حب جديد .. مش أي كلام

[M.Hegazy]

بدعي دايما إنك تفضلي معايا
و أكون لك خير سند و معين
مع بعض هنعيش أجمل حكاية
ما الطيبات للطيبين
و أوعدك بأحلى نهاية
فإن الله لا يضيع أجر المحسنين


بأتمنالك من ربنا الرضا
و بأدعيلنا دايما بالهدى

حبنا مش بس مشاعر و لا حبة كلام
حبنا ده حب طاهر و معاه بيزيد الالتزام

على الحلو دايما نشجع بعضنا
بنكبر و بيكبر معانا حلمنا
في الدنيا سعادة و هنا
و في الآخرة جنة ربنا

بيجمعنا كل يوم صوت الأذان
و بيزيد حبنا كل ما اتعلقنا بالقرآن

بنسابق بعض على عمل الطيبات
و بناخد بإيد بعض في أصعب الأوقات
يا رب برحمتك اجمعنا في أعالي الجنات

و اهدينا برحمتك لصالح الأعمال
و ارزقنا عيشة هنية و لقمة حلال
و أكرمنا بذرية صالحة و أحلى عيال
بطاعتك يا رب يرتاح البال

و اجمعنا دايما خير اجتماع
و اجعلها من نصيبي و لدنيتي خير متاع


2011 . 2. 1

[حبيبه]

جميلة جدا

جزاكم الله خيرا
...........
ادعو الله ان يرزق شباب المسلمين زوجات صالحات

[Al-Shaimaa]

ما شاء الله جميلة جداً يا دكتور

و اهدينا برحمتك لصالح الأعمال
و ارزقنا عيشة هنية و لقمة حلال
و أكرمنا بذرية صالحة و أحلى عيال
بطاعتك يا رب يرتاح البال

و اجمعنا دايما خير اجتماع
و اجعلها من نصيبي و لدنيتي خير متاع

اللهم آمين

و ربنا يسعدك يا دكتور
ويديم ابداعك

[M.Hegazy]

[eeeman]

جمييييييييلة جدا جدا جدا ما شاء الله

[M.Hegazy]

شرفني رد حضرتك يا دكتورة ..

[amira89]

جميلة جداجداجدا يا دكتور
منتظرين المزيد

[Nona Ali]

جميله اوى يا دكتور
جزاكم الله خيرا

[M.Hegazy]

و جزاكم الله خيرا .. أشكركم كلكم على تفاعلكم الجميل ده .. نورتوني و شرفتوني ..

[**mahasen mohamed fouad**]

جميله جدا يا دكتور تسلم ايد حضرتك