إفطار صيادلة الدقهلية السنوي

[بحلم ببكره]

بسم الله الرحمن الرحيم

مجلس نقابة صيادلة الدقهلية يهنئكم بشهر رمضان المبارك أعاده الله علي الأمة الإسلامية بالنصر والعزة والتمكين ويدعوكم لحفل الإفطار الجماعي بالنقابة يوم الاثنين 23/8/2010
رسم الاشتراك 15 جنيه
الأولوية بأسبقية الحجز
الأمين العام: د. مصطفي جمجوم
أمين الصندوق: د. جمال العشري
النقيب: د. سمير المرسي





دا نص الدعوة المعلن للكل

أنا بقي عاوز أقول إيه لدفعة 2010 بالذات..
أكيد دلوقتي يا جماعة الناس بتبدأ تسيب بعضها وتفارق بعض
يعني انا شخصيا أصدقائي اللي لسه في الكلية بحاول أطلع معاهم اي رحلة يطلعوها
عشان كدا أنا شايف إن الإفطار دا فرصة جميلة جدا عشان الأصحاب يتلموا يفطروا مع بعض ومن غير أي تعب
بس خلي بالكم
العدد محدود
يعني الحجز لحين الوصول للرقم 500 فقط
لو حد متجوز وعاوز يجيب زوجته (دا علي اساس إن الشباب هم اللي بيحوزوا يعني) ، مفيش مشكلة بس يحدد العدد



ربنا يعزكم

مع تحياتي

[Amira Said]

شكرا على الاهتمام يا دكتور
جزاكم الله خيرا

[بحلم ببكره]

جزانا وإياكم يا دكتورة

[Mohamed Al Gohary]

بالتوفيق إن شاء الله ..

[Larine_Resala]

جزاكم الله خيرا وبالتوفيق
-----
طب معلش يا جماعة ممكن اعرف هي حفلة التخرج بتاعة النقابة امتى وازاي نشترك فيها

[بحلم ببكره]

حفلة النقابة بعد العيد بإذن الله

يوم 20 و 21 /9/2010 بإذن الله

الاشتراك وكافة التفاصيل هتوصل لكم في جواب من النقابة علي عناوينكم وهكتبهالكم قريب بإذن الله

[إيمان حمدي]

انا سألت النهاردة عن موضوع الافطار الجماعي في النقابة قالي دا للناس اللي خلاص مسجلين من السنة اومعاهم كرنيهات وقالي ان شاء الله تشرفونا السنة الجاية

طيب سؤال يا دكتور هي الحفلة ليه يومين انا بجد عايزة اعرف التفاصيل دي في اقرب وقت ممكن اذا سمحت

[Dr/HULK]

بصراحة نقابة فاشلة بكل المقاييس

مش فالحين غير فى الكلام الفارغ وبس

مش اى حاجة لتطوير المهنة ولا تحسينها

لحد ماحال الصيادلة بقى فى الطين

[إيمان حمدي]

بصراحة نقابة فاشلة بكل المقاييس

مش فالحين غير فى الكلام الفارغ وبس

مش اى حاجة لتطوير المهنة ولا تحسينها

لحد ماحال الصيادلة بقى فى الطين

هو حضرتك على اي اساس بتقول الكلام دا؟؟؟؟
وايه اللي حضرتك عملته في حدود صلاحياتك وهي الوقوف في الصيدلية عشان تطور المهنة وتحسنها وخلاص كلها شهر وان شاء تكون صيدلي هتمارس مهنتك ازاي لو النقابة الفاشلة دي رفضت وجودك فيها وناوي انت تعمل ايه عشان تنجح النقابة ابدأ بنفسك وعرفنا انجاواتك وان شاء الله تكون عضو فعال لتطوير وتحسن مهنة الصيدلة

[Dr/HULK]

هو حضرتك على اي اساس بتقول الكلام دا؟؟؟؟
وايه اللي حضرتك عملته في حدود صلاحياتك وهي الوقوف في الصيدلية عشان تطور المهنة وتحسنها وخلاص كلها شهر وتحسن مهنة الصيدلة

على اى اساس بقول الكلام ده؟؟؟ سؤال جميل على فكرة

فى الاول دا موقع النقابة للى يحب يعرفه


http://www.dk-pharma.com/


اساس كلامى بقى بخصوص انها نقابة فاشلة حضرتك قولتيه فى كلامك (مش عارف ده سخرية ولا لأ بس مش مهم)

النقابة بتاعتنا ساعدت وبسهم كبير جدا فى تحجيم دور الصيدلى

عشان ييجى اليوم اللى حد فيه يقولى عملت ايه غير الوقفة فى الصيدلية

ملهاش اى دور فى كلية صيدلة يعنى ازاى تقبل انها تعطى لخريج لقب صيدلى من غير اختبارات للوقوف على قوته العلمية

وبكده بقى اى حد خريج بقى اسمه صيدلى لدرجة وصل اليوم اللى المريض بقى يعرف فيه فى الدواء واعراضه الجانبية عن الصيدلى

حاجة كمان من حاجات كتير موضوع السلاسل الصيدلية واللى بسببها الصيدلية بقت بقالة هات وخد وموضوع الخصومات اللى النقابة اكتفت فيه باعلان فقط ورقة محدش عبرها

فى حاجات كمان بس دماغى مش مظبطة دلوقتى عشان اتكلم فيها

وان شاء تكون صيدلي هتمارس مهنتك ازاي لو النقابة الفاشلة دي رفضت وجودك فيها وناوي انت تعمل ايه عشان تنجح النقابة ابدأ بنفسك وعرفنا انجاواتك وان شاء الله تكون عضو فعال لتطوير

لو النقابة رفضت وجودى فيها كصيدلى (ودا من4 المستحيلات مع انى معرفش التلاتة التانيين)

يبقى حاجة كويسة مش هقعد اعيط مثلا ساعتها اكيد ربنا هيساعدنى فى مشروعاتى اللى بفكر فيها

اما بخصوص تطوير النقابة فهى كل اللى محتاجاه شخص عنده رأى وموقف ويقدر يجيب حق الصيادلة

حضرتك شوفى نقيب الاطباء بيعهمل ايه اللى بيقوله بيتنفذ

ممكن بقى نعكس السؤال

ايه اللى النقابة عملته فى تحسين المهنة

انا دلوقتى مش بتكلم عن الخدمات ومساعدة الطلبة فى ورق التخرج والكلام ده

انا بتكلم عن دورها مع الصيادلة الكبار وازاى انها مضيعة حقهم فى الخارج