والله حصل

[محمد وجدي]

والله حصل




دي سلسله انا هدملقوا فيها بإذن الله

حكايات من الواقع





عرفتها عن طريق ناس تانيه ثقه
او عن الطريق المباشر



بس دي للعبره وعشان اعرف الناس ان لسه فيه خير في الدنيا





هنتكلم في كل المجالات ان شاء الله باللغه العاميه المصريه




هنعرض كل يومين قصه ان شاء الله كلما أمكن





وعايز تعليقاتكم
بس انا عايز اعرفكم حاجه اخيره

ان بجد بجد

كل اللي هحكيه

والله حصل
محمد وجدي







القصه الاولي
الفضه والخادمه



(أنت اغلي عندي من الدهب ياحبيبي وهعيش خدامه طول عمري ليك )
دي فتاه والله فتاه لا وايه مصريه الجنسيه





غنيه وتعليم عالي وجمال



حبت شاب أقل منها في التعليم





وتقريبا برضه في المستوي المادي
المهم طبعا عايزين يتجوزوا وكده






قولتلها انتي عايزه الشبكه بكام
ردت وقالت ايه ؟؟







قولوا انتوا بقي

ردت وقالت










انا عايزاها فضه

أووووووووووووووباااااااااا

اااااااااااا





اه والله قالت فضه اصل الدهب بيعملها حساسيه





طبعا البنت دي عبيطه في نظر كل البنات













لالالالالالالالالالالالالالالالالالالا







واحد بيحبها
وهي جميله

ليه تفوت صفقه زي دي

ماكانت تطلبها ألماظ وخلاص
طالما الدهب بيعملها حساسيه

والله فكره تصدقوا

خاصة ان الشاب ده بيحبها

يعني هيجبلها اللي هي عايزاه

المهم

قلتلها طيب والطلبات اللي في الاول دي


اللي هي الحاجات اللي

بحرف الشين

عارفنها



شبكه

شقه

عفش

والحاجات دي بقي




قالتلي انا مش عايزه حاجه الا اني اعيش خدامه ليه

أووووووووووووووووووووبااااااااااااااااااااااااا

والله قالت كده








ايه ياجماعه
تقريبا البنت دي عدت التلاتين ولا ايه

مفاجئه الموسم







البنت دي عندها حوالي 25 سنه

25 سنه
اووووووووووووووووووووووباااااااااااااااااااا
تالت مره



اه والله

يعني لسه صغنتوووووووووته

مش عانس ولا حاجه ولا بايره




طيب
هي كده ضحت بحاجات كتير
لازم الفرح بقي يبقي قد المقام يعني







المفاجئه التالته

عايزه الفرح في البيت








انا مش قادر اتكلم تاني خلاص

انا بس هسأل سؤال رخم شويه

هي البنت دي عملت كده علشان ايه
؟؟؟؟؟



حب
ولا هي فعلا كويسه

ولا في بنات كتير كده




وممكن تضحي بالشبكه


والعفش الكتييييييييييييير قوي


والفرح الكبييييييييييييييييير قوي





عشان تعيش مع انسان هيحبها وهيحترمها وعشان تعيش سعيده






هل فعلا في بنات كده ؟؟
هي بتقول ان فيه






يعني لو في شاب مش بيحب

او عايش في قصه حب

ممكن يلاقي بنت بالمواصفات دي

طب انا هقول كلمه اخيره ومعلش استحملوني


لو في

فقط من البنات كده
30 %
نسبه العنوسه هتقل 60 %

يبقي لو البنات بيفكروا بالتفكير ده
60%
بجد هيحلوا مشاكل كتير

طب السؤال الهام

هي البنت دي باعت نفسها رخيص ولا ايه

ما هو تمن البنت الان

بقي دهب وعفش وفرح ومهر وفلوس

بس هي

ما بعتش بالتمن ده

اصلها اغلي من كده بكتيييييييييييير

هي باعت بالحب والاحترام والعطف والسعاده والود والكلام اللي مابقاش موجود الان خالص





الا في الاحلام

يارب يرجع الكلام ده تاني

ونلاقي الحب والود والسعاده

من غير فلوس كتييييييييييير
ولا غربه

ولا قرف بقي

مستني التعليقات

بس بشرط





ادعوا لهذه الفتاه بجد
وربنا يكتر من أمثلها يارب

[*محبة رسول الله*]

على فكرة بنت عادية جدا

مش أسطورة يعنى ولا حاجه

ومنها كتير قوى

بس احنا لما بنشوف حاجة بنشوف أسوأ ما فيها

يعنى لو 40 % من البنات كانوا بيحبوا التفاهات شوية يبقى هيتقال البنات كلها كده


للأسف ال 40 % دول لو جينا ندور ليه بيعملوا كده

وأكيد طبعا مش هما ده ولى أمر البنت هو اللى بيتمسك بالحاجات دى شوية
اسألوا نفسكو ليه؟

زمان الناس كانت مهر قليل واحتمال مفيش , بيتجوزوا فى أوضة وراضيين , بيخلفوا عيال كتير وربنا بيرزقهم ,
متجيبش شبكة ولا شقه ولا حاجة

