المشكلة الأولى- مواد التخصص

[yojeena]

مشروع برنامج تطوير الصيدلي

بما اننا هنقعد نستني بعض كتير ....فهبدأ عل طول

ليه مش بندرس موادنا الاساسيه من الاول

ليه بنأجل بحجه الاعداد مع ان كلنا عارفين ان احنا بنخلص السنه من هنا ولا كأننا اخدنا حاجه

ليه ماندرسش طبيه و فارما من الاول و بطريقه صح ....نشيل الحشو ....نتعلم صح

ببساطه كطالب داخل كلية صيدله قادر اني اخد مواد في مجالي علي الاقل ماتكسروش اجنحة طالب كله امل بشوية فيزيا و حيوان

كلنا و احنا في اعدادي حسينا بخيبة امل وماحدش ينكر كدا

الصح ان احنا نبتدي صح مافيش اجمل من اننا نستثمر طموح الشباب و مخيلتهم

و تلاقي الرد عليك بقتل طموحك و تحويلك من مبدع لمجرد متلقي ومن عضو فعال لعضو زهقان و حاسس بالملل بكلمة واحده بس

اسفين دا بره اللائحه!!!!!!!!

المشكله في التعامل معانا بان احنا صغيرين و استخفاف بالعقول ومالكش رأي او مش عارف مصلحتك

/////

دي مشكله ومش عارفه اذا كانت ذات اولوية في نظركم لكنها ذات أولوية في نظري

لو متفقين معايا نبدأنناقشها

[عبدالله عبدالرحمن]

بما اننا هنقعد نستني بعض كتير ....فهبدأ عل طول

ليه مش بندرس موادنا الاساسيه من الاول

ليه بنأجل بحجه الاعداد مع ان كلنا عارفين ان احنا بنخلص السنه من هنا ولا كأننا اخدنا حاجه

ليه ماندرسش طبيه و فارما من الاول و بطريقه صح ....نشيل الحشو ....نتعلم صح

ببساطه كطالب داخل كلية صيدله قادر اني اخد مواد في مجالي علي الاقل ماتكسروش اجنحة طالب كله امل بشوية فيزيا و حيوان

كلنا و احنا في اعدادي حسينا بخيبة امل وماحدش ينكر كدا

الصح ان احنا نبتدي صح مافيش اجمل من اننا نستثمر طموح الشباب و مخيلتهم

و تلاقي الرد عليك بقتل طموحك و تحويلك من مبدع لمجرد متلقي ومن عضو فعال لعضو زهقان و حاسس بالملل بكلمة واحده بس

اسفين دا بره اللائحه!!!!!!!!

المشكله في التعامل معانا بان احنا صغيرين و استخفاف بالعقول ومالكش رأي او مش عارف مصلحتك

/////

دي مشكله ومش عارفه اذا كانت ذات اولوية في نظركم لكنها ذات أولوية في نظري

لو متفقين معايا نبدأنناقشها

تمام يادكتورة
احنا أخذنا فارما ومديسنال فعلا
-وفعلا هم مضغوطين جدا-
طيب ايه اللى حضرتك حستيه ناقص
لما وقفتى فى الصيدلية واتعاملتى مع مرضى
لفترة طويلة متصلة
داخلين على سنة منذ تخرج دفعة 2010
واكثر لباقى الخريجين
ايه المواقف اللى قابلتك ومقدرتيش تتعاملى معها
بالمعلومات المكتسبة
هل هناك مشاكل فى المعلومات اللى تم تحصيلها فى الكلية
هل هناك مشاكل بسبب مواد لم يتم دراستها فى الكلية
اذا تم عرض برنامج تعليم مستمر لتعويض القصور
هل ستشاركون فيه
ما هى الموضوعات ذات الأولوية
او تعتبرونها ذات أهمية لا تقبل التأخير

===
يبقى احنا كده ياجماعة بناقش المشاكل الناتجة من قصور
أثناء سنوات الدراسة +مشاكل فى الدراسات العليا
ياريت الطرح يغطى النقطة دى بحيث نقدر نطلع المشاكل
ونحللها ونضع الحلول وأليات التنفيذ
فى ظل ظروفكم فى سوق العمل
عشان نطرحها على ادراة الكلية كبداية
لعمل لقاء نناقش فيه كافة الأمور المتعلقة بالخريجين

