حركه تحتاج الى الجرأه والشجاعه

[harypotter]

بسم الله الرحمن الرحيم



بالصور: نائبة إيطالية تحضر رضيعتها إلى جلسة للبرلمان!

هناك عدة نساء لا يستطعن التوفيق بين أبناءهن ووظيفتهن، وتضامناً معهن قامت النائبة الإيطالية Licia Ronzulli باحضار طفلتها الرضيعة التي لم تبلغ شهرها الثاني بعد إلى جلسة للبرلمان الأوروبي في Strasbourg، مما أثار دهشة زملائها النواب الاوروبيين وجعلهم يصفقون لها لأنها طالبت لاحقا بحقوق أفضل للمرأة.
قالت: "حضرت إلى هنا مع ابنتي فيتوريا في خطوة رمزية تضامنا مع جميع النساء اللواتي يعجزن عن التوفيق ما بين حملهن ووظيفتهن، وما بين حياتهن المهنية وتلك العائلية". أضافت "آمل أن تعبر المؤسسات الأوروبية الرسمية عن التزام أكبر تجاه هذا الموضوع، بدءا بالبرلمان الأوروبي حتى نتمكن جميعنا (نحن النساء) من المضي في حياتنا العائلية كما المهنية بسلام". وليشيا رونزولي (35 عاما) هي عضو في "حزب الشعب الأوروبي" المحافظ. وهي كانت قد أنجبت ابنتها في العاشر من آب الماضي.

ها ياريت أعرف تعليق حضراتكم

[M.32L]

[dr\h elfe2e]

والله بجد النساء دى بتظلم نفسها اكتر من اللازم
دلوقتى بقى النساء بيتعبوا
عن الرجال.
حاجه تغيظ

[Hedy]

بيتهيألى لو كل واحده عملت كده مش هيبقى اسمه شغل .. ممكن يكون حضانه !!!

أنا شايفه ان اللى مش هتقدر توفق بين حقوق بيتها وشغلها .. يبقى بيتها أولى بيها

Just an opinion

[asfourelgana]

بيتهيألى لو كل واحده عملت كده مش هيبقى اسمه شغل .. ممكن يكون حضانه !!!

أنا شايفه ان اللى مش هتقدر توفق بين حقوق بيتها وشغلها .. يبقى بيتها أولى بيها

Just an opinion


والله انا مع رأي الدكتورة هيدي فعلا ياريت كل الستات يعرفو ان اهم وظيفه بالنسبه لهم

هى بيتهم واولادهم واللي مش هتقدر توفق بين دول وشغلها يبقى هما اكيد اولى

وربنا يسترمن كتر الحقوق اللي بتاخدها المرأه

انا حاسة ان بعد كده الرجاله هما اللي هيطالبو بالمساواه

[norhan_2020]

يا حرام صعبان عليا اوي من صغره يتبهدل كده ذنبه ايه ينام في دوشة انا من رايي المتواضع لو مش قادرة توفق مابين شغلها واولادها يبقي اولادها اولي

[*Jessy*]

لا انا مبصتش لكده خالص مجاش في دماغي كلام حضراتكوا ده

بس اللي جه في بالي التحضر اللي هما فيه والحريه الشخصيه واحترام ارآء الاخرين وان كل واحد عاوز يعمل حاجه بيعملها طالما انها مش غلط ومش بتضر بالاخرين ومبيبصش بقي لكلام الناس واصلا عندهم محدش بيتكلم ولا بيتدخل في حال حد

مش زي هنا دي لو واحده عملت كده يومها مش هيعدي من كتر التريقه وممكن كمان تترفد من الشغل وتاخد جزا

نايس توبيك

[harypotter]

لا انا مبصتش لكده خالص مجاش في دماغي كلام حضراتكوا ده

بس اللي جه في بالي التحضر اللي هما فيه والحريه الشخصيه واحترام ارآء الاخرين وان كل واحد عاوز يعمل حاجه بيعملها طالما انها مش غلط ومش بتضر بالاخرين ومبيبصش بقي لكلام الناس واصلا عندهم محدش بيتكلم ولا بيتدخل في حال حد

مش زي هنا دي لو واحده عملت كده يومها مش هيعدي من كتر التريقه وممكن كمان تترفد من الشغل وتاخد جزا

نايس توبيك

بصراحه أناكنت مستنى تعليقات من نفس هذا القبيل شوفو قد ايه التحضر وقمه التقدم
اوأحترام الاخر

كل واحد عاوز يعمل حاجه بيعملها طالما انها مش غلط ومش بتضر بالاخرين ومبيبصش بقي لكلام الناس واصلا عندهم محدش بيتكلم ولا بيتدخل في حال حد

كلام رائع والله يادكتوره

ياريت ياجماعه نفكر كلنا كده
والله أنا مستغرب من رأى الدكاتره البنات السابق ده
يعنى أنتو عايزين تقعدو فى البيت تخدو شهادات وتتخرجو من أحسن الكليات وتقعدو فى البيت!!!!!!!!!!!!
بحجه ان لنتى مش قادره توفقى مابين حياتك العائليه والمهنيه
طب أهيه(ليشيا رونزولى)
ضربت ليكم أروع مثال
لكيفيه التوفيق مابين الحياتين وتحدى الصعاب والقدره على اثبات الذات حتى فى أصعب الظروف


لكن الدكاتره فكرو فى انها ازاى تعمل كده وحق ابنها عليها وكده
يادكاتره دى قمه التقدم شوفو شغاله فى البرلمان واخذت ابنها معاها
ومين قال انها مش هتراعيه
دا بالعكس الست دى عرفتنى أزاى الست الطموحه ممكن تعمل اى حاجه وتكسر اى عقوبات بتقف امامها
وازاى تقدر توفق بين شغلها وأولادها
بجدأحنا كلنا مفروض نرفع القبعه لتلك المرأه
لأنها عرفتنى يعنى ايه الطموح وضربت لينا مثل فى تحدى الصعاب

. وليشيا رونزولي (35 عاما) هي عضو في "حزب الشعب الأوروبي" المحافظ. وهي كانت قد أنجبت ابنتها في العاشر من آب الماضي.

شكرا يادكاتره على تعليقاتكم ومشاركتكم الرائعه دى
وأنا شخصيا نتفق جدا مع عمل المرأه طالما كانت تؤدى واجبها تجاه عائلتها وقادره على التوفيق مابين حياتها المهنيه والعائليه

[NonY]

طيب تخيل حضرتك لو البابى دا صحى و قعد يعيط

هيكون الموقف ايه ساعتها ؟؟

و فكر ازاى ممكن بنى ادمة مهما حاولت تبأة قوية
تقدر تأدى عملها بالطريقة دى !!!!!!

اوك احترام الاخر و محدش بيبصلها و لا بيضايقها .. دا حلو

بس فكرة ان الواحد يهلك نفسه بالشكل دا ، استحالة
أو ان دى الرسالة ، يا بنات اشتغلوا و ف نفس الوقت أدوا واجبتكوا الأسرية حتى لو تيجوا على نفسكوا .. لان الشغل هو وسيلة اثبات الذات !!

انا شايفة ان تربية ولادى دى ف حد ذاتها وظيفة
و لازم أثبت نفسى فيها قبل اى حاجة .. الشغل بأة لما احتاجله

[summer breeze]

على فكره هي واخده بنتها معاها كنوع من التضامن وانها بتسجل موقفها الداعم لزياده حقوق المراه ودي حاجه كدا يعني مره وهتعدي لكن طبعا مش ممكن كل جلسه تروحلهم شايله النونو في ايدها لان كدا اضمنلكم انها على اخر الشهر هتكون مرفوده هي الفكره ان ممكن يكون قانون العمل الاوروبي القائم على النظره الغربيه في المساواه مابين الرجل والمراه مش بيراعي طبيعه احتياجات المراه في وقت زي دا يعني احنا عندنا هنا اجازات زي اجازه الوضع اجازه رعايه طفل اجازه مرافقه زوج يعني كذا حاجه كدا ممكن تخلي المراه تعرف تتصرف شويه وتعدي المرحله دي يمكن دا مش متاح برا الله واعلم وان كنت برضه سمعت مره ان في اميركا باين الزوجه الحامل زوجها نفسه بياخد اجازه علشان يتاقلم مع الوضع الجديد وبناء عليه انا من موقعي هذا بطالب ان ان اي عضو في مجلس الشعب بتاعنا يروح ياخد ابنه النونو على ايديه ويعمل حركه زي طنت دي ونشوف ردود الافعال المدويه على هذا الحدث وطبعا النونو دا هينسى خالص الواواه بعد الزياره دي ومعدش هيعمل حاجه غير انه يهز راسه لتحت علامه الموافقه ودا يبقى اول درس اتعلمه في الحياه برالوالدين دا شئ اساسي طبعا