خبر بمليون جنيه.....كليتنا من افضل 100 كليه في العالم

[Messi]

بسم الله الرحمن الرحيم

خبر سعيد لكل طلاب كليه الصيدله جامعه المنصوره



لاول مره تدخل كليه الصيدله باحدي الجامعات المصريه في الترتيب الشهري لكليات الصيدله علي مستوي العالم
حيث احتلت كليه الصيدله جامعه المنصوره المركز ٨٧ علي مستوي العالم
حيث قامت كليه الصيدله جامعه المنصوره بتسجيل ٨ براءات اختراع هذا الشهر لتركيبات دوائيه و ٩ ابحاث علميه ورساله ماجيستير متميزه
ومن المتظر ان يتم تكريم كليه الصيدله من وزاره التعليم العالي في خلال الاسبوع القادم
وتنتشر الاخبار انه قد يتم تسليم مكافئه ماليه قدرها ٣ مليون جنيه كجائزه تقدير لكليه الصيدله جامعه المنصوره من رئاسه الجمهوريه


الف مبرووووووووك لكل طلبه كليه الصيدله جامعه المنصوره




هاااااااااااااااااااا ايه رأيكم في الخبر ده؟؟؟؟؟؟؟؟؟؟؟؟














عفوا ولكنها كذبه ابريل.................كم كنت اتمني ان يكون الخبر صحيحا
(منقوووووول)

[M_S_SH]

هههههههه
حتي انت كمان يا عليوة
دا الواحدفي اشتغالات من اول ما الشهر دة بدا

[بسطامى]

لا بقه
مينفعش كده
يعنى بعد مصدقت وفرحت وقلت كليتنا جامدة اهه
تطلع مقلب فى الآخر

[M_S_SH]

كان عندي استفسار يا ريت حد يرد علية قبل ما الموضوع يتحذف
هوا فعلا مشروع الجودة والاعتماد بتاع كليتنا اترفض؟

[Dr/HULK]

كان عندي استفسار يا ريت حد يرد علية قبل ما الموضوع يتحذف
هوا فعلا مشروع الجودة والاعتماد بتاع كليتنا اترفض؟

انا سمعت كده برضه
بس ده لو حصل يبقى خلاص الاستيكر بتاع كلية الصيدلة جامعة المنصورة هيتشال من التنسيق

عفوا ولكنها كذبه ابريل.................كم كنت اتمني ان يكون الخبر صحيحا

من غير ماتعتذر اكيد معروف انها كذبة لاننا مش بندرس فى كلية تانية

[Messi]

كان عندي استفسار يا ريت حد يرد علية قبل ما الموضوع يتحذف
هوا فعلا مشروع الجودة والاعتماد بتاع كليتنا اترفض؟

يتحذف ليه؟؟؟؟؟
كذبه ابريل بتحصل في كل المنتديات والمواقع
وماينفعش يتعمل الا في العام
لان لو اتعمل في الترفيهي .......الناس هتاخد بالها.....فلازم يبقي فيه shock

بالنسبه للجوده والاعتماد............
انا سمعت انه اترفض تاني
وليه حق........لان مفيش تفاعل حقيقي من الطلبه.....
لازم كلنا نشارك في الموضوع ده يا جماعه.....
ما ينفعش اداره الكليه تعمل كل حاجه لوحدها.......لازم نشيل الهم احنا كمان
وفي الاول والاخر احنا المستفدين.........
فدي رساله بوجهها للطلبه من الموضوع ده ........اننا كلنا نشارك ونروح لوحده الجوده بالمبني الاداري.....
ونسأل د.سري هناك ايه دورنا وازاي نساعد الكليه ....ويبقي عندنا حماس اكتر من كده....
وربنا يسهل والمره الجايه ما تكنش كذبه ابريل.....

[Dr/HULK]

لان مفيش تفاعل حقيقي من الطلبه.....
لازم كلنا نشارك في الموضوع ده يا جماعه.....

مين اللى قال ان تفاعل الطلبة هو اللى بيوصل للاعتماد

لو كده كان كليات مصر كلها اعتمدت

الاعتماد اترفض لسوء حالة المعامل وعدم جاهزيتها وتوافر الاجهزة بيها

كلية طب وهندسة وعلوم اعتمدوا رسميا

والسبب بسيط خالص انهم عرفوا ايه اللى ناقص وكملوه

علوم جابوا اجهزة جديدة لاقسام الفيزياء وجددوا المعامل
وهندسة بدأت برضه فى تطوير السكاشن

احنا اتأخرنا كتير فى ده واعتمدنا على المنظر الخارجى للكلية كنوع من التحايل

الحكاية كلها ان الكلية مبدأتش فى موضوع الاعتماد ده غير من سنة او سنتين اما اللى قبل كده فكان هزار

عشان كده الوقت هرب من الادارة وملحقوش يعملوا حاجة

[Messi]

مين اللى قال ان تفاعل الطلبة هو اللى بيوصل للاعتماد

لو كده كان كليات مصر كلها اعتمدت

الاعتماد اترفض لسوء حالة المعامل وعدم جاهزيتها وتوافر الاجهزة بيها

كلية طب وهندسة وعلوم اعتمدوا رسميا

والسبب بسيط خالص انهم عرفوا ايه اللى ناقص وكملوه

علوم جابوا اجهزة جديدة لاقسام الفيزياء وجددوا المعامل
وهندسة بدأت برضه فى تطوير السكاشن

احنا اتأخرنا كتير فى ده واعتمدنا على المنظر الخارجى للكلية كنوع من التحايل

الحكاية كلها ان الكلية مبدأتش فى موضوع الاعتماد ده غير من سنة او سنتين اما اللى قبل كده فكان هزار