شكرا دكتور محمد ودكتورة أميرة ودكتورة يوجينا على التفاعل مع
الموضوع
أنا بالفعل اتكلمت مع الدكتورة ماجدة بخصوص الموضوع ده
ومنتظر اجمع اكبر قدر ممكن من الأفكار قبل طرحها
الهمة ياصيادلة

[yojeena]

تمام يادكتورة
احنا أخذنا فارما ومديسنال فعلا
-وفعلا هم مضغوطين جدا-
طيب ايه اللى حضرتك حستيه ناقص
لما وقفتى فى الصيدلية واتعاملتى مع مرضى
لفترة طويلة متصلة
داخلين على سنة منذ تخرج دفعة 2010
واكثر لباقى الخريجين
ايه المواقف اللى قابلتك ومقدرتيش تتعاملى معها
بالمعلومات المكتسبة
هل هناك مشاكل فى المعلومات اللى تم تحصيلها فى الكلية
هل هناك مشاكل بسبب مواد لم يتم دراستها فى الكلية
اذا تم عرض برنامج تعليم مستمر لتعويض القصور
هل ستشاركون فيه
ما هى الموضوعات ذات الأولوية
او تعتبرونها ذات أهمية لا تقبل التأخير

ياه يا دكتور اكاد اجزم لك ان كلنا ان ماكنش معظمنا ماكنش عارف يتصرف في اي موقف حصل له في الصيدليه

كلنا فاكرين لما وقفنا في الصيدليه لاول مره غير مؤهلين لاي حاجه و انعدام الثقة بالنفس اللي بتكون نتيجة اكيده لاعتمادك علي واحد او واحده في الصيدليه دبلووووووم هيا اللي بتشربك الصنعه

مش عارفين نتعامل مع المريض ازاي مش عارفين نبتسم له لان الابتسامه صدقه ولا نكشر و نترسم عشان يعرف اني صيدلي مش عامل


((مطلوب اننا ندرس مع ماده علم النفس طبيعة المريض و كيفية التعامل معاه و شوية تنميه بشريه))



جهل تااااااااااام بالاسماء التجاريه و بالتالي تلاقيك واقف قدام المريض زي التلميذ الخيبان و غير كدا ,,,,,اطرش

ايوه اطرش

المريض يقولك هات كذا و انت عامل كدا و تقوله نعم حضرتك بتقول ايه

ساعات كتير المواد الفعاله نساها او تفتكرها بس تنسي تبع ايه دا طبيعي لانك اخدت اكتر من 1000 في ترم

((يبقي لازم نبدأ دراسه الفارما من اول سنه عشان نلحق نلم اكبر قدر ممكن علي مدي 5 سنوات مش نقلبهم بسرعه في سنة ولا اتنين))

التعامل مع الحالات اللي جايه يا دكتور انا تعبان و ضرسي بيوجعني اخد ايه

يا دكتور انا عندي حبوب في جسمي لونها احمر دي ايه

يا دكتور رحقت للحلاق و جالي بقع بيضا

يا دكتور انا عندي ضغط ينفع اخد الحقنه دي مسكن

هل في تفاعل مابين الدوا دا و اللي باخده؟؟؟؟؟

طبعا اول حاجه بقول لنفسي هوا انا اساسا دخلت كليه في القطاع الطبي

ممكن يكون في حاجات اخدناها في الكليه و لكن طريقة تدريسها كانت ازاي؟؟؟؟؟

مافيش تخيل ....مافيش ربط بين المعلومات......مافيش امثله من الواقع ........مافيش فهم هيا كدا

و الدكتور الفاضل مش عنده وقت عاوز يحشي عقول الطلبة بأكبر قدر ممكن لان المنهج محدد و الساعات قليله و لازم تاخده كله ومش بيفكر ابدا اني لو وصلت معلومه تتنفذ في حياة الطالب العملية افضل مليون مرة من التلقين

