عاوز أول مادة تبقى ايه ؟؟؟ و ايه اقتراحك النهائي للجدول ؟؟؟

[Anas]

السلام عليكم و رحمة الله و بركاته

بعد ما شفنا آراء الناس و كل واحد عبر عن رأيه في الجدول المقترح

http://www.pharma-board.com/board/sh...ad.php?t=15387

و اختلاف الناس على أول مادة

ف كان في اقتراح حلو من أحد زملائنا

عشان كده نحسم الموضوع باستفتاء


المديسنال فى اجماع انه ماينفعش يبقى اخر مادة
النقطة اللى محتاجة حسم هى
اول مادة
فيتو ولا بيو ولا فارما

و الاستفتاء في أول الموضوع ... يا ريت الكل يشارك فيه

-------------------

الجزء الثاني من الموضوع ... ترتيب المواد

و كان في موضوع مناقشة الجدول أكثر من اقتراح من الأعضاء بخصوص ترتيب المواد

و هنعمل استفتاء عليهم برضه

الترتيب الأول

1- كيمياء العقاقير


2- كيمياء حيوية
3- فارماكولوجي
4- كيمياء طبية
5- معايرات إحيائية

6- مستحضرات صيدلية

الترتيب الثاني

1- كيمياء حيوية
2- كيمياء عقاقير
3- فارماكولوجي
4- كيمياء طبية
5- معايرات إحيائية
6- مستحضرات صيدلية

الترتيب الثالث

البيو لازم اول يوم
والفايتو بعدها
وبعدين فارما
وبعدين ميدسنال
والصيدلانيات الخامسه
والاساى فى الاخر

الترتيب الرابع

1-فارماكولوجى
2-كيمياء طبيه
3-معايرات احيائيه
4-كيمياء حيويه
5-كيمياء العقاقير
6- صيدلانيات

---------------------

يا ريت كل واحد يختار في الاستفتاء ايه أول مادة ... و ايه الترتيب اللي عاوزه من الترتيبات المقترحة

و ان شاء الله الآراء اللي في الموضوع هنا هوصلها شخصيا لدكتور حسن الكاشف

و الله المستعان

بالتوفيق لينا جمعا بإذن الله

[drsabri2010]

أنا أفضل الترتيب الرابع لأنه بيدى فرصة للفارما و بعدين الكيمياء الطبية
و بعدين الفيتو مش صعبة زى الترم الأول

[ahmed helmy]

الفيتو مهما كانت هي اصعب ماده في كليه صيدله
يعني كفايه انها الماده اللي محدش بيشغل دماغه فيها يعني ماده تتحفظ وعايزه تراجع مرتين تلاته
وبعدين يا جماعه بصفه عامه اوحش درجات الترم الاول للطلبه كلها هي الفيتو وفي ناس كتير شايلاها
وبالنسبه للترتيب انا مع الترتيب الاول او اللي تشوفوه بحيث ان الفيتو تبقي اول ماده والمدسنال متبقاش اخر ماده

[friend]

الفيتو مهما كانت هي اصعب ماده في كليه صيدله
يعني كفايه انها الماده اللي محدش بيشغل دماغه فيها يعني ماده تتحفظ وعايزه تراجع مرتين تلاته
وبعدين يا جماعه بصفه عامه اوحش درجات الترم الاول للطلبه كلها هي الفيتو وفي ناس كتير شايلاها
وبالنسبه للترتيب انا مع الترتيب الاول او اللي تشوفوه بحيث ان الفيتو تبقي اول ماده والمدسنال متبقاش اخر ماده

الكلام ده فعلا مظبوط جدا ياجماعه مهما كان الفيتو فعلا نتيجتها وحشه وع الرغم من صعوبة البيو الترم ده الا اننا كلنا جايبين فيها درجات كويسه فبلاش تزودوا الامور سوء الله يكرمكوا كفايه الجدول الجميل ده وانا شايفه ان الاختلاف ع المديسينال بس لازم ماتبقاش فى الاخر وانا مع الترتيب الاول

[Chimera]

مش فارقه كتير ..

المفروض نعمل اعتصام لزيادة مدة الامتحانات .... غير كده كله محصل بعضو

.,,

[Dr.A7med]

مش فارقه كتير ..

المفروض نعمل اعتصام لزيادة مدة الامتحانات .... غير كده كله محصل بعضو

.,,

كلام مظبوط
زمايلنا عملوا اعتصام قبل كدة وخدو حقهم
مش فاهم إيه المشكلة إننا نخرج كلنا نقف وقفة محترمة عند مبني الإدارة نطلب فيها تعديل الجدول .. وأعتقد ان الفرق كلها هتشارك
ممكن نعمل موضوع في العام نطلب فيه من كل الناس تتجمع في يوم معين ونطلب فيه تعديل الجدول .. بس يا تري إدارة المنتدي هتسمح بكدة؟
عموما نجرب

[Mohamed Al Gohary]

بشكرك يا انس على مجهودك .. الإيجابي ..

كان في اجتماع معايا انا وعمرو عبدالحميد مع الدكتور حسن وناقشنا الجدول بشكل مفصل لكل فرقة .. بناء على الاقتراحات والاراء اللى جت لى من طلاب الكلية وعلى المنتدى هنا ..
وتم تعديل ترتيب بعض المواد لبعض الفرق ..
اما الفرقة الثالثه فيسري الجدول كما هو للاسباب الاتيه :
اولا : انا شخصيا كنت اتمنى ان تكون البيو اول ماده لانها تقيله جدا واتقل بكتير من الفايتو .. لكن الفايتو فيه نسبه كتيره من الطلبه شايلاها .. وطلبوا انها تكون اول ماده .. بعكس البيو اللى عدد قليل جدا اللى شايلها تيرم اول ..
ثانيا : بالنسبه لمادة الميديسنال ، الفارما والاساي والميديسنال بيعتبروا كتله واحده بيتحركوا مع بعض فى الجدول .. وانا قلت الاسباب قبل كده .. وكمان الصيدلانيات متشاله كتير ولو جت اخر ماده ممكن يحصل فيها زى ما حصل التيرم الاول خصوصا ان معظمنا مش بيهتم بيها من البدايه وبيسيبها للاخر .. وكمان لو جبنا الصيدلانيات اخر ماده وشفتنا التلات مواد لفوق .. فيها اساي هيبقى قبلها يومين .. مش هينفع تبقى ماده تانيه ..
بالنسبه للاساي : منفعش فعلا خالص ان يبقى قبلها اكتر من يومين .. بس كله قال انها تيرم تاني اسهل والمنهج مش طويل .. لانها بتدرس ساعه بس اسبوعياً ..

والدكتور حسن اكلم عن الجدول باستفاضه فى اجتماع لجنة التطوير الاخير اللى حضرة عدد من الطلاب ..

[ameer]

كان في اجتماع معايا انا وعمرو عبدالحميد مع الدكتور حسن وناقشنا الجدول بشكل مفصل لكل فرقة

طيب بالنسبة لينا يادكتور محمد في امل يتغير الفيزياء مكان النبات ؟لان صعب قوي ان يبقي 3 ايام بس قبل النبات و7 ايام قبل الفيزياء

[Mohamed Al Gohary]

ان شاء الله يا امير ..

[N00R EL _SHAMS]

واحنا يا دكتور محمد مفيش امل تكون العضويه اول ماده .........من فضلك حاول كده ............ربنا يكرمك