شرح السكشن التاني Biopharmaceutics

[BoNbOoNa]

دكتورة نهي هتعيد شرح السكشن ده تاني سريعا المرة الجاية ان شاء الله ،
الهدف من الموضوع ده ، عشان اللي يحب ياخد فكرة مسبقة عن السكشن اويسترجع المعلومات لو كان حضر الشرح اللي قبل كده



رب اشرح لي صدري و يسر لي أمري و احلل عقد من لساني يفقهوا قولي

بسم الله ،،


Rates & Orders Of Reactions
===========

مبدئيـا ،، يعني ايه العنوان ده ؟؟

الـ Rate مقصود بيها السرعة اللي بيتم فيها التفاعل "Velocity"

أما الـOrders .. ممكن نعتبرها تقسيمة لسلوك الدواء و ليها علاقة بالتركيز بتاع الـdrug .. هتوضح الصورة اكتر قدام شوية ان شاء الله ..
=====
==
=

الـReactions اللي بيتكلم عنها السكشن ده هي التفاعلات اللي بتحصل عشان الـ drug يخرج بره الجسم
" métablosim , biotransformation , elimination , decomposition , excretion "
كلها مصطلحات بتخدم نفس الهدف >> Kicking the drug out side the body

،،،

هنقسم السكشن لـ3 أجزاء اساسية :





1 - حدوتة :



كان يا مكان ، كان في عندنا drug طيب ، و هنرمز له بالرمز A
الـDrug A بيدخل جسم المريض ، يوصل للـsite of action ، يبدأ يتحلل و يدي مفعوله ،،، و بعدين لازم يخرج بره الجسم

ازاي ؟ ؟

الـdrug A بيعدي علي الـ liver و يحصله métabolism .. بيبدأ الـliver يركب فيه function groups مختلفة تخليه بيدوب اكتر في المية
فيبقي easily excreted بعد كده لما يعدي علي الـkidneys و يخرج مع الـurine

الـdrug بعد ما يلبس الـfunction groups الجديدة دي بيبقي اسمه métabolite
>>> المركبات اللي نتجت عن عملية الـ métabolism
هنرمز للـmétabolite بالرمز B


تعليق بسيط علي قصة حياة الـ A & B

Drug A === كسّر يا جدع ===> Métabolite B


* قاعدة هامة : الـrate عبارة عن amount علي time


A :
في البداية تركيز الـدواء بيكون كبير ، و بعدين يبدأ يتكسر لما يمر علي الـLiver و بالتالي تركيزه بيقل تدريجيا
عشان كده الـrate هنا هتبقي بالسالب

Rate = - dA \ dt

- >> لأن الـدواء A تركيزه بيقل مع الوقت
dA >> التغير في تركيز الـ Drug
dt >> التغير في الوقت

====
==

B :
في البداية ، تركيز الـB قليل عشان الدواء لسه موصلش للـliver ، و بعدين مع الوقت الدواء بيمشي في الدم و يبدأ يمر خلال الكبد و يتكسر إلي Métabolites B فيزيد تركيز الـB بيزيد تدريجيا
و بالتالي الـrate هنا هتبقي بالموجب

Rate = + dB\ dt

+ >> لأن تركيز الـ B بيزيد مع الوقت
dB >> التغير في تركيز الـMétabolite
dt >> التغير في الوقت

بس كده

توتة توتة خلصت الحدوتة .. بس خليكم فاكرينها عشان هنحتاجها تاني





2 - Orders ofReactions



عندنا صنفين : Zer0 order و 1st order
.
.
.

* Zero order reactions

النوع ده من التفاعلات مش بيعتمد علي كمية الـdrug الموجودة
بمعني ،
لو عندي dose مثلا 50 mg ... و dose تانية 100 mg
الـmétabolism بتاعهم بيحصل بنفس السرعة

دلوقتي هنطبق الكلام ده علي الحدوتة بتاعتنا ..
بما ان الـReaction rate ثابتة في حالة الـ0

l-dA\ dt = constant
هننقل السالب الناحية التانية و نرمز للـثابت بـ Ko

dA\ dt = - Ko

Ko ده ثابت لا يتغير ،
الوحدة بتاعتة من القانون :
amount \ time
ex : mg \ min , mg\ hour ... etc




الـ0 order بيترسم علي ورق الرسم البياني العادي ، و بيطلع معادلة خط مستقيم
من معلوماتنا الرياضية السابقة :

Y = slope . x + intercept

هنطبق علي الرسمة و نعوض بالرموز المناسبة ..