الكلام النظري كتير ومالي الكتب لكن القدره علي تنفيذ النظري هيا الابداع

و ماينفعش اكون صيدلي من غير ما يكون عندي فكر و تخيل و ابداع و قدره علي ربط كل المعلومات


و لما تقتل فيه كيانه و تنزع عنه الصفات الضروريه في مجاله يبقي قتلت مستقبله كصيدلي فعال

فكر كدا في اي مجال ممكن الصيدلي يسلكه بعد تخرجه هتلاقيه لازم يكون عنده قدره علي التخيل

سواء في البحوث في المصانع في الكواليتي كونترول او حتي الصيدليه الاهليه
وفي الاخر نلوم الصيادلة و نقول هوا مستوي الصيادلة ليه بقي في النازل؟؟؟؟؟؟

انا اسفه اني اقول الكليه لم تؤهلني بتاتا بصراحه بعد ما خلصت 5 سنين في صيدله احتاج 5 سنين عشان اعلم نفسي ازاي اكون صيدلي

دا البعض و للحديث بقيه ان شاء الله

[محمد سمير]

كلامك كله مظبوط

ليه بناخد الحاجات اللى فى اعدادى دى من البدايه

ليه بندرس الفارما والمديسنال والحيويه والتوكسو فى سنه واحده

ليه مش يتوزعوا على كل السنين بحيث اقدر استفيد واخد الحاجه بالتفصيل

مش اخدها مختصره فى سنه

فعلا احنا مش مؤهلين

ولازم الوضع والنظام ده يتغير واللايحه تتغير عشان نطور من اسلوبنا ونخرج صيادله فاهمين ومؤهلين

[toqaa]

موااااافقة جداااا علي كلامكم يا دكاترة
للاسف كل يوم بيعدى بقول حرااااااااااام اللي الكلية عملته فينا
انا حاسة ياجماعة انى فمتاهة مش عارفة اوصل لمرحلة الثقة بالنفس دى خالص....لييييه؟
الاجابة بكل بساطة لان امكانياتى مش مؤهلانى انى اقف فالصيدلية واثقة فنفسي كفاية قوى ان الناس داخلة تسالك ومفكراك ياما هنا ياما هناك وللاسف ممكن تخيب ظنهم وياخدو عنك فكرة وحشة وده نتيجة ان كل اللي خدناه فالكلية كووووووووم واللي بنشوفه ده كوم تانى خااااااااالص
نفسي بجد يكون فيه ترابط واضح بين الحياة النظرية والعملية لاننا بجد بنعانى جداااا عقبال مابنقف علي رجلينا ونحس اننا صيادلة بجد
نفسي بقي مسألة اللائحة دى تتغير عيب قوى خصوصا بعد ثورة يناير نفضل ندرس مناهج من السبعينات ونحس اننا بنرجع لورا مش بتقدم
ياريت بجد يحصل تغيير شامل فالمناهج وندرس تخصصنا بجد وندرس كل حاجة بنشوفها فالحياة العملية من بناء شخصية وكيفية التعامل مع المريض وازاي تكسب ثقة المريض وغيره وغيره
عايزين من الاخر ننهض بنفسنا عشان ينهض مجتمعنا بجد

[yojeena]

موااااافقة جداااا علي كلامكم يا دكاترة
للاسف كل يوم بيعدى بقول حرااااااااااام اللي الكلية عملته فينا
انا حاسة ياجماعة انى فمتاهة مش عارفة اوصل لمرحلة الثقة بالنفس دى خالص....لييييه؟
الاجابة بكل بساطة لان امكانياتى مش مؤهلانى انى اقف فالصيدلية واثقة فنفسي كفاية قوى ان الناس داخلة تسالك ومفكراك ياما هنا ياما هناك وللاسف ممكن تخيب ظنهم وياخدو عنك فكرة وحشة وده نتيجة ان كل اللي خدناه فالكلية كووووووووم واللي بنشوفه ده كوم تانى خااااااااالص
نفسي بجد يكون فيه ترابط واضح بين الحياة النظرية والعملية لاننا بجد بنعانى جداااا عقبال مابنقف علي رجلينا ونحس اننا صيادلة بجد

