بتهمة التعبير

[dr-aya]

بعد غياب طوييييييييييييييييييييييييييل و حيث إنى بقالى كتيييييييييييييييييييييييييييير منزلتش حاجة هنا على الأدبى قلت بقى أصدعكوا شوية ربنا يكون فى عونكم بقى كفاية كدا يلا ندخل فى الموضوع على طول


:
:
:

بتهمة التعبير

:
:

الحق ماله مثيل
عملوه لنا تماثيل
ضربوه لنا فى مثال
عايشينه بالتمثيل
و إن يوم خدتنا حماسة
و كتبنا فى الكراسة
عن حلم بالتغيير
عن حق مش مردود
و سقف مش مسنود
و حلم مات مولود
من قبلنا بكتيير
يحاكمونا بتهمة التعبير
ماتقولى يا زمنى الجميل......
إيه ذنب طفلة بريئة مكسورة
أسألها هتبقى إيه يا حلوة ؟؟
تقولى دكتورة
و بلدنا زى مإنت عارف
خلى الطبقة مستورة
فيها التعليم مكسر
لا صوت و لا صورة
و جايين يحاكمونى بتهمة التعبير........
طب قولى يا زمنى الجميل
الميت بيدفنوه فين؟؟؟؟؟؟؟؟؟؟؟؟!!!!
فى المقابر ......... شاطر....
طب لما المقابر يسكنها بنى آدمين
و أطفال شاب شعرهم
و زاد عمرهم عمريين
دول يبقوا عايشيين و لا مش عايشيين
تعالوا بقى حاكمونى بتهمة التعبير.........
بس الأول تقولى يا زمنى الجميل
الشغل فبلدنا دا فين
شباك تذاكر و الأولوية لمين ؟؟؟
للكارت المتين و القرشينات
ولا للتعليم و الشهادات.......
روح شوف بنفسك
و سلملى على الحق اللى مات.......

و أخيراً و ليس آخراً يا زمنى الجميل
هو أصلاً مين المفروض يحاكم مين؟؟!!!!
و فأى شرع و أى دين
ظالم يحاكم مظلومين
زمان أبويا قالى
لو ليك قضية في يوم
أو حامل هم القوم
فنصيحة منى ليك
إتغطى قبل النوم
و سامح اللى يخون و اللى عليه اللوم
و آدى النتيجة دلوقت
عايزيين يصادروا الحق
و يعدموا المظلوم
لكن خلاص بطلت
و إن يوم سألنى القاضى
إزاى أنا عبرت
هقوله و ببساطة ..... أصل أنا إتغيرت

[مهداه]

جميله يا دكتوره
تسلم الايادى

[dr-aya]

[CENTER]

جميله يا دكتوره
تسلم الايادى

ما شاء الله يا آية رائع والله جدا جدا وأنت عارفة رأيي ...
كل الكلام جميل جدا ومش كنت عارفة أعلق علي ايه ولا ايه ...
كمان أسلوب الكتابة بيوصل أوي ما شاء الله يا آية
استمرييييييييييييييييييييييييييييييييييييييييييييي يييييييييييييييييي

ربنا يخليكى يا روز رافعة معنوياتى و الله
المشكلة إن كل مرة بنزل فيها حاجة هنا بأحبط جاااااااااااااااااااااااااااااااااااااااامد من رد الفعل المبهر اللى إنتى شايفاه أنا بجد مش عارفة الغلط منين بالظبط ماعلينا المهم يا ستى إنك منورانى و دى هدية منى

[hananah]

جميل جدا جدا يا ايه
سلمت يداكى

[dr-aya]

جميل جدا جدا يا ايه
سلمت يداكى

ربنا يخليكى يا حنون و الله يا بنتى المعنويات منخفضة على الآخر بس منورانى و الله

[ahmedofegypt]

تسلم ايدك د/ آيه ... على رأيك و تعبيرك ...

و إذا كان التعبير عن الرأى بكل حريه و صراحه تهمه , فما أشرفها من تهمه ..!!

تحياتى

[انجالى]

جميل جدا ياايه

[WHITE HEART]

ليكى منى الف سلام وتحية بجد و اللة عجبنى جدا تعبير واضح وصريح عن اللى بيحصل للاسف فى ارض الواقعتقبلى كامل اعجابىىىىىىىىىىىىى

[dr-aya]

لا يا جميل مش تحبطي ولا حاجة انت بتكتبي حلو جدا يا آية ماشاء الله ...
وانا مش بجاملك انت عارفة كويس ...
وشكرا علي الوردة الحلوة دي ...

أقول إيه بعد الكلام الحلو دا
تستاهلى منى ودرة كمان على الكلام دا

تسلم ايدك د/ آيه ... على رأيك و تعبيرك ...

و إذا كان التعبير عن الرأى بكل حريه و صراحه تهمه , فما أشرفها من تهمه ..!!



تحياتى

ميرسى يا دكتور جداً
و زى ما حضرتك قلت ما أشرفها من تهمة و على الرغم من ذلك قلائل من حازوا شرف إلتصاقها بهم ????!!!!!!

جميل جدا ياايه

ليكى منى الف سلام وتحية بجد و اللة عجبنى جدا تعبير واضح وصريح عن اللى بيحصل للاسف فى ارض الواقع تقبلى كامل اعجابىىىىىىىىىىىىى

ميرسى جداً على رأيك بجد
و تقبلى كامل شكرىىىىىىىىىىىى

[romaysaa]

يويو حبيبة قلبي
ليه الغياب الطوووووووووووويل
وتحرمنا من كلامك الجميييييييييييل
ولا إنتي بتتقلي علينا يا واد يا تقيييييييييل

بالنسبة بقى للكلام اللي في الصميييم
أحب أقولك كلمتين كله تمام لأ تمامين
وخصوصا خصوصا إن التعليم لا صوت ولا صورة
وبقى كل حاجة للقرش المتييييييييين
ربنا يسترها معانا آجمعييييييييييييين
قولوا آآآآآآآآآمين قولوا آآآآآآآآآآآآآآآآآمين