قائمة الامنيات الضائعة

[Hope1]

فكرة سمعتها في التلفزيون و قلت اقولكم عليها
هنجيب ورقة و قلم (معلش عارفة ان الموضوع صعب شوية خصوصا اننا في الاجازة و الورق كله اترمي او اتحط تحت السرير) و بعدين هنكتب فيها كل الحاجات اللي احنا بنتمناها كل اللي يخطر في بالنا و بعدين هنقسمهم الي امنيات ممكن اننا نحققها و حاجات تانية فات وقتها خلاص
اللي فات وقتها هنشطب عليها و بعدين نسيب اللي ممكن نحققها و نعلقها في اوضتنا
انا هبدأ بنفسي و دي قايمة الامنيات الضائعة بتاعتي
1-اختم القرآن مرة كل شهر
2-رياضة كل يوم
3-................................................
4-انام 8 ساعات بس في اليوم
5-امشي عالخطط الخمسية اللي انا بعملها
6-اصحي كل يوم قبل الفجر
7-اجيب التقدير اللي انا بتمناه
8-اروح الكلية بدري او في معادي بالظبط
9-ارسم كويس في العقاقير
و دي امنياتي علي المستوي الشخصي اما علي المستوي العام
1-نسبة امية في الوطن العربي 0% و اني اساهم في الموضوع ده و لو حتي اني اعلم واحدة بس
2-اهتمام بالبحث العلمي
3-مصر تتأهل لكاس العالم قبل ما أموت
و دي امنياتي ياريت كلنا نقول امنياتنا و نشجع بعض و ندعي ربنا يوفقنا للخير

[chocolata]

انا يشرفنى انى اكون اول واحده فى موضوعك
وانا كانت احد امنياتى من زماااااااااااااان وراحت تقريبا ولازم اعتاد على كده
1)انى اجيب تقدير امتياز
2)انى انشر كتابتى بس دى لسه ربنا يسهل فيها
3)انى اكون فنانه استعراضيه انا عارفه ان دا بالنسبه لكتير حلم سخيف بس دا كان حلمى من زمان لانى كنت بحترم نوع معين من الاستعراض المحترم
4)انى استمر مع الجيم منفعش خاااااااااااااااالث
5)دا لسه ممكن كان نفسى اوى اروح زياؤرة اجتماعيه زى مستفى السرطان الاطفال 57357 او مراكز الايتام عايزة اختبر الجانب الانسانى فيا لسه فى قلبى حب اقدمه وحب انا كمان احسه منهم ولا يمكن تاه مع حاجات كتير
كفايه كده مؤقتا فى حاجات اتشطبت وحاجات لسه وربنا يستر متتشطبش

شكرا على فكرة الموضوع يادكتور

[S!lent Tear]

بجد امنيات تحضرتك جميلة اوى
يارب تحققيها

انا امنياتى
1- انى اقرب من ربنا اكتر
2-انى اجيب تقدير كويس
3- اكون انسانة محبوبة من الاخرين

ربنا يقدرنى واحققهم


جزاكم الله كل خير