و علي فكره في البلاد اللي تعتبر ارياف الفكره عن الصيدلي بتدوم مش بيدوا فرص تانيه

عاوزين نقضي علي شعورنا باننا مجرد باعه و نرجع المهنه تاني لمكانتها

عاوزين نحس ان احنا بجد بنعمل حاجه و قادرين نساعد الناس

عاوزين نحس ان لينا كيان و دا بناء علي معرفه و علم اتدرس صح

عاوزين نعرف نتعامل مع الشرائح المختلفه للمرضي مش عشان انا حدق و ليا نظره في الناس لا بناء علي علم و دراسه تخليني مؤهل اجتماعيا اني اريح المريض و اخفف عنه المه

نفسي بقي مسألة اللائحة دى تتغير عيب قوى خصوصا بعد ثورة يناير نفضل ندرس مناهج من السبعينات ونحس اننا بنرجع لورا مش بتقدم
ياريت بجد يحصل تغيير شامل فالمناهج وندرس تخصصنا بجد وندرس كل حاجة بنشوفها فالحياة العملية من بناء شخصية وكيفية التعامل مع المريض وازاي تكسب ثقة المريض وغيره وغيره
عايزين من الاخر ننهض بنفسنا عشان ينهض مجتمعنا بجد

ان شاء الله نضيف مناهج تعلمنا تنميه بشريه عموما وفي مجالنا خصوصا

و نسمي الكتاب ((ازاي تبقي صيدلي ناجح اجتماعيا))

ايوه خلي الكلام بسيط و العنواوين تبقي شيقه و جذابه ماعتقدش ان حد يبقي عنده كتاب اسمه لذيذ كدا ومايفتحوش و يعرف بيقول ايه
-----

و ان شاء الله في بالي مشروع كدا علي قد تفكيري اعتقد هيعمل نقله كبيره في عملية التطوير

و هيخفف عننا عناء ((صدمة ما بعد التخرج ))

ان شاء الله هطرحه هنا و هنتناقش فيه بس لما نطرح كل الافكار المتعلقه بالشأن دا

[summer breeze]

دكتور عبد الله بحييك على موضوعك جدا وتميز الفكره وعلو الهمه ورقي الطرح دي كلها حاجات مش جديده عليك

بعد التخرج ومواجهه الحياه العمليه بجد فعلا ثبت ان الواقع الدراسي منفصل تماما عن الواقع العملي المشكلات كتيره

قوي يادكتور وفيها المتعلق بينا احنا كصيادله على الصعيد الشخصي وعلى صعيد الكليه ومنها المتعلق بالاطباء ومنها المتعلق بثقافه المجتمع ودرجه الوعي عنده واللي تكاد تقل عن 50 %

