واحد رزل راح يفسح خطيبته

[ahmed helmy]

واحد صاحبنا رخم راح يفسح خطيبته شوفو هيعمل فيها ايه



هي : عطشانة


هو : وأنا كمان

هي : يعنى ... عايزة اشرب
هو : أكيد مادام عطشانة يبقى عايزة تشربي
هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة

هو : ومين اللي هيحاسب ؟؟

هي : أنت طبعاً
هو : منين ياحسرة .. ماانتى عارفة الكانز وغطاه

هي : ماقلتش عايزة كانز .. كفاية إزازة صاروخ
(واخد بالك من الكانز يلي في بالي)
هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك

هي : قصدي تعزمنى في مكان شاعري

هو : في الحر ده .. ماينفعش

هي : بلاش دى .. نأخد مركب عالكورنيش

هو : المراكب بتغرق اليومين دول .. خلينا ع البر أحسن

هي : بلاش المركب تعالى نأكل ترمس .. أظن ده رخيص

هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس

هي : يا سلام!! .. ماأنت كان معاك إمبارح
هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى
هو : أكذب عليكى يعنى
هي : لأ .. تحرق دمى أحسن

هو : أنا مش شامم ريحه شياط يعني

هي : ياساتر علي البرود

هو : برود إيه ؟؟ ماهو الجو مولع أهو

هي : إنت اللي بارد

هو : بارد إزاى ؟؟ دا أنا بشُر عرق


هي : بقولك إيه .. روحنى

هو : أروحك ؟! هو إنتى ماتعرفيش تروحي لوحدك


هي : آآآآه .. طب أنا ماشية

هو : ليه يا حبيبتي؟؟


هي : حبك برص

هو : والله البرص بيفهم عشان حبني
هي : بجد كده كتير

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد

هو : يعنى مصممة تمشى ؟؟
هي : أيوة وحالاً كمان

هو : طب استني لما نوصل آخر الشارع
هي : اشمعنى ؟؟

هو : أصل أنا ساكن هناك .. و مايرضكيش أروح لوحدى

هي : لااااااااااااااااااااااا

هو :طيب بترمي نفسك في الميه ليه مين هايوصلني بقى.؟؟

[ASOOOM]

دا رخم برزاله صعبه

كان المفروض ترميه هو في الميه

بس بردو هي طلباتها كتير الواد يعمل ايه ... يموت نفسه يعني،،

Nice topic

Thanks

[Dr/HULK]

على فكرة هو مش رزل ولا حاجة

هى اللى طماعة فيها ايه لو هى اللى عزمته على الكانز من الاول

هو لازم كده الراجل اللى يدفع على طول

[dr.monalizaa]

هيا رمت نفسها في الميه ليه صحيح ؟

على فكرة هو مش رزل ولا حاجة

لا ياشييييخ امال هو ايه ؟؟؟؟؟؟؟؟؟؟؟؟ دة ينبوع رزاله

[NeScaFE]

انا لو منها بقى كنت اصوت واقول انه واحد بيعاكسنى والناس بقى

تتلم عليه وتديله علقة موت بعد كده اسيبه واروح

[ساره البيومى]

هى اللى تستاهل انها رضيت بيه م الاول

[ahmed helmy]

دا رخم برزاله صعبه

كان المفروض ترميه هو في الميه

بس بردو هي طلباتها كتير الواد يعمل ايه ... يموت نفسه يعني،،

Nice topic

Thanks

متظلمهوش ده كان بيهزر
نورتي التوبيك اسوم

على فكرة هو مش رزل ولا حاجة

هى اللى طماعة فيها ايه لو هى اللى عزمته على الكانز من الاول

هو لازم كده الراجل اللى يدفع على طول

والله انا برضه بقول كده
هو يعني الراجل لازم يعزم فيها ايه لما نتعزم

هيا رمت نفسها في الميه ليه صحيح ؟

اصل كان الجو حار وشويه وكانت عايز تاخد بور علي راي بوحه

انا لو منها بقى كنت اصوت واقول انه واحد بيعاكسنى والناس بقى

تتلم عليه وتديله علقة موت بعد كده اسيبه واروح

ههههههههههههههههه حل نموذجي
بس ده رزل وتوقعي منه اي حاجه

هى اللى تستاهل انها رضيت بيه م الاول

مش كده برضه بس علي فكره الرزاله بقت عمله نادره يعني لو سابته مش بسهوله تلاقي واحد رزل

[NeScaFE]

مش كده برضه بس علي فكره الرزاله بقت عمله نادره يعني لو سابته مش بسهوله تلاقي واحد رزل[/QUOTE]


فعلا المفروض اى بنت تدور ع البنى ادم الرزل اول حاجة

بس لازم تكون هيا كمان رزلة عشان يعملو قافلة وكمان ياريت يجيبو عيال رزلة

وبكده تنتشر الرزالة فى المجتمع ونتطور بقى

انما البنت دى ياعينى غلبانة مش هتسلك معاه ده ممكن يجبلها شلل اطفال

ومش بعيد يجيلها تخلف عقلى مع الشلل

[dr.sas]

ههههههههههههههههههههههه
ما كان فسخها من الاول و خلاص
بدل ما يخليها ترمى نفسها فى المية

[S!lent Tear]

بجد هموت من الضحك ع الموضوع والتعليقات