×النت×...رجس من عمل الشيطان

[Messi]

النت...رجس من عمل الشيطان

بعد عدة سنوات من استخدام النت كوسيلة تقدم علمى وطريقة من طرق استخدام وسائل الاتصالات الحديثة

تم اكتشاف الاتي:

اللعب على وتر حلم الثراء السهل السريع

ولأن المطلوب سهل والمقابل مغرى فمن السهل الوقوع فى المحظور بالأتى

- ايميل من شخص ما يخبرك بانه يريد التبرع بمبلغ لانفاقه فى اعمال خيرية ببلدك وستكون انت مسؤل عن هذا المبلغ بلا رقيب ولا محاسب الا الله وكل المطلوب بياناتك كاملة وصورة الباسبور او رخصة دولية

وتجد نفسك بين الاستجابة لحلم الثراء او تجاهل الموضوع على مضض

ولانعلم لماذا يحدث هذا ولا نعلم لمن نلجأ فى مثل هذة الحالة؟

وأتسأل ماذا لو ان الموضوع صحيح واتممت العملية وجاء المال؟

اجد بعض الاجابات كالأتى..... هما هيسيبوك؟هما مين؟....أمن الدولة وغيره...وبتوع من أين لك هذا

والاقى تسأل نابع من التحذيرطب لما بيتنصب على حد مننا بسبب النت برضوا الناس دى بتبقى نايمة ليه ؟

وماحدش بيجى يقولنا حقكم اهو ليه ؟

ولا لما يتنصب علينا حلو ولما يلاقونا اغتنينا يقبضوا علينا ويظهروااللهم احفظنا

2-تبدأبعض الصداقات بين رجل وأمرأة بكلمات الاحترام والوعود الجميلة بالثقة المتبادلة والسمو والمعانى النبيلة

والترفع عن الملزات

ثم مع الوقت والأحاديث الجميلة تبدأ حملة التنازلات المايك عشان الكتابة مش سريعة

الكاميره..... اشوفك وتشوفينى ....مش معقولة اصدقاء مايعرفوش شكل بعض

احكيلى عن حياتك وعن زوجك ودائماً هناك تقصير من الزوج فى حقها ودائماً هو المدخل للشيطان بين الصديقين اللذين لم يكن فى نيتهما اى انحراف للعلاقة بل بالعكس هما متفقين من الأول على الصداقة البريئة

لكن الشيطان لايريد البرأة لأحدلذلك تبدأ ألانحرافات تلميحات وكلام مباشر ثم كلام ساخن ثم لقاءات محرمةوالسبب الأنترنت والشات والصداقات البريئة

وهناك العديد من صور الانحراف ارادى ولاارادى لكن السبب واحدهو النت

هذة ليست القاعدة لأن هناك من يتقى الله ويستخدم النت استخدام سليم يفيد نفسه ودينه

وأولئك ممن حفظهم الله من شيطان النت

اسال الله الهدايه لي ولكم




المصدر: مصراوي

[LOVELY BIRD]

كلام واقعي جدا يا د/عليوه
بس احنا اللي نحدد احنا نستعمله ازاي واذا كنا نستفيد منه او لا؟!
يعني نقدر نستخدمه بس في البحث عن معلومات او التسليه في حدود الاحترام

توبيك رائع يا دوك

[altemamey]

Net is double-edged weapon
-----
Every person has the mind and the doctrine and can distinguish between right and mistake and between beneficial and hamfull and he should determine how to use the net and man is responsible for what he do </SPAN>

[Messi]

توبيك رائع يا دوك

شكرا

Net is double-edged weapon
-----
Every person has the mind and the doctrine and can distinguish between right and mistake and between beneficial and hamfull and he should determine how to use the net and man is responsible for what he do </SPAN>

شكرا للمرور

[M.32L]

جميل يامحمد كالمعتاد
شكراا على النقل

[Messi]

جميل يامحمد كالمعتاد

شكرااااا

[*Jessy*]

هذة ليست القاعدة لأن هناك من يتقى الله ويستخدم النت استخدام سليم يفيد نفسه ودينه
وأولئك ممن حفظهم الله من شيطان النت


حضرتك قولت المفيد ... وجزاك الله كل خير ... وفعلا من كلام حضرتك صحيح جدا ... بس هي مش قاعده فعلا .. لسه في اكيد ناس كويسه ومحترمه ..

[fulla m]

الموقفين اللي حضرتك ذكرتهم يا دكتور
موجودين من زمان قبل النت النصابين كانوا موجودين برضه
والعلاقات الحرام برضه كانت موجوده
كل ما في الأمر ان التطور بيسهل الحاجات دي شويه

كن الشيطان لايريد البرأة لأحدلذلك تبدأ ألانحرافات تلميحات وكلام مباشر ثم كلام ساخن ثم لقاءات محرمةوالسبب الأنترنت والشات والصداقات البريئة

وهناك العديد من صور الانحراف ارادى ولاارادى لكن السبب واحدهو النت

الموقف ده كان بيحصل برضه بس بدل عن طريق النت كان بيتم عن طريق التليفون
وتحت نفس المبررات والاعذار دي صداقة بريئة ...ده جارنا ...دي زي أختي ..إلخ
النت ما اوجدش الحاجات ده بس ساهم في انتشرها بصورة كبيرة
لأن محدش يقدر يعرف بتعمل أيه على النت وله بتكلم مين
غير أنه بيضمن أن محدش عارف شخصيته
وبالتالي محديش يقدر يحاسبه على اللي بيعمله
الموضوع في الآخر راجع للضمير

اسال الله الهدايه لي ولكم

يا رب

[Messi]

موجودين من زمان قبل النت النصابين كانوا موجودين برضه

اكيد بالطبع

[*محبة رسول الله*]

والله العظيم النت ده مصيبة المصايب

أنا شخصيا بكرهه جدااااااااا

ما الناس كانت عايشة تمام قبله
ايه اللى حصل يعنى

والدعوة كانت بتنتشر والناس كانت بتتعلم من الكتب

دلوقتى النت ده بيضيع وقتنا كله

انا قبل النت ده كنت بقرأ كتير
لأنى بطبيعتى بحب القراية

لكن دلوقتى مفيش وقت طبعا انى أمسك كتاب

بجد النت ده ابتلاء كبير قوى

ربنا يسترنا