لو سمحتلي هاخد كل نقطه واتكلم عنها شويه

بالنسبه للكليه متفقه تماما مع كلام يوجينا المناهج محشيه حشو ملوش اي لزمه الكليه بتعطي معلومات لكن مبتعلمناش ازاي نستفيد بيها عارف يادكتور انا نفسي قوي اقدم اقتراح لاداره الكليه ان تبقى في ماده دراسه تفاعليه كدا يبقى اسمها درج كومبينيشن تبقى في صوره روشتات مغلوطه كل طالب ليه مثلا 10 روشتات في الترم ياخدهم ويبقى السؤال كاتش ذا ارور مثلا او وضح البنفت من السنرجزم دا او يكتب بريفلي عن الحاله والرول بتاع كل درج في التريتمينت ياخد الروشه وينزل الصيدليه يجيب اصناف الروشته كلها يشوفهم بعينه يصورهم بالموبايل ويعمل بحث كامل بقى عن كل صنف في الروشته الماده الفعاله بتاعته ايه يعرف هو ايه الكلاس بتاعته بيشتغل ازاي بيعالج ايه يجيب كل الدوسج فورم الموجود فيها الدرج دا بتركيزاتها المختلفه ويعرف تعارضاته الدوائيه ويجيب اكبر قدر من الادويه بتحتوي على نفس الماده دي بشركاتها ويبقى دا في صوره مشروع ليه لو مفهمش اي حاجه يرجع للدكتور بتاعه ويساله وبكدا ابقى وصلت للطالب المعلومه بشكل ظريف وحولته من مجرد ريسيفر للمعلومه في المحاضره الى كوليكتور ليها فهل نتوقع بعد كل دا ان الطالب ممكن ينسى الدوا دا او يطلعه في كومبينيشن هو كونترا انديكيتد معاها او يطلعه في غير محله ؟؟؟؟؟؟
دي نقطه من دور الكليه نقطه كمان التعريف بمجالات العمل الصيدلي وطبيعه العمل في كل مجال من اهل الخبره فيه يعني مثلا كتير من الطلبه بيبقى نفسه يشتغل في الجامعه ويتعين معيد طيب انا كطالبه هبقى حابه اعرف هل المعيد دا لازم يكون من العشره الاوائل بس طيب ممكن يحضر في كليه تانيه بتقدير اقل من الامتياز طيب ايه التدرج الوظيفي الجدول الزمني للانتقال من مرحله لمرحله تقريبا قد ايه ا؟يه الفر ق بين الرتب الجامعيه ايه المدرس وايه المدرس المساعد وايه الاستاذ اهي دي كلها حاجات اهو بس جوا الجامعه ومفيش توعيه بيها طيب ميديكال ريب ننظم يوم ونجيب فيه مندوبين شباب يكلموا الطلبه والندوبين درجات في مندوب عادي وفي سوبر فايزور وفي وفي يعرفوهم على مصاعب العمل على مميزاته وعيوبه يكلموهم بلغه السوق التارجت والحرق والحاجات دي العمل الحر والصيدليات منتفق مع مدير صيدليه وييجي يكلم الطلبه ويحكيلهم عن شروط ترخيص الصيدليه وعن طبيعه العمل والمواقف اللي من خلالها الطالب نفسه يستشف اهميه دور الصيدلي صيدلي المستشفيات كمان ييجي ويتكلم الصيادله اللي في المصانع يكلمونا سواء شغالين في خطوط الانتاج او في الابحاث الصيادله اللي فاتحين مخازن ادويه برضه يكلمونا عن كيفيه ادارتها وطبيعه العمل فيها شركات التوزيع من واقف في صيدليه ومسمعشي عن المتحده وعن ابن سينا منجيب الناس دول ويفهمونا طبيعه العمل بتاعهم وفي مليون مجال بجد احنا محتاجين نعرف عشان منبقاش كل واحد على قد المكان اللي هو في وخلاص اللي بيشتغل في صيدليه يفضل متبرمج علها وخلاص ولايفقه شئ عن الاخر لا عاوزين يبقى اعرف شئ عن كل شئ واعرف كل شئ عن شئ عشان يبقى فيه فلكسيبيلتي انا النهارده بشتغل في صيدليه حبيت اشتغل في مصنع يبقى عندي خلفيه عن طبيعه الشغل مش ابقى ميح وعلى فكره انا رايي ان الكليه لازم تخصص يوم للحاجات دي ويبقى الحضور فها الزامي لان اهميتها لاتقل باي حال من الاحوال عن اهميه الماده العلميه لانه اولا واخيرا هي دي الفيلدز اللي احنا بنتعلم عشان نوظف علمنا فيها فعيب قوي لما نبقى جاهلين بيها
طيب حاجه كمان مناهج العملي فيها خلل وفيها فجوه عن الواقع برضه يعني انا دلوقتي هل يعقل اقعد ادرس سنه تالته ترم بحاله سبوزيتوري وسنه رابعه ترم بحاله تابلتس وامتحنه واقيمه على اساسهم انه صيدلي كويس او لا في حين انه يستحيل حد يجيله الصيدليه ويقله حضرلي تابلت ولا سبوزتري انا كنت ومازلت مع ان الصيدلي يعرف كيفيه تحضير كل الدوسج فورم بس مش لدرجه انه يقعد طول الترم يعمل تابلت وسوزتري طيب مافي تحضيرات الدكاتره بتكتبها ف الروشتات طيب منجيبها ونخلي الطلبه يشتغلوها يعني في تحضيرات للجلديه ولحب الشباب وللبواسير طب مانعلمهم ازاي يحضروا دي مظبوط ونخليهم يشتغلوها في المعامل اوقع وافيد من الترمات اللي ضايعه في حاجات ملهاش تطبيق واقعي دي
التحاليل الطبيه لازم يكون ليها نصيب من الذكر عاوزينها تفعل شويه في ماده زي البايو او البارا انا عارفه انهم بيتناولوا اجزاء منها بس محتاجين تركيز اكتر برضه ليه مش بنتعلم في الكليه قياس الضغط وعطيان الحقن هتقلي الحقن دي دور الممرض تمام كلام سليم بس دا في حاله ان كل واحد في البلد بيقوم بدوره ولايتخطاه لكن الواقع ان الناس بتروح تاخد حقن عند التمرجيه والحلاقين يبقى لما اعرف انا كصيدلانيه ازاي اديها يبقى انضف اهو حتى نضمن ان في مراعاه للنضافه العامه برضه قياس السكر في الدم

