هتعمل ايه في الاجازه؟؟؟؟؟

[Messi]

يظن البعض من اسم الموضوع انه غايه في التفاهه من اسمه.............في الحقيقه هو ليس كذلك......بل اردت ان انبهكم فقط الي انه يجب استغلال الوقت في الاجازه قدر المستطاع..........

طبعا لازم يكون لكل واحد عده انشطه مختلفه ومتنوعه بالاجازه.....سواء بالمجال الرياضي او الاجتماعي او التعليمي او الترفيهي.................

الموضوع بدري شويه انا عارف بس انا زهقت من كتر انتظار الاجازه الي مش عايزه تيجي دي.........

قبل ما اقول انا هعمل ايه احب اسمع كل واحد هيعمل ايه في الاجازه القصيره قوي دي.........مش عايز اضخم الموضوع اكتر من الازم.........يلا سمعونا واحد واحد.......واوعوا حد فيكم يطنش....الموضوع ده مهمه ارائكم فيه..

[mayada a7md]

اما تيجى اقدر اقولك هاعمل اية انما دلوقتى ادخل زاكر نبات

[احمد شبند]

بص يا سيدى الجدول بتاعى كالاتى :

1- اصحى الفجر.

2-اعمل شوية حجات كدا.

3- اروح التربية العسكرية من 7 لغايط لما الباشا الظابط يقلنا مشو.


4- من بعد ما الباشا يروحنا هقعد فى المنصورة اقرى اى حاجة وبعدين هحضر دورة فى الكلية كدا واروح .

5- اتغدى واعد مع العيال شوية .


6- انزل الصيدلية من 5 لغايط الساعة 12.

7 - العب ماتش الساعة 1 تلت مرات فى الاسبوع فقط .


8- انام .


اجازة زى الفل والله

[مهداه]

اكيد هعمل حجات كتير
بس البرنامج هيتحدد ذى دلوقتى الاسبوع الجاى
هبقى اقولكوا عليه

[ameer]

هحضر الدورتين اللي في الكلية وهستني الترم التاني يبتدي علشان المذاكرة هتوحشني

[NeScaFE]

هعد اذاكر المواد اللى هتت............استرها يارب
اما نعيