بسم الله الرحمن الرحيم
دلوقتى انا معايا مقال من جريدة الاهرام بيوم 8/2
بيتكلم عن المنصورة حبيت اكنقلكم منه بعض المعلومات
عن اللى البلد اللى بقالى 21سنة عايش فيها واول مرة اشوف الكلام ده
الموضوع بادىء بنزهة نيلية والصحفى كده شكله فرحان اوى بالنيل
من وصفه ليها شكله هيعيط انها خلص
بعد كده بقى يتكلم عن التغير فى اشكال المبانى وتحول اليوت القديمة الى ابراج .......الخ والزحمة اللى فيها اللى قربت من جو القاهرة
بعد كده كاتب بيقولى لا تنزعج.gif "Fop (32)")
وقام رايح متكلم عن صمود المنصورة امام لويس التاسع ودخل فى درس التاريخ اللى درسناه فى اعدادى
بعد كده بدأ فى وصف مدخل المدينة لحد ماوصل لميدان ام كلثوم ومسجد النصر اللى عند مبنى المحافظة
ده مدخل المنصورة
اه طبعا منساش تمثال رمسيس اللى عند الاستاد
واللى بيتميز ان اشعة الشمس بتيجى على وجهه كل يوم من بعد الفجر لحد المغرب
(اضافة)
فعلا حاجة مذهلة
بعد كده شكله راح دار ابن لقمان لانه عمال يوصف اللى شافه جوه زى:
الجرة الرخامية اللى شرب منها لويس التاسع(القلة يعنى بس بيشتغلنا)
الكرسى الخشب اللى كان قاعد عليه
والكنبة الارابيسك اللى كان بينام عليها
والسلم الخشب اللى طلع عليه للدور التانى
وسيف لقاه هناك لاحد قادة المنصورة
وسائحة فرنسية كانت هناك بتتفرج
وبيحكى عن السيدة الفرنسية وكمية البؤس اللى ظهر على وشها وهى بتسمع القصة عن اسر لويس التاسع فلما كلمها بره اليت ابن لقمان قالت له ان لويس التاسع كان اسمه سانت لويس وكان واعظ دينى ومكنش ليه فى الحروبوكان راجل مسالم(كان ناقص تقول ان من طيبته كان هيقتل 100 الف بس مش مليون!!!)
بعد كده دخل فى درس تاريخ تانى انا عن نفسى اول مرة اسمعه.gif "Fop (33)")
بيقول لما نابليون دخل مصر بعتجنرال اسمه دوغا(هو اللى بيقول) واللى كان نابليون امره انه يحكم المنصورة وانه يقتل 10 مننا .gif "Fop (39)")
(المنصوريين) وياخد راسهم ويلف بيها فى البلد عشان يخوف الناس وفرض ضرائب على الناس مقدرش اعيان المنصورة حتى على سدادها وحرق القرى اللى بتضاد الظلم
وده كان سبب فى ثورات قامت فى المنصورة منعت نابليون من انه يقدر يدخل جيوشه عن طريق النيل
لسه مخلص درس التاريخ لسه فيه بس ناخد ريست كده نروح الكورنيش والمشاية ونرجع تانى.gif "Fop (28)")
يلا كفاية كده عشان منتأخرش نرجع تانى
بعد كده لو تفتكروا قبل الريست كنت لسه مكمل فى درس تاريخى حربى عن البلد اللى فيها كليتنا
واستكمالا للحوار(حلوة الجملة دى)
نتكلم عن المعركة الجوية فى عام 73 واللى كانت بتدار فى سماء المنصورة واللى تدمر فيها 120 طائرة اسرائيلية
واللى كانت تانى اكبر معركة جوية بعد الحرب العالمية التانية وكانت المعركة دى يوم 14/10/73
خلص درس التاريخ ندخل بعد كده على بعض الاماكن المهمة فى المنصورة:
طبعا الكورنيش اللى بيبدأ من توريل لحد المشاية
فندق مارشال ومارشال المحطة فندق رامادا دا غير سينما جود نيوز وسينما الجزيرة
شارع صيام(اول مرة اسمع عنه؟؟) ههههههههه بيقول انه من اشهر شوارع العوالم (جمع عالمة) زى العالمة الكبيرة سهير زكى (شكله اهبل ) سوق الخواجات والعباسى والسكة الجديدة
بعد كده تكلم عن بعض مساجد المنصورة واللى مذكرش فيها غيرمسجد الموافى(اسسسه الملك الصالح نجم الدين سنة583)/مسجد الصالح ايوب 616هـ / ومسجد النجار بسوق التجار واللى فيه مأذنة مائلة زى برج بيزا
ندخل على عنوان جديد هيعجم ناس كتير وانا متأكد
العنوان بيقول
سر جمال بنات المنصورة
كل واحد فيكوا يسمع السبب واللى هو:وجود المماليك والاتراك والفرنسيين فى مدينة المنصورة لفترات طويلة وخصوصا فى المنصورة وكانت العائلات تتباهى بتزويج بناتهم او ابنائهم بأبناء هذه الجاليات الاجنبية
وكمان تزوج تجار المنصورة ببعض الايطاليات واليونانيات وان الجالية اليونانية كانت من اكتر الجاليات الاجنبية الموجودة فى المنصورة بعد خروج الانكليز
بعض المدن فى العالم بأسم المنصورة
مدينة بجنوب شرق اسبانيا
قرية بولاية قبلى بالجنوب التونسى
مدينة بمحافظة الرقة بسوريا
قرية بالجولان فى سوريا
قرية مهدمة فى فلسطين
مدينة بولاية لويزيانا فى اليو اس ا
مدينة بولاية تلمسان فى الغرب....... ........ الجزائرى
اخر حاجة بقى عشان نخلص
مشاهير المنصورة
ام كلثوم
شاعر الجدول على محمود طه
الامام الاكبر جاد الحق على جاد الحق
على مبارك ابو التعليم
احمد لطفى السيد
انيس منصور
محمد التابعى رائد الصحافة الحديثة
محمود مختار شاعر الصخر
طبعا الشيح محمد متولى الشعراوى
عبد اللطيف البغدادى نائب رئيس الجمهورية الاسبق
فاروق الباز مدير وكالة ناسا
احمد عبده الشرباصى شيخ المهندسين
محمد حسين هيكل
اسامة الباز المستشار الرئاسى
دكتور محمد غنيم
الفريق سامى عنان رئيس اركان حرب القوات المسلحة
الدكتور جلال عبد المنعم ابوزيد علم الذرة بجامعة المنصورة
رياض السنباطى
كامل الشناوى شاعر كبير
مأمون الشناوى شاعر برده زى اخوه
عادل الامام
يونس شلبى
محمود الخطيب
كمال الشناوى
صلاح السقا مخرج
حسن الامام مخرج
فاروق العقدة (اللى بيمضى على الفلوس)
حسين الشربينى
فاتن حمامة
ابراهيم شكرى مؤسس حزب العمل المصرى
يحيى الفخرانى
محمد نصر النجومى مؤسس واول رئيس مخابرات مصرى
الشيخ سيد النقشبندى
الشيخ نصر الدين طوبار
امين الهنيدى
اسامة سرايا رئيس تحرير جريدة الاهرام
طبعا لسه فيه كتير بس انا خدت اللى اقدر عليه
دا غير اساسا ان كاتب الموضوع نسى يكتب اسمى ضمن المشاهير هسامحه بس عشان احنا فى اجازة
ياريت يكون الموضوع عجبكم
اللى متعرفوش عن المنصورة او يمكن تكون عارفه مش عارف يلا نشوف
رد مع اقتباس.gif "Fop (29)")
.gif)
واللى مذكرش فيها غيرمسجد الموافى(اسسسه الملك الصالح نجم الدين سنة583)/
.gif "Fop (18)")