انا هكتفي بالقدر دا في المشاركه دي ولي عوده باذن الله وربنا يرزقنا الاخلاص في القول والعمل ويجعل عملنا خالصا لوجهه الكريم تحياتي مره تانيه ع الموضوع

[yojeena]

ما شاء الله هيا دي المشاركات

شرحتي اكتر من نقطه تستاهل ان يتخصص ليها موضوع

انا هتكلم في الجزء الخاص بموضعنا

كل اللي انتي طرحتيه جميل و صدقيني هيتحقق لوحده بمجرد ما نبدأ ندرس مواد التخصص من الاول

يعني هيبقي فيه وقت اني افهم كل نوع من الادويه بيعمل ايه و بيشتغل ازاي و هيتفاعل مع غيره ولا لا

تخيلوا معايا كدا الدكتور في المحاضره بدل ما عمال يدخل من دا لدا بطريقه مستفزه من غير مانكون فهمنا اللي قبلها

نلاقيه داخل يقولنا عاوزين تعرفوا لو مريض دخل عليك و قالك يا دكتور

انا عندي سكر و هغير من الصنف الفلاني للصنف دا ؟؟؟

طبعا عشان تعرف ترد عليه لازم تعرف يعني ايه سكر طب عندنا انسولين ومنه طويل وكذا وكذا و عندنا درجز تانيه اسمها كذا وكذا و دا حلو في حالات و ليه عيوبه وتشوف الماده الفعاله و نسبها في كلا الدوايين........

يعني الدكتور لازم يحسسنا بأهمية اللي هناخده و انه هيفيدنا في مواقف لمسناها بتخيلنا قبل ما نلمسها في الواقع

انا عاوزه اقول ان الدكاتره مع كامل احترامي ليهم محتاجين ياخذوا كورسات في كيفيه توصيل المعلومه

فين التشويق ....و الغموض ......و اثارة التفكير......... و الحوار البناء ........و البحث الجاد

[moslma]

في مواضيع كمان مش واخدة حقها ف المناهج نفسها يعني otc&drug drug inter actionزمايلي اللي اتخرجوا بيتكلموا كتير حول النقطتين دول ان لازم يبقالهم جانب منفصل شوية ميبقوش حشو داخل السطور.......وغيره وغيره........للاسف مناهجنا قديمة جدا ومفيش فيها تطوير حتي ف مواد التخصص نفسه ف ظل الاكتشافات الجديدة والادوية الحديثة.......نفسي كتاب الكلية نفسه يكون شيق ومفيد بمعني الكلمة ويكون مرجع لينا حتي بعد التخرج.....

[محمد سمير]

مشاركات فعاله جدا

ايوه هو ده اللى احنا عاوزينه

كل واحد يعرض المشكله اللى شايفها وايه اوجه القصور والعجز وايه الحلول المقترحه

ربنا يبارك فيكم