عشان كده الوقت هرب من الادارة وملحقوش يعملوا حاجة

انا واثق اننا لو وقفنا جانب اداره الكليه
هنمثل دعم كبير .......
احنا اساس الموضوع ده يا د.hulk
احنا الي بنتلقي الخدمات......
علي اساس ده بيقيمونا....
وبعدين معامل علوم مش كويسه ولا حاجه
وهجيب لحضراتكم قريب جدا صور معاملهم عامله ازاي..
وهنقارن....
كفايه شكل الكراسي المكسره في معامل الحيوان عندهم والجدر المشققه....والمعدات الي بقي لها 50 سنه وبقت قديمه.....
احنا احسن من علوم بكتيير.........
اما طب فهم صفوه الكليات ...........ولما لا لايكون التعاطف معهم دائما؟؟؟؟؟

[عبدالله عبدالرحمن]

quote=محمد عليوة;268080]انا واثق اننا لو وقفنا جانب اداره الكليه
هنمثل دعم كبير .......
احنا اساس الموضوع ده يا د.hulk
احنا الي بنتلقي الخدمات......
/quote]

شوف يا محمد انا لا أحب المجاملات
الكلية فى وضعها الحالى لاتستحق الأعتماد
بأى شكل من الأشكال
ويبقى ظلم كمان لو أخذته
والأسباب كثيرة
اقل سبب فيهم

عمرك شفت منهج فيتو عملى يخلص فى 3 سكاشن

عمرك شفت عملى يتاخذ فى ربع ساعة وتقعد زى اللى انت قاعد عليه
بقية السكشن
عمرك شفت عملى ملوش اصلا علاقة بالنظرى بتاع المادة
هو مش عملى يعنى تطبيقى
يعنى بطبق الكلام اللى انا شفته فى النظرى
الفارما بتتاخذ فى سنة والبيو زيها
وفى اى مكان فى العالم الفارما من سنتين ل3سنين
برامج الأشراف الأكاديمى كلام على الورق
-ومتقليش الطلبة هم السبب-
لأن الموضوع اكبر من الطلبة
والمعادلة لها طرفين
بعض المناهج حالتها سيئة جدا
واسالأ دكتور جلال عبدالغنى
وهو يقولك
الأعتماد بعيد عن كليتنا
حتى لو أخذناه على الورق
عارفين ليه!!!
لأن ماحدش مؤمن بالمعنى بتاعه
الا على اصابع اليد
الأعتماد
مش لوحات
وميسون وفيسون
الأعتماد أفعال
تمس الطالب وجودة العملية التعلمية
بشكل يشعر الطالب معه
بأنه يتلقى تعليم مميز يؤهله لسوق المعل

لما الطلبة يحسوا ان اللوحات افعال على ارض الواقع
من كل الكلية ومن كل دكاترتها
يبقى اخنا اخذنا الأعتماد
حتى ولو لم تعطينا اللجان القادمة شيئا على الورق
فالأعتماد قبل ان يكون كلمة
هو التزام ومسئولية ارى انها بعيدة تماما عنا فى الوقت الحالى
-مع احترامى لكل الجهود المبذولة-
اعتقد ان الأعتماد لا يمكن ان يطبق على الدفعات الحالية
باللائحة القديمة
ليس قبل ان تفعل اللوائح الجديدة
ويتم تغيير منهج العملى
على الأقل
انا طولت بس سامحونى
لأنى قاعد بقالى اسبوع مش طايق اللى بيحصل لنا فى العملى

[Dr/HULK]

وبعدين معامل علوم مش كويسه ولا حاجه
وهجيب لحضراتكم قريب جدا صور معاملهم عامله ازاي..
وهنقارن....

ماهى دى المصيبة

كلية علوم بتعاملنا كطلاب درجة تانية

انا ليا واحد صاحبى فيها بيقول ان طلبة صيدلة بيدخلوا اسوأ معامل فى الكلية وبيدوهم اجهزة بايظة يشتغلوا بيها

وادارة الكلية ولا بتسأل فينا

هقولك مثال : شوف كتاب الفيزياء اللى انت شاريه من علوم بكام
واسأل زميل ليك فى اعدادى هندسة او حاسبات هو جايبه بكام؟؟؟؟

ادارة كليتنا رماينا لبتوع علوم وفى اولى لبتوع طب يبهدلوا فينا زى ماهما عاوزين

طب فهم صفوه الكليات ...........ولما لا لايكون التعاطف معهم دائما؟؟؟؟؟

دى بقى مثال للاعتماد على ورق اللى عبدالله قال عليه

كلية طب متستحقش الاعتماد لا من يمين ولا من شمال طول مافيها نظام ان الدكاترة يشرحوا دروس خصوصية

هو بس اللى سهلها معاهم انهم مش كلية عملية يعنى مش محتاجين معامل واجهزة والحاجات اللى كنا محتاجينها
الاعتماد كله كان لتقييم مستشفى الجامعة وتدريب الطلاب فى المستشفيات واتساع المدرجات للطلبة وده شىء مش محتاج مجهود وخصوصا ان مستشفى الجامعة ومستشفى المسالك من اقوى المستشفيات فى العالم العربى

اما بالنسبة لكليتنا فالمفروض لو الاعتماد اتلغى بجد يبقى لازم يتحقق مع الدكاترة اللى كانوا قايمين عليه عشان يبان اوجه القصور ونتلاشاها قبل ماتبقى فضيحتنا كبيرة