هلال : محو أمية 10 مواطنين شرط جديد للتخرج من الجامعات المصرية

[ameer]

صرح الدكتور هاني هلال وزير التعليم العالي والبحث العلمي بأنه سوف يتم تعديل نظم التخرج في الجامعات قريبا بإضافة شروط إضافية للحصول علي شهادة الجامعة بجانب دراسة المواد العلمية ورخصة الحاسب الآلي .
جاء ذلك خلال لقاء هلال مع طلاب معسكر أبي قير بالإسكندرية الأثنين الماضي بحضور الدكتور صفي الدين خربوش رئيس المجلس القومي للشباب.
وأكد هلال أن هذه الشروط تشمل إجادة اللغة الانجليزية واجتياز دورات المهارات الحياتية بالإضافة الي الخدمة المجتمعية وخاصة في مجال محو الأمية من خلال قيام الطالب بمحو أميه 10 مواطنين لتعلم القراءة والكتابة.
وأشار هلال إلي انه تجري حاليا دراسة لبحث أفضل سبل التطبيق بتوفير مراكز وبرامج الدراسة وتحديد آليات عمل برامج محو الأمية .
ونوه وزير التعليم العالي أن هذه التجربة تأتي في إطار تطوير منظومة التعليم العالي ورفع كفاءة خريجي الجامعات ليصبحوا أكثر مواءمة لمتطلبات سوق العمل الحقيقية، بما يساهم في تقليل نسبة البطالة بين الشباب وتلبية احتياجات المجتمع.
وأكد الدكتور هلال ان وزارته لديها استرايجية متكاملة للتطوير، موضحا أن المجتمع سوف يلمس آثار تطوير التعليم في الدفعات المستقبلية من خريجي الجامعات.
وقال هلال : " أن كليات الحقوق سوف تعود للقمة مرة اخري ولن تظل في ذيل قائمة المجاميع المنخفضة"، مؤكدا ايمانه بأهميتها.
وجدد وزير التعليم العالي نفيه لوجود مشكلات بالتنسيق الاكتروني، وإنما أخطاء محدودة في تسجيل الطلاب لبياناتهم وتم حلها علي الفور، ولاتوجد مشكلات في قبول الطلاب هذا العام حيث انهم يمثلون نسبة 10 تقريبا من اعداد الطلاب السنوية.
وقال الوزير ان تضخيم مشكلة الثانوية العامة يرجع الي الإثارة الإعلامية التي تؤدي الي فزع وارتباك الطلاب واولياء الامور وقال ان الوزارة تخطط لعودة الثانوية العامة كسنة دراسية عادية .
وأوضح هلال أن المشكلة الرئيسية للبحث العلمي هي ضعف الميزانية الحكومية الموجهة له، وقال ان تعديل موزانة الدولة في يد مجلس الشعب الذي يمنح الأولوية لدعم السلع الجماهيرية علي حساب التعليم لإرضاء احتياجات المجتمع، والتغيير يحتاج الي نقاش مجتمعي لتعديل الثقافة ورفع اولوية التعليم التي يطالب بها الكثيرون.

ياتري بقي لسه محضرين لنا ايه كـ"شرط للتخرج "
يمكن يلغوا التخرج خالص

[Jailan]

على فكره انا شايفاها حاجه كويسه جدا
و والشغل ما بيكونش بعد التخرج على طول و برده من باب المساعده

[mohamed samir]

ماظنش ان ده هيحصل خالص ولو حصل هتبقى كلها كوسة واللى ليه واسطة هياخد شهادته على طول

ثم فى حاجة انتو مش واخدين بالكم منها ,99%من حالات الاميين موجودة فى القرى ودى هتبقى مشكلة كبيرة جدا للى ساكنين فى المدن ده غير ان معظم الاميين كبار سن ومعندهمش اى استعداد انهم يتعلموا حاجة

فى البلد عندنا فصول محو أمية ومحدش بيروحها وساعة مايجى تفتيش كانو بياخدو اى حد ماشى فى الشارع يقعدوهم لحد ما اللجنة تمشى لانه محدش عنده استعداد يضيع وقته ويروح يتعلم حاجة

[ameer]

على فكره انا شايفاها حاجه كويسه جدا
و والشغل ما بيكونش بعد التخرج على طول و برده من باب المساعده

طبعا حاجة كويسه ان الاميين يتعلموا
بس دي حاجة تطوعيه
مينفعش حد يجبرني اني اعمل عمل خير
دي حاجة لازم الواحد يعملها بارادته
وبعدين مش دي المشكله
المشكلة انهم بقوا بيتحكموا في الطلبة شوية ICDL وشويه تعليم اميين ايه بقي اللي بعد كده ؟

[Messi]

شوية ICDL وشويه تعليم اميين ايه بقي اللي بعد كده ؟

developing may come soon

me_

[Dr/HULK]

الشرط الجاى انك تقتل فرختين وخنزير عشان تحمى الناس من الانفلونزا

على فكرة القرار ده لو اتطبق هنبقى عاملين زى طلبة امتياز طب

بحيث انك هتدفع للامى فلوس عشان يرضى انك تعلمه

[ahmed helmy]

ماظنش ان ده هيحصل خالص ولو حصل هتبقى كلها كوسة واللى ليه واسطة هياخد شهادته على طول

ثم فى حاجة انتو مش واخدين بالكم منها ,99%من حالات الاميين موجودة فى القرى ودى هتبقى مشكلة كبيرة جدا للى ساكنين فى المدن ده غير ان معظم الاميين كبار سن ومعندهمش اى استعداد انهم يتعلموا حاجة

فى البلد عندنا فصول محو أمية ومحدش بيروحها وساعة مايجى تفتيش كانو بياخدو اى حد ماشى فى الشارع يقعدوهم لحد ما اللجنة تمشى لانه محدش عنده استعداد يضيع وقته ويروح يتعلم حاجة

completely agree with you

[خادم أبى القاسم]

وهكذا تكون الأمور عندما يتحكم أهل المظنة
محو أمية إيه بس
مش لما ترفع عنا الأمية"الصيدلية"
دا إحنا ما بتعلمش إلا قليلا

[loyalty]

على فكرة القرار ده لو اتطبق هنبقى عاملين زى طلبة امتياز طب

بحيث انك هتدفع للامى فلوس عشان يرضى انك تعلمه

هههههههههههههههههههه ده إللي ناقص
هو قرار جميل بس محتاج تخطيط و10 كتير هما كفاية واحد او إتنين ومش المفروووض تتطبق على كل الكليات يعني الدكتور سواء طب أو صيدلة فاضي إنه يعلم وللا يعالج ولا دكتور كشكول بقى
يعني يعملوها مشروووع تخرج لبتوع تربية وأداب والناس الحلوة دي مربيين الأجيال دوووول

[dr.monalizaa]

جميل والله طيب ما البلد تعلمهم ولا المدرسين خلصو ؟ هما قالو بما ان مصر فيها بطاله والشباب بتبقى متخرجه مليانه حماس ( قال يعني الكليه سابت فيهم حماس من اساسه ) يعلمولهم كام واحد وبكده المستوى التعليمي يزيد وفي نفس الوقت محدش هيدفع حاجه ولا هيتعب نفسه

وبعدين نعلمهم قراءة وكتابه ليه ما ندخلهم كليات بالمره

مش شايفه انه قرار منطقي بصراحه