة
وماتحرمنى من خواطرك الجميلة
منتظرين جديدك ودمت بخير

تقبل مرورى وخالص التقدير والاحترام

[M.Hegazy]

بسم الله ماشاء الله على حضرتك يادكتور

زى مااتعودنا دايما حضرتك ممتعنا بخواطرك الجميلة

كلمات معبرة ونهضة خيال (وممكن يكون واقع مدام بقلم حضرتك)وصور تحكى
عن ماتحتويه النفس

بس لو الحلم اصبح هدف يبقى ممكن يتحقق ولو لمجرد ثانية
خاطرة جميلة جدااااااااااااا يادكتور ولو انها قصيرة بس اكيد فيها مغزى اجمل

دمت مبدعا متالقا يادكتور كالعادة
وماتحرمنى من خواطرك الجميلة
منتظرين جديدك ودمت بخير

تقبل مرورى وخالص التقدير والاحترام

اشكرك يا دكتورة على زوقك المتناهي .. ربنا يعزك يا رب ..

كلامك ده اعتز بيه جدا .. و شرف ليا و الله .. تعليقك و وجودك في التوبيك ..

ربنا يكرمك يا دوك ..

و مرة تانية متشكرين جدا على كلامك القيم ده ..

نورتيني ..

لك كل التحية و الاحترام و التقدير ..

[صاحبة القلم الحائر]

جميييييييلة اوى واحساسها عالى اوى
احنا كدا دايما بنشتاق للحزن حتى فى أحلامنا
اللهم ابعد عنا الهم والغم يارب العالمين
جزاك ربى خيرا ودمت متألقا

[M.Hegazy]

منورة المنتدى و التوبيك يا دكتورة .. و كلامك على دماغي من فوق فوق ..

أشكرك على تشريفك ليا في موضوعي و جزاكم الله خيرا على الدعاء ..

تسلم إيدك يا دكتورة ..

[Nayroz]

طلعتي وهم .. و رجعت حياتي تاني زي ما كانت ..

وعودك و كلامك .. و خوفك عليا .. كدبة كبيرة و بانت ..

من بعــــــــــــــــد ما ،،،

دموع عيني .. و شوقي و حنيني .. و سنيني .. عليكي هانت

و أتاريني كنت بحلم !!


تحياتي للجميع ..

Dr.M.Hegazy

( و أتارينى كنت بحلم .. !! )

صعبة الجملة دى علفكرة
طبعا من حقنا اننا نحلم و منقدرش نعيش من غير حلم
بس المشكلة اننا ساعات بنمد ايدينا لحلم متعلق فى السما
يمكن نوصله .. و اول ما نقرب نلمسه .. يفلتنا .. و نوقع تتكسر رقبتنا
و نكتشف انه كان وهم او سراب
خيالنا بس هو اللى صورلنا وجوده بالشكل اللى اتمنناه
مش أكتر ..

اكيد بيبقى خير لينا .. مفيش شك

عادى اننا نحلم و نتصدم بالواقع .. ده طبيعى ..
بس اللى مش طبيعى اننا بعد ما نفوق من الوهم
أو عارفين انه وهم ..
نفضل حاطين أمل عليه و نتناسى انه وهم بس عشان متجرحناش الحقيقة

تسلم يا دكتور ..

[M.Hegazy]

أشكرك جزيل الشكر على كلماتك المشبعة بالأمل و قوة البأس و الرغبة في الحياة .. و نصيحتك غالية قوي .. و يا ريت الكل ياخد بيها ..

تقبلي فائق احترامي و شكري ..

[الملاك الضاحك]

الله على الكلام المؤثر ده يا دكتور بس معلش انا أتأخرت فى الرد
بس فلا أنا مأخدتش بالى من القصيده دى
غير دلوقتى
بس أهم حاجه انى أخدت بالى منها عشان
أشوف الكلام الجميل ده
عاطفه صادقه جدا ومؤثره جدا جدا
جزاك الله خير الجزاء
مع كل التحيه والتقدير