A = - Ko . t + Ao

أو بدل ما نستخدم الرمز A للـDrug بتاعنا هنستخدم C كناية عن الـ concentration
C = - Ko . t + Co

ملاحظة : الـintercept ( Ao Or Co )o هو الـ initial dose اللي أخدها المريض في البداية

=====
===


* First order reactions

في حالة الـ1st order بيتأثر معدل تكسير الدواء بالـ concentration اللي بدأنا بيه
فمثلا لو ادينا دواء معين بـdose 50 mg هتتكسر اسرع من الـ25 mg
>> الـ50 mg يتكسروا بسرعة و التركيز يقل تدريجيا و كل ما التركيز يقل تقل و تبطأ معاه سرعة التكسير ..


نستنتج انه في حالة الـ1st order ، معدل التكسير بيعتمد علي تركيز الدواء اللي بنديه
هنا قانون الـrate هنضيف عليه تعديل بسيط عشان تأثير التركيز علي سرعة التكسير ،

dA\ dt = - Ko . A

Ko قيمته ثابتة لكل دواء ، لكن الـقيمة النهائية بتتغير علي حسب الـ ( given conc. of Drug ( A

هنا الـKo التمييز بتاعها برده فيه تغيير بسيط

amount\ time = Ko . amount

هنودي الـconc الناحية التانية عشان الـKo تبقي لوحدها ..

Ko = amount \ time . amount

الـamount ـــين يروحوا مع بعض

بقت الـKo بتساوي 1 \ time

و هي دي فعلا الوحدة ..
time -1
ex : day-1 , hour-1 , ... etc



Curve الـ1st order مش بيطلع خط مستقيم الا لما نستخدم الـlog ، عشان كده بترسم علي الـsemilog paper توفيرا للوقت و الجهد بدل ما نجيب log الـconc و بعدين نرسم ..
من معلوماتنا الرياضية السابقة :
Y = slope . x + intercept

زي ما عملنا في الزيرو هنطبق علي الرسمة برده و نعوض بالرموز المناسبة ..

Ln A = - Ko . t + Ln Ao

او نقسم المعادلة كلها علي 2.303 عشان تبقي بالـlog

log A = -Ko . x \ 2.303 + log Ao

>>> ممكن برده نستخدم الرمز C بدل الـ A

.
.
.



الجدول ده الدكتورة قالت عليه مهم و يعتبر خلاصة الكلام اللي فات كله
زيادة فيه بس قانون تاني للـ1st order
A = Ao . e-kt
مش عارفة تم استنتاجه ازاي الصراحة بس اكيد بقواعد الـexponents ... لو حد قدر يعرف يا ريت يقولنا


3- Half life
(t1\2)l



معناها الـوقت اللي بنحتاجه عشان الجرعة اللي المريض اخدها "Ao" توصل لنص التركيز "Ao\2"

في حالة الـzero order :

القانون :
A = Ao - kt

احنا عاوزين الوقت اللي بيقابل نص الـAo ، اذن هنعوض بالتركيز اللي هنستخدمه "Ao\2" او 0.5Ao

اذن ..

0.5Ao = Ao - kt

نخلي الـ t في طرف لوحدها ..

0.5Ao - Ao = -kt

-0.5Ao = -kt

الاشارات السالبة هتطير مع بعض ..



الـAo بتتغير حسب الجرعة اللي بنديها للمريض ... بينما الـk قيمة ثابتة ،
من القانون هنلاقي ان الـ half life في حالة الـzero order بتتأثر بالتركيز اللي بدأنا بيه

======
===


في حالة الـfirst order ،

قانون الـhalf life في النهاية بيكون كالتـالي :



الـk ثابتة .. عشان كده الـHalf life بتاعة الـfirst order بتكون ثابتة بغض النظر عن تركيز الدواء

====
==

خلاصة الجزئية دي :

في الـzero order ،
الـrate ثابتة ، لكن الـt1\2 متغيرة
،،،
و في الـfirst order
الـrate متغيرة ، لكن الـt1\2 ثابتة




في سؤالين في الآخر دكتورة نهي حلتهم معانا ،
هكتفي بكتابة الاجابات لأنهم تعويض مباشر ... و لو فيه مشاكل في الحل ممكن نتناقش فيهم هنا

a = 15 days
b = 20 days

بعد كده في مسألة رسم بياني مطلوب مننا نفكر في حلها و الدكتورة هتشرحها السكشن الجاي بإذن الله
*
*
*

ملاحظة هامة :
في حاجات انا مش مقتنعة بيها بس مذكرتهاش منعا للـلخبطة
بكرة بعد السكشن ان شاء الله لو موضحتش الرؤيا بالنسبالي هقول عليها و نفكر مع بعض

سامحوني علي الإطالة ،

سبحانك اللهم و بحمدك .. نشهد أن لا اله الا أنت .. نستغفرك و نتوب إليك

بالتوفيـــــــق يا رب دايما

[Dina al sheshtawy]

بجد شكله تحفه جدا يا بونبونا
بس لسة مش قريته بس شكله بجد جامد جدا


ميرسي ليكي يا قمري اووووووووووووووووووووووووووووووووووي

[BoNbOoNa]

الله يخليكي يا احلي دينا

اقرأيه براحتك خالص و ربنا يعينك .. و لو في حاجة مش واضحة كفاية قوليلي او حتي لما نتقابل ان شاء الله ممكن نتناقش فيها

[lovely princess]

جزاكي الله خيرا يا بونبوناية الدفعة ... أنا بإذن الله هقرأه بعد السكشن عشان اثبت المعلومات اللي هتقول عليها
بس بجد نفسي تشرحه بالكامل مش سريع لأن شكله مهم و صعب و لازم يتاخد بهدوء

ربنا يستر بجد

شكرا يا بونبونة

[محمد_على_سلام]

جزاكم الله كل خير
شرح اكتر من رائع يا بونبونا

[Oz1945]

جزاكي الله خيراً يا دكتورة على الشرح الوافي

جعله الله في ميزان حسناتك إن شاء الله

____________________

عندي سؤال: في المسألة الواجب علينا
النقطة رقم C مش عارف أجيبها لإني مش عارف أجيب العناصر المتوفرة
مين Co ومين C ؟؟!!
الرسم طلع منه Co=intercept = 87.5
Ko= slope = -6.67
وهو طالب الamount in milligrams يعني أجيب ايه ؟
معذرة للإطالة
بالتوفيق

-----

زيادة فيه بس قانون تاني للـ1st order
A = Ao . e-kt
مش عارفة تم استنتاجه ازاي الصراحة بس اكيد بقواعد الـexponents ... لو حد قدر يعرف يا ريت يقولنا

احنا خدنا قانون ان ln e^-x = -x

يعني e^-x = -x/ln
وبالتالي في القانون الأساسي بتاع ال1st order
ln A = ln Ao -kt
نقسم الطرفين على ln
ln A/ln = (ln Ao/ln)+ (- kt/ln ) l
وبالتالي الln تروح مع بعضها
ويتبقى A= Ao - kt/ln
والناتج فوق (kt/ln = e^-kt -)
وبكده تبقى A=Aoe^-kt
هذا والله أعلم, قعدت أدعبس في الحاجات اللي عندي لغاية موصلت للناتج ده والحمد لله

بالتوفيـــــــق يا رب دايما

لنا ولكم إن شاء الله

[BoNbOoNa]

و جزاكم الله جميعا بالمثل يا رب

احنا خدنا قانون ان ln e^-x = -x
يعني e^-x = -x/ln
وبالتالي في القانون الأساسي بتاع ال1st order
ln A = ln Ao -kt
نقسم الطرفين على ln
ln A/ln = (ln Ao/ln)+ (- kt/ln ) l
وبالتالي الln تروح مع بعضها
ويتبقى A= Ao - kt/ln
والناتج فوق (kt/ln = e^-kt -)
وبكده تبقى A=Aoe^-kt
هذا والله أعلم, قعدت أدعبس في الحاجات اللي عندي لغاية موصلت للناتج ده والحمد لله

تمام

شكرا جزيلا

.
.
.

يا رب السكشن يكون تمام انهاردة ، الحمد لله اقتنعت و معدش في لخبطة و لا حاجة

[THE GOLDEN BOY]

شكرا يا دكتورة
جزاك الله كل خير بجد كنا محتاجين حاجة زى دى

[a_fouda2]

جميل اوي

جزاكم الله خيرًا
قرأته امبارح قبل السكشن و الحمد لله كله تمام دلوقتي بعد السكشن

لو كان ينفع كنا طلبنا منك تنزلي كل سكشن كده قبل السكشن الجديد

: اول مرة اعرف اننا ممكن نقسم علي ln

والله ولا انا سمعت عنها قبل كده

[حنين الأمس]

جزااااكِ الله ألف خيــر يا بنبونتي

A = Ao . e-kt
مش عارفة تم استنتاجه ازاي الصراحة بس اكيد بقواعد الـexponents ... لو حد قدر يعرف يا ريت يقولنا

هو لو أخدتي ال e
لكل المعادلة دي...Ln A = - Ko . t + Ln Ao
هتبقى...
Ln e A = - eKo . t +Ln e Ao
وبما إن الe معكوس الLn يبقى هيروحوا مع بعض وتبقى المعادلة كدة...
A = Ao . e-kt
:
هو دكتور محمد قال نقسم على الLn
رياضياً مينفعش نقول كدة
إحنا نقول مثلا ناخد الLn لكل المعادلة ...ناخد الe لكل المعادلة ....نضرب المعادلة كلها في كذا......
وبما إن ال
e = Ln- = 1/Ln
يبقى ويكأني قسمت ع الLn
يبقى بدل ما نقول نقسم ع الLn .....رياضيا بقى..نقول ناخد الe للمعادلة كلها...
أتمنى يكون قصدي وصل
بارك الله فيكم جميــعاً....