الجهاز واحد صحيح لكن المعامله بتفرق

[lavandula]

اولا جهاز البنت
من النظرة الاولى من بعيد للشكل العام للجهاز

تلاقى الجهاز نضيف ومرتب وحواليه دباديب او عرايس او لعبها وتلاقيها لازقة عليه صور فراشات او صور رقيقة وقلوب وحجات كلها دلع ورقة وتلاقى كرسيها نضيف وسليم وشكلة حلو ومحطوط بشكل صحيح ادام المكتب
تفتح الجهاز تلاقى صوت نغمة رقيقة مع فتح الجهاز وحاطة خلفية صورة رقية شخصية ليها او صورة بنت جميلة او وردة
تقلب فى الملفات تلاقى اسماء الملفات عندها جميلة زى
صور اطفال
صور فساتين
صور موضة
افلام رومانسية
اغانى عاطفية
تفتح الهيستورى بتاع الجهاز تلاقيها كانت مشغلة حجات زى
فيلم تيتانيك
مواقع نكت
مواقع موضة
اغنية تملى معاك
اغنية بهواك
مواقف كوميدية
تفتح الميل بتاعها تلاقيها حاطة نك نيم رقيق زى
بنوتة شقية
دلع
حبوبة
حب عمرى
لو دققت شويه فى تاريخ تسطيب الويندوز ممكن تلاقى الويندوز شغالة معاها من حوالى 7 او 8 شهور متغيرتش
تيجى تشم ريحه الجهاز تلاقى رحتة برفان جميل
ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس شت دوان وتسمع نغمة رقيقة والجهاز بيقفل





نخش على اجهزة التماسيح


من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة ومطلعينه من ترعة
تلاقى الكيس مفتح من كل ناحية وفيها خروم غريبة ولو بصيت جواها تلاقى فيها حجات ومواد غريبة غالبا ممكن تكون مشتعلة وملهاش اى علاقة بالجهاز
وتلاقى الهارد متعلق زى الدبيحه من السلك بتاعه ومتعرفش لية
وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم مية
وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحدو
الشاشة ممكن متلاقيش قعدتها اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطفاية فى كل حته من الجهاز
وتلاقى الكى بورد سلكها ملحم فى بعضه وزرار الانتر وبعض الازرار المهمة غالبا مش هتلاقيها
وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس
تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم فى بعض عشان الجهاز يشتغل زى عربيات مكروباص الترامكو
يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة
تعدى كل ده وتبتدى الويندوز تفتح تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو ينزلو نسخ للشرق الاوسط تانى
تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية الى جاية من عالم غريب
تدخل تقلب فى الملفات تلاقى اسماء الملفات غريبة وعجيبة
حشحش
دحدح
بتنجانة
صور معيز
صور حوادث
مصارعة
و 70% من الملفات هتلاقيها تحت سلسلة اسماء

New Folde13
New Folde14
New Folde15
الى ما لا نهاية
تفتح الهيستورى بتاعه تلاقى اخر حجات شغلها زى
ساو 3
ديد سيلنت
اغنية البلح البلح
صور مصارعين
كليب بوس الواوا
اسماء مواقع تخاف اصلا تخشها
نكت حشاشين
تفتح الميل بتاعه تلاقيه حاطط نك نيم يرعب البنات
الشيطان 10
البجح
سفاح المعيز
المحشش
كمبورة
عاشق الموت
لو دققت فى تاريخ تسطيب الويندوز ممكن تلاقيه مسطبها قبل متيجى بساعتين
طبعا ريحه الجهاز هتلاقيها شبة متور العربية المحروق
ولما يجى يطفى الجهاز لو فاتح ايه ميقفلهمش واحده واحده لا شد الكابل على طول من غير تفاهم اكنه بيعزب كافر
لانه طبعا ميعرفش حاجة اسمها امر شود داون
كمان لو فى فلاشه يا لهوى
فلاشه البنت نضيفه ورحتها حلو وبالغطا بتعها وفى علبتها
اما فلاشه الشباب
طالع عينها مكسوره ومن غير غطا اصلان وتحس ان قطار معدى عليه ومفرومه
لا وكمان الاغانى تحسى اول ما تشغليها ان انتى فى ميكروباس او مولد

[LOVELY BIRD]

ده ان دل على شيئ فيدل على رقة البنات وهدوئهم ونعومتهم
بينما على الجانب الاخر...........


فعلا موضوع جميل

[ameer]

دي بقت حرب علينا يارجالة ولازم نعمل وقفة
طب نعمل اية ؟!
ناخذ من كل رجل قبييييييييييييييييييلة

[lavandula]

طبعا يا lovelyالبنات معروف عنهم الرقه طبعا وو هو مش باين بس بلاش نتكلم عن الاخر لهو وزى منتى عارفه مبيصق
وطبعا الكلام مش عليك خالص يا امير دى انت حتى منور بس سؤال انت مش بتعمل فى جهازك زى ما التوبيك بيقول

بس سيبكم انتم من الكلام دى نورتم موضوعى اخر حاجه

[ameer]

طبعا يا lovelyالبنات معروف عنهم الرقه طبعا وو هو مش باين بس بلاش نتكلم عن الاخر لهو وزى منتى عارفه مبيصق
وطبعا الكلام مش عليك خالص يا امير دى انت حتى منور بس سؤال انت مش بتعمل فى جهازك زى ما التوبيك بيقول

بس سيبكم انتم من الكلام دى نورتم موضوعى اخر حاجه

انا بعمل بعض الحاجات يعني مثلا في عشرتاشر سلك طالع من الجهاز معرفش بتوع اية
انما معظم الحاجات مبعملهاش يعني مثلا مبستعملش ويندوز خالص يعني لا بنزل ويندوز كل يوم ولا كل سنة
وكمان مبشربش سجائر (لغاية دلوقتي )
والكيبورد سليمة مفيهاش هفوة مع انها شغالة بقالها 3 سنين من يوم ما جبت الجهاز دة

وبعدين في بنات كتير بيعملوا اكتر من كدة في الاجهزة بتاعتهم

بس احنا مش هنسكت لازم هنعمل وقف ضد العدوان الترفيهي اللي علينا دة بس لما الرجالة تدخل الموضوع بس

[LOVELY BIRD]

انا بعمل بعض الحاجات يعني مثلا في عشرتاشر سلك طالع من الجهاز معرفش بتوع اية
انما معظم الحاجات مبعملهاش يعني مثلا مبستعملش ويندوز خالص يعني لا بنزل ويندوز كل يوم ولا كل سنة
وكمان مبشربش سجائر (لغاية دلوقتي )
والكيبورد سليمة مفيهاش هفوة مع انها شغالة بقالها 3 سنين من يوم ما جبت الجهاز دة

وبعدين في بنات كتير بيعملوا اكتر من كدة في الاجهزة بتاعتهم

بس احنا مش هنسكت لازم هنعمل وقف ضد العدوان الترفيهي اللي علينا دة بس لما الرجالة تدخل الموضوع بس

عمرك يا دكتور ماتلاقي جهاز بنت بالوحشيه دي
امال ايه؟!تخصصات

[ameer]

عمرك يا دكتور ماتلاقي جهاز بنت بالوحشيه دي
امال ايه؟!تخصصات

مهو البنات فاضيين يقعدوا ينظموا الفولدرات ينضفوا الجهاز
انما الرجالة مش فاضيين وراهم فيفا وميدل وترافيان وحاجات كتير هيجيبوا وقت منين علشان يظبطوا الجهاز

[S!lent Tear]

موضوع اخر لذاذة وعلى مزاجى خـــــــــــــــالص
thank you
ya amar

[Mostafa 3laa]

هو ايه ده؟؟؟؟

ده انا جهازى اسم النبى حارسه زى العسل
ببقى عايز ابوسه
هو بس الكيس مفتوحه وطالع منها سلوك غريبه والهارد لحد وقت قريب كان متعلق بكابل الباور بس ده كله ميمنعش ان جهازى زى الفل وجميل خالص

بلاش التحيز ده يا جماعه

[M.32L]

مش عارف الناس دى واخده موقف مننا ليه وبعدين احنا ارحم واطيب من البنات كتير صحيح هم ارق بس اعوذ بالله اه لو واحده حطت فى دماغها ................. ربنا يرحمنا