وبعد كده ربنا ييسرلهم

كل ده لأنهم رضوا بالقليل

تعالو بقى للواقع الحالى المرير:

شقه مش ناقصة ابرة
شبكة ضخمة بس والله معدش حد بيجيب قوى اليومين دول
الناس حالها كرب

تحديد نسل
مفيش اى بركة

شهرين تلاته
وقال ايه الست هتطلق
ليه يا جدعان؟

الله أعلم خناقات عادية

زمان كانت بتحصل خناقات لدرجة ان الست أحيانا كانت بتضرب وكانت تسكت وخلاص

دلوقتى بجد انعدمت البراكة لأننا طمعنا

مقولناش ابو البنت ليه بيغالى فى المهر

أولا عاوزة أسأل يعنى ايه مهر؟
ثانيا:
مفيش حد له أمان الأيام دى صدقونى

والله الواحد ما عاد بيضمن حد
الناس كلها بقت الخيانة سهلة عندها

الراجل بقى بسهولة قوى ممكن يطلق
الكلمة دى بقت سهلة قوى للأسف يا جماعة

صدقونى لو كل واحد صلح نيته ربنا اكيد هييسرله

[محمد وجدي]

على فكرة بنت عادية جدا

مش أسطورة يعنى ولا حاجه

ومنها كتير قوى


هما فين دول ؟؟؟؟؟؟؟؟؟





بس احنا لما بنشوف حاجة بنشوف أسوأ ما فيها

يعنى لو 40 % من البنات كانوا بيحبوا التفاهات شوية يبقى هيتقال البنات كلها كده

فعلا

انا متفق معاكي
للأسف ال 40 % دول لو جينا ندور ليه بيعملوا كده

وأكيد طبعا مش هما ده ولى أمر البنت هو اللى بيتمسك بالحاجات دى شوية
اسألوا نفسكو ليه؟

زمان الناس كانت مهر قليل واحتمال مفيش , بيتجوزوا فى أوضة وراضيين , بيخلفوا عيال كتير وربنا بيرزقهم ,
متجيبش شبكة ولا شقه ولا حاجة

وبعد كده ربنا ييسرلهم

كل ده لأنهم رضوا بالقليل

تعالو بقى للواقع الحالى المرير:

شقه مش ناقصة ابرة
شبكة ضخمة بس والله معدش حد بيجيب قوى اليومين دول
الناس حالها كرب

تحديد نسل
مفيش اى بركة

شهرين تلاته
وقال ايه الست هتطلق
ليه يا جدعان؟

الله أعلم خناقات عادية

زمان كانت بتحصل خناقات لدرجة ان الست أحيانا كانت بتضرب وكانت تسكت وخلاص

دلوقتى بجد انعدمت البراكة لأننا طمعنا

مقولناش ابو البنت ليه بيغالى فى المهر

أولا عاوزة أسأل يعنى ايه مهر؟
ثانيا:
مفيش حد له أمان الأيام دى صدقونى

والله الواحد ما عاد بيضمن حد
الناس كلها بقت الخيانة سهلة عندها

الراجل بقى بسهولة قوى ممكن يطلق
الكلمة دى بقت سهلة قوى للأسف يا جماعة

صدقونى لو كل واحد صلح نيته ربنا اكيد هييسرله


يعني الشاب هو اللي نيته وحشه

مشكوره أختي علي المرور

فعلا زمان كان في بركه عن كده

بس فعلا فيه كده في الدنيا



الله اعلم

مستني بقيت الردود

[ahmed helmy]

بصراحه وباختصار انا شايف ان البنت لو حبت بجد ممكن وبكل سهوله تضحي باي حاجه

[NeScaFE]

بسم الهادى عليه توكلت :::

والله انا برده شايفة ان البنت دى منها كتير ..بس فى حاجة البنت (بصفة عامة) مش عايشة

لوحدها عشان تضحى بسهولة كده لا فى اهلها واللى عاوزين يضمنوا مستقبلها عشان تعيش عيشة

كريمة والكلمة الاخيرة ليهم وهيا لازم تطيعهم .. يعنى لو واحد متقدملها وفيه صفات كويسة ومحترم

يعنى ميترفضش ترفضه ليه ؟؟ عشان الحب ؟؟ طب ما الحب هيجى بعدين .. وان مجاش فى الخطوبة هيجى بعد الجواز

انا مثلا لو فى حد بيحبنى بجد اه ممكن اتنازل عن حاجات بس فى حاجات برده مينفعش اتنازل

عنها ..زى المؤهل مثلا ..ده رايى ..عموما كل واحد له رايه وحريته الشخصية

وربنا يوفق البنت دى ويصلحلها حالها يارب هيا وبنات المسلمين

[Dreamer Flower]

بسم الله الرحمن الرحيم

القصة دى مش اسطورةولا حاجة،لا بالعكس دي حدثت سابقا وتحدث حاليا وستحدث مستقبلا؛ بس ده لما تكون البنت دى أصلا تربيتها سليمة وصح فمش بتكون المظاهر الكدابة دى هى همها كل اللى بيشغلها أنه يكون راجل قد المسئولية يقدر يوفر لها الحب والحنان ومتطلبات الحياة اللازمة للمعيشة يعنى مش مهم الشقة تكون عشر غرف كفاية شقة بغرفتين (ده مجرد مثال)بالقياس بقى مع الحاجات التانيه برده (الحاجات اللى بحرف الشين)وكده يعني
بس ليا رأي فى حاجة معينة وهى:أن الزوج ده يكون مؤهل عالي زيها مش مستوى تعليمى أقل منها
وفى النهاية ادعو لها أن يسعدها الله في حياتها معه

[محمد وجدي]

الحلقه الثانيه


الحلقه الثانيه



لحمه يادنيا لحمه



( هعيش معاك ياحبيبي علي الحلوه والمره سواء معلم قد الدنيا او صبي جزار )







شاب 19 سنه ومش متعلم
لا يمتلك في الدنيا الا
شقه تمليك اوضه وصاله وارثها عن احد اقاربه
ووشغلانه




ايه هي بقي الشغلانه دي
صبي جزار بمرتب
150 جنيه مصري





مش 1500
لا 150 بس والله
واتعرف علي فتاه عندها 16 سنه
اعلي منه كتييير في التعليم






طالعه من المدرسه وهي في 2 اعدادي
المهم طلب انه يتجوزها
وفعلا راح لخالها في القاهره واتفقوا علي كل حاجه





وجيه ميعاد الاتفاق بقي
وقالهم علي كل ظروفه بالضبط
انه
19 سنه
ومرتبه
150 جنيه






وساعات ناس بتطلب منه خرفان بيشتريها بالاجل وبيبيعها كاش
او ناس بتطلب انه يدبح لهم الاضحيه
والرزق علي الله
وعنده شقه اوضه وصاله تمليك
المهم كان فيه مشكله تانيه بقي
ايه هي بقي






ان البنت لسه قاصر
قانونا مش ممكن تتجوز
أي قانون يمنع فتاه انها تتجوز
حرام بجد
المهم
اتجوزوا وخلاص والعقد اتقيد فيه انها عندها
18
سنه







المهم دخلوا بايه بقي
مرتبه علي الارض
ودولاب قديم
وحاجات المطبخ
فقط لاغير
طبعا انا ببالغ مش كده
انا دخلت الشقه بنفسي وشوفتها
المهم
جابوا بعد كده التليفزيون
واللذي منه
من الدبح
والخرفان اللي كان بيشتريها
وفي الوقت ده
جالهم بنوته زي القمر





عقبال كل البنات يارب وباع الشقه بتاعته
وجاب شقه ارخص في حته شعبيه





وشارك واحد صاحبه في محل جزاره للحوم المجمده والمستورده في حته شعبيه وحيه جدا في المنصوره






والان
هو من اكبر معلمين الجزاره في المنطقه الشهيره دي وبقي بفضل الله معاه فلوس
وربنا رزقه ببنوته تانيه الحمد لله






والفتاه دي بتحكي
بتقول انا مستعده اعيش معاه علي الحلوه والمره
سواء معلم كبير او صبي جزار
تعرفوا الحكايه دي من كام سنه








من حوالي
7
سنوات بس
والله
البنت الكبري
عندها
6 سنوات






طبعا الحكايه دي زي اللي فاتت
فمش هلاقي اقبال الردود كتير
مش مشكله
المره اللي جايه ان شاء الله حكايه تانيه جديده










المهم انا عايز انوه لشئ مهم
ان المرتب بتاعه وهو لسه صبي جزار
كان
150 جنيه
كان عايش ازاي الراجل ده
بقولكم ياجماعه
اذا فقد الانسان مصدر الرزق
فالرزاق موجود
والله يرزق بغير حساب
وماشاء الله
قدر في
7
سنين بس
انه يبقي معلم أد الدنيا









السؤال هنا بقي
فيه بنات كده
الرد طبعا هيبقي غريييييييييييييييييييييب

[AbU ElKhAiR-Let`s Go]

دكتور أنا عايز أسأل سؤال عكسى


بدل من نقول

هل فعلا في بنات كده ؟؟

نقول وهل فيه شباب يستاهلوا كده ؟؟؟؟؟؟؟؟؟




بيتهيألى أن الاجابه على السؤالين واحده
وأتركها لكم

[*محبة رسول الله*]

دكتور أنا عايز أسأل سؤال عكسى

بدل من نقول

نقول وهل فيه شباب يستاهلوا كده ؟؟؟؟؟؟؟؟؟
مظبوط جدا والله

بيتهيألى أن الاجابه على السؤالين واحده

وأتركها لكم

فعلا لو فيه ولاد كده أكيد هيكون فيه بنات كده برده

[Dreamer Flower]

فعلا لو فيه ولاد كده أكيد هيكون فيه بنات كده برده

أنا كمان متفقة مع رأى الدكتورة
ومبسوطة جدا أن دكتور أبو الخير أن هو اللى قال السؤال ده لأنه ولد لأن لو جه من بنت كان ممكن الردود عليها تختلف شوية