شويه مواقف رخمه بس عشان مني تبقي حلوه

[ahmed helmy]

1-
تحب ومتتحبش.
2-
تحزن لدرجه ان عنيك تدمع لوحدها من كتر الحزن
3-
بعد عمل يوم شاق تلاقى الميه قاطعه.
4-
تستقبل جوابا تنتظره من فتره ويطلع فيه خبر وحش
.
5-
تدخل السرير فى عز البرد و تنام فى الدفا على صوت المطر وبابا يقولك انزل هات حاجه من الشارع.
6-
تجد الجاكيت اللى كان نفسك تجيبه اتباع من المحلات كلها
7-
تشرب كاكاو ساخن وانت بردان وتلاقى فى المج
صرصاااااااار.
8-
تملأ البانيو وتحط فيه صابون وتنط تتزحلق وتتخبط ومتعرفش تستحمى لمده اسبوع .
9-
حد يقولك قد ايه انت رزل وتبت ودمك تقيل.
10-
تقعد تحكى وتتكلم مع صديق وهو مش عايز يسمعك.
11-
تصحى الصبح بدرى عشان تروح الشغل تبص فى الساعه تلاقى ان متأخر ساعه .
12-
تحط ايدك فى جيب الجاكيت اللى بقالك سنه ملبستوش وتلاقى فيه بريزه.
13-
تسمع اول كلمه حب فى حياتك من حد انت مبتحبوش.
14-
تجيب الكلب أو القطه اللى كان نفسك فيهم وبابا يهزقك ويرميه فى الشارع
15-
تحلم حلم جميل وحد يصحيك فى نصه.
16-
تتمرجح على المرجيحه اللى بتحبها وتتكسر وانت بتتمرجح.
17-
تدخل فيلم رومانسى مع حبيبك ويطلع الفيلم ساقط.
18-
تجيب لصاحبك او حبيبك هديه ويقولك "ايه اللى انت جايبه ده ؟؟؟"
19-
تكسب فى مسابقه ويدوك الجايزه ورده او جنيه خشب.
20-
تدخل المطبخ وتعمل الاكله اللى أنت بتحبها بنفسك وتنساها وتتحرق او تطلع متتاكلش.
21-
تمسك ايد حبيبك تقولك شيل ايدك بدل ما اقطعهالك.
22-
تقعد وقت الغروب فى وسط الغيطان وتتفرج على الساقيه وتيجى الجاموسه تلحس فى شعرك.
23-
تلاقى حد يحزنك وانت الفرحه ماليه قلبك.
24-
تقعد على البحر وقت الشروق تيجى موجه تغرقك.
25-
متلاقيش حد يطبطب على ظهرك وانت متضايق.
26-
تجرى تجيب حاجه ساقعه من الماركت الوحيد اللى فاتح فى عز الحر ويقولك" والله لسه العربيه جايبه الصناديق دلوقتى ؟؟؟".
27-
تلاقى حد ينظر لك نظره احتقار عمرك ما كنت تتمناها.
28-
كل الناس تقسو عليك فى الوقت اللى انت محتاج فيه حنيه.
29-
تشرب حاجه سخنه وانت واقف تحت المطر ييجى واحد بيجرى من المطر يخبطك يوقعها.
30-
تاخد راحه وتتمشى فى الجنينه وسط الخضره تلاقى الجناينى لسه راشش الجنينه والكوتشى يبقى لونه اسود.
31-
حد يعملك مفاجاه رخمه وتكون انت مبتحبوش اصلا.
32-
تصحى من النوم كل يوم الصبح تبتسم وتشكر ربنا على يوم ثانى جميل هتعيشه والتليفون يرن تعالى حالا المدير قالب الدنيا عليك وعايزك.
وشكلك هتترفد




ياريت كل واحد يقول اكتر موقف ممكن يضايقه من المواقف دى
؟؟؟؟؟؟؟؟؟؟؟؟؟؟؟؟

[Dr Anonymous]

انت كاتب اسم الموضوع غلط

المفروض يبقى اسمه

شويه مواقف حلوه بس عشان مني تبقي رخمه

ههههههههههه

حبيبى يابو حلمى

مشوفتكش من زمان قلت ارخم عليك

وياريت تبقى تختار ليا وليك بقى

انا وانت واحد

[بسطامى]

تلاقى حد ينظر لك نظره احتقار عمرك ما كنت تتمناها.
تحلم حلم جميل وحد يصحيك فى نصه.
تصحى الصبح بدرى عشان تروح الشغل تبص فى الساعه تلاقى ان متأخر ساعه
تقعد تحكى وتتكلم مع صديق وهو مش عايز يسمعك.
تستقبل جوابا تنتظره من فتره ويطلع فيه خبر وحش
تدخل السرير فى عز البرد و تنام فى الدفا على صوت المطر وبابا يقولك انزل هات حاجه من الشارع.
بصراحة معظمهم أكيد هيضايقونى ويستفزونى وساعتها الواحد مش عارف هيعمل إيه

[ASOOOM]

تقعد وقت الغروب فى وسط الغيطان وتتفرج على الساقيه وتيجى الجاموسه تلحس فى شعرك.

الموقف حلو في اوله بس لو جت الجاموسه ممكن اموت فيها وانا الحمد لله مكتفيه باني اتفرج ع الطريق

موضوع جميل قوي

[S!lent Tear]

تحزن لدرجه ان عنيك تدمع لوحدها من كتر الحزن

حاجة وحشه اوى مجرباها كتير

تسمع اول كلمه حب فى حياتك من حد انت مبتحبوش.

موقفصعب بجد

الموضوع روعة بجد
thank you

[Dr/HULK]

ارخم حاجة ممكن تحصلك

انك تبقى مقضيها رخامة على خلق الله وفجأة ربنا يرزقك بصاحب ارخم منك يعرفك قيمة اللى كنت بتعمله فى الناس

تقعد وقت الغروب فى وسط الغيطان وتتفرج على الساقيه وتيجى الجاموسه تلحس فى شعرك.

لأ الارخم من كده لما المغرب ييجى عليك وتبقى مستنى غروب الشمس وييجى الناموس ويبهدلك ويروشك وفى الاخر تلاقى الدنيا بقت ضلمة تيجى تقوم تروح تلاقى الكلاب بتجرى وراك تجرى منهم وانت بتجرة تقع فى الترعة تطلع منها متلقيش عامود نور واحد منور تقعد تخبط فى الاراضى ولما تخرج تلاقى الكهربا قاطعة تفرح وتمشى وسط الناس بهدومك المتبهدلة وفغجأة وفى حته زحمة النور ييجى تروح ماتلاقيش حد فى البيت تقعد فى الشارع لحدماييجوا

انا افضل الجاموسة بكتير

[buffy]

تشرب كاكاو ساخن وانت بردان وتلاقى فى المج
صرصاااااااار.دى اصعب حاجة بالنسبة ليا

-----
تقعد وقت الغروب فى وسط الغيطان وتتفرج على الساقيه وتيجى الجاموسه تلحس فى شعرك اية الرومانسية دى

[dr/mero]

ارخم حاجة لما تكون طول الليل سهران بتذاكر في حاجة وحاسس انها هتيجي ومابتجيش في الامتحان والارخم انك تذاكر المنهج كله وتسيب جزء صغير اوي تلاقي دكتور الشفوي بيسالك في الحتة اللي سايبها

-----
الموضوع رائع يا دكتور بس موقف الصرصار ده صعب اوي عشان حصلي بس كانت ناموسة

[مهداه]

20-
تدخل المطبخ وتعمل الاكله اللى أنت بتحبها بنفسك وتنساها وتتحرق او تطلع متتاكلش

اصعب موقف بالنسبه لى ( يمكن عشان مجربااه _ هو مش كتير_ اوعوا تفهمونى صح )
بس بجد المواقف كلها جميله
تسلم الايادى

[@Noh]

تحزن لدرجه ان عنيك تدمع لوحدها من كتر الحزن
تسمع اول كلمه حب فى حياتك من حد انت مبتحبوش.
تلاقى حد يحزنك وانت الفرحه ماليه قلبك.
متلاقيش حد يطبطب على ظهرك وانت متضايق.
تلاقى حد ينظر لك نظره احتقار عمرك ما كنت تتمناها.
كل الناس تقسو عليك فى الوقت اللى انت محتاج فيه حنيه.

أما الجاموسة اللى تلحس الشعر دى ضحكتنى قوى (أكيد الشعر أسود وافتكرته ابنها).