?Question

[كليوباترا]

سؤال:
ايه اللى اتعلمناه من الدنيا؟؟
حياتنا كتاب مفتوح كل صفحة فيه مليانه تجارب وخبرات..
واكيد كل واحد فينا اتعلم شئ من الدنيا وعرف كتيييير من مميزاتها وعيوبها.
مش هطول عليكم اكترمن كده وهنتظرمشاركتكم كل واحد يقول اتعلم ايه فى حياته والايام الكتير اللى مرت بيه؟

دمتم فى امان الله

[M.32L]

اتعلمت ان الدنيا لعبه لا تنتهى الابالموت عشان كده لازم العب واناضل على قد ما اقدر عشان اطلع منها فايز مرتين الاولى وهى الاهم افوز بجنه ربى عز وجل والتانيه انى اعيش سعيد واقدر اسعد كل عزيز عليا
.
.
.
.جزاك الله خيراا على التوبك

[محمد أبوبكر خفاجى]

اتعلمت ان مش كل اللى الواحد عايزة بيلاقيه
عشان كدا الرضا اهم حاجة فى الدنيا
توبيك رائع

[dr_sho0osho0o]

تبسمت قالوا يرائي بها " عبست فقالوا بدا ما كتم
صمت فقالوا كليل اللسان '' نطقت فقالوا كثير الكلام
حلمت فقالوا ضعيف جبان '' ولو كان مقتدرا لانتقم
بسلت فقالوا لطيشٍ به ولو كان مجترئا لاحتكم
فأيقنت أنى مهما أُرِد رضا الناس '' لابد من أن أُذَم


ان رضا الناس غاية لا تدرك
ورضا ربنا اهم واسهل
اتعلمت ماأحكمش علي تصرفات حد
عشان محدش يحكم علي تصرفاتي
والله أعلم لوكنت مكانه ممكن كنت
هعمل نفس اللي بيعمله

thank u dr

[N00R EL _SHAMS]

احنا اكيد خبراتنا ف الحياه مش كتير لكن ...................
.انا اتعلمت ان الحياه تجارب وان كل تجربه لازم لازم اطلع منها بحاجه
لكن طبعا ف اشياء التجربه فيها لا تفيد زى مثلا الحب وكده يعنى .........
اتعلمت انى احترم الى اكبر منى حتى وان غلطان فى وده احيانا بيكون غصب عنى لكن باجى على نفسى ..........
اتعلمت ان اهم حاجه هى رضا ربنا ورضا الوالدين ........
اتعلمت ان اجمل حاجه ف الدنيا هى الصداقه وحب الناس .........
اتعلمت انى مثقش ف اى حد الا لما اعرف اذا كان ينفع ولا لا .......
اتعلمت انى احس بالاخرين وبحاول على قد مقدر انى مجرحشى شعور حد او حتى اكون السبب فى كده لان ده بيؤلمنى اوى .........
وف الاخر اتعلمت ان الدنيا دى كلهــــــــــــــــــــــــــا مفيش فيها اى حاجه تلذ لو فرحنا ساعه بنحزن بعدها 100ساعه .........
مرســـــــــــــــــــــــــــــى ع التوبيك الجميل ده

[كليوباترا]

نورتوا التوبيك يادكاتره
ميرسى لمروركم

[دينا سالم]

موضوع جميل جزاكي الله خيرا

الخبرة هي المشط الذي تعطيك اياه الحياة عندما تكون قد فقدت شعرك

وعلمتني ان مفيش حد مرتاح كل انسان له مشاكله وهمومه وكل واحد اكيد بتواجهه عقبات

وان الطيب مينفعش يعيش فيها

[Al-Shaimaa]

اتعلمت ان الدنيا دي غابة كبيرة
مش ينفع اكون فيها ارنب واعيش مع الاسود
واوقات بتبقى زي البحر غدار ومش له امان
مش ينفع اعيش فيها سمكة وانا ممكن ابقا حوت
اتعلمت ان لو جه اليوم ولازم اكون حشرة مش ينفع ابقى فراشة ولا حتى نحلة
لازم اكون دبور يضرب بيه بالمثل في حماية عشه
اتعلمت اني ابقا زي الصبار اجرح كل اللي يقرب مني
مش ابقى وردة ولا حتى نبتة
اتعلمت ان البقاء للاقوى
وانه لا امان لبني الانسان

[كليوباترا]

(لا امان لبني الانسان)

عندك حق.الناس بقوا غدارين قوى الكذب والخيانه بقوا بيجروا ف دمهم
كل انسان بيدور على مصلحته وبس حتى لوهيدوس على غيره
امتى الانسان يكون انسان بجد يحس بغيره ويخاف عليه ويتقى ربنا ف الناس اللى حواليه؟؟؟
ميرسى لمرورك يادوك

[Nayroz]

اتعلمت ان كل شىء بيحصلنا نصيب وكله خير باذن الله
حتى لو كان بيتهيقلنا وقتها انه مش كدة
كل شىء بيحصل لحكمة فى علم ربنا وفيها الخير
ممكن ماندركش الحكمة دى وقتها ... او يمكن ماندركاش خالص بس هى كدة
سواء اتعرضنا للالم او لمرض ..لفراق مادى او معنوى ...اى كرب كله خير
وكلها ابتلاءات ولازم نصبر عليها ونعتبر
بجد بحمد ربنا على كل حاجة حصلتلى فى حياتى
سببتلى فرح او حزن
الحمد لله الحمد لله
اتعلمت ان مش عيب اننا نغلط العيب اننا نصر الغلط ونتمادى فيه
اتعلمت ان بايدى اختار بين الصح والغلط
انى اكون كويسة او لاءا
اتعلمت ان ربنا واسع الرحمة وبيقبل التوبة من عباده مادام صادقة
اتعلمت حاجات كتير الحمد لله
ولسة هتعلم باذن الله لو ربنا اراد

موضوع مميز