هجوم حاد على موسى فى ساقية الصاوى

[L SMA7Y]

السلام عليكم ورحمه الله وبركاته


هجوم حاد على موسى فى ساقية الصاوى

+ YouTube Video

[Dr.A7med]

من سنتين قلت للدكتور محمد البرادعي عايزين نتعلم يا ريس .. قاللي حاضر
وشكل أملي هيطلع بجد

[juman]

من سنتين قلت للدكتور محمد البرادعي عايزين نتعلم يا ريس .. قاللي حاضر
وشكل أملي هيطلع بجد

مش فاهمه حضرتك تقصد ايه

[Dr.A7med]

أول ما البرادعي جه مصر حسيت ان ده رئيس مصر الجاي .. ليه وازاي مش عارف .. ولما شفته قلتله " يا ريس" وشكل احساسي هيطلع صح .. لأن من وجهة نظري هو أكتر اسم مشجع علي الساحة حاليا وهو شخص واعد جدا
الثورة دي عملها المصريين عشان يحكموا مصر .. والدكتور محمد البرادعي من أكثر المصريين ثورية وآراؤه ثابته ومواقفه واضحة تجاه كل القضايا ولا يتلون .. عشان كدة أنا شايف ان فرصة عمرو موسي ضعيفة جدا قدامه
عموما أنا برغم من أخذي لبعض التصرفات عليه مثل غيابه عن مصر واللي هو فسره بعد كدة .. أنا برادعي

[juman]

وانا برضه بس كنت خايفه اقول على المنتدى اضرب . على راى حمدي قنديل الحاجه الوحيده اللى نجح فيها النظام وبجداره انه قدر يكره الناس فى البرادعى مع انه قدم ادله كتير علشان يبين كذبهم بس فيه ناس بتسمع لمره واحده وبس ومش مستعده تتفاهم !!!

[yasmeena]

أنا عن نفسى مش بطيق الراجل ده
كده لله ف الله
وبعدين دا راجل مهزوز جداااااااااا
أى حد يقدر يحس ده من أى خطاب ليه
مش عارف يقول كلمتين عربى ولا عارف ينظم كلامه
وتحسوه مش واثق فى نفسه
مش منظر رئيس جمهورية أبداااااااااااااااااا

[juman]

لو كان مهزوز مكانش نزل من سنتين قال تغيير فى وقت كان الناس بتخاف تتكلم نصف كلمه عن اى مسئول فاسد مش الرئيس نفسه ولو كان مهزوز ومعندوش ثقه فى نفسه كان خاف ينطق زى ما كتيير خاف ويكفيه صموده فى وجه امريكا فى وقت كانت فى امس الحاجه لكلمه واحده تدين العراق وقال بكل ثقه لا يوجد دليل واحد على وجود اسلحه دمار شامل فى العراق فى نفس الوقت اللى كانت بلده فاتحه قناه السويس للبارجات الامريكيه لضرب العراق.

[Dr.A7med]

مش فاهم ليه كان بيشتغل في الخارجية ونجح لحد ما وصل لمكانته دي ومحدش في الناس دي بص لانه مهزوز .. وبصراحة أنا مش شايف ان اسمها مهزوز .. دي خلقة ربنا .. وعملنا ايه بالكاريزمات بتاعت مبارك ولا بتاعت عبد الناصر .. خربوا بيوتنا .
الراجل مش مهزوز الراجل صاحب مواقف محددة وحاسمة ولا يحيد عن مواقفه .. ولا هنعمل زي مرتضي منصور اللي ما يجيش ربعه وبيستهزأ بيه ويقول محتاج طبيب نفسي وعينيه وتأتأته
يا ريت ما نقيمش الناس بشكلها

[L SMA7Y]

ايه يا شباب

بيتيهالي الموضوع ان الهجوم علي عمرو مومسي مش علي البرادعي

قلبتوه البرادعي خالص ليه


-*************-

كلمه بسيطه بس

اذا كان عمرو موسي معملش حاجه او مكنش ليه موقف رد رادع لاحتلال العرق علي سبيل المثال

فالبرادعي هو السبب قدام العاااااااااالم كله اللي بسببه دخلت امريكا العرق

ودا موضوع واحد

الرد دا مش تأييد لعمرو موسي ,, ولكن رفض لموقف البرادعي في نفس الموضوع اللي الناس اخدته ةعلي موسي


-************-

شكرا يا شباب

[بحلم ببكره]

الفيديو دا لا أقصد به الدفاع عن البرادعي

لكن للحق فقط
-----

+ YouTube Video