اسمع يا بحر ..

**dr gehad** · 22-05-2011, 02:47 PM

اسمع يا بحر اجمل حكايه

على شطك انت ليها البدايه

حكاية حب بنت وولد

شهدت رمالك على حبهم اللى اتولد

شافها جايه من بعيد

ماشيه باصه للسما

فرح وقال دى اكيد

هديتى من ربنا

ولما منه قربت

القلوب سلمت

والعيون اتكلمت

فجأه طار قلب الجدع

راح على شطك وقتها

وبالمحاره والودع

كتب لها بحبهاااا

ولما شافتها بعدها

زادت دقات قلبها

رسمت قلب جنبها

وحطيت ورده وبخطها

كتبت اسمه واسمها ..

وقف وراها وقالها

تتجوزينى !!

بصت وسكتت واحمر جدا وشها

راح تانى مره وبعلو صوته قالها

تتجوزينى ..

وهتبقى قلبى وتبقى عينى

هتبقى عمرى ونور سنينى

كل لحظه تكونى جنبى

ووقت الشده تقومينى

انتى املى وكل منايا

معاكى قلبى وقلبك معايا

انتى الحنان .. انتى الامان

انتى حياتى كلها

ضحكت وطار قلبها

وعيونها قالت ردها

ودبلتين وفستان وطرحه

كده كملت اجمل فرحه

ودى يا بحر كل الحكايه

اللى على شطك ليها البدايه

حكاية حب بنت وولد

شهدت رمالك على حبهم اللى اتولد

**drpinkysnow** · 22-05-2011, 03:08 PM

الله كلمات جميلة ومؤثرة

تسلم ى يا دكتور ة
بس دى منقوله ولا حضرتك مالفاها

**dr gehad** · 22-05-2011, 03:47 PM

المشاركة الأصلية كتبت بواسطة drpinkysnow

الله كلمات جميلة ومؤثرة

تسلم ى يا دكتور ة
بس دى منقوله ولا حضرتك مالفاها

شكرا يا دكتوره ربنا يخليكى

لا دى انا اللى كتباها

**drpinkysnow** · 22-05-2011, 04:25 PM

المشاركة الأصلية كتبت بواسطة dr gehad

شكرا يا دكتوره ربنا يخليكى

لا دى انا اللى كتباها

انا بجد بحييكى

هم دول فعلا شباب مصر

ان شاء الله ربنا يوفقك وتكتبى اكتر ويبقى ليكى مستقبل كبير فى المجال دة

منتظريين المزيد

**الملاك الضاحك** · 22-05-2011, 05:34 PM

ايه الموهبه الجامده دى
كلام جميل قوى قوى
وقصه أكثر من رائعه
لكى كل التحيه والتقدير

**Dr_Cinderellaaaaa** · 22-05-2011, 07:32 PM

جميل جدا جدا جدا

dr.gehad
عجبتنى أوى .. منتظرة المزيد من ابداعاتك ..

**العيون الضاحكة** · 22-05-2011, 08:59 PM

بجد جميلة جدا

ورومانسية آخر حاجة

خطفت قلبى أول ما قرأتها لأنها بتوصف لحظة نفسى اعيشها
سلمت اناملك وتقبلى مرورى

**محمد فهمي** · 23-05-2011, 01:41 AM

الكلمات...الإحساس...الحكاية
كوكتيل جميل وشهي
سلمت أناملك التي سطرت هذا الكوكتيل

**amira89** · 25-05-2011, 03:02 PM

ايه يا افندم الابداع دا كله

سلمت يداكى يا جميلة

**DR.BIBO** · 25-05-2011, 08:20 PM

كلمات رقيقة لاحساس رائع خليتينى اتوه معاكى فى قصة الولد والبنت
مستنية المزيد وشكرا

الموضوع: اسمع يا بحر ..

أدوات الموضوع

عرض

اسمع يا بحر ..

ضوابط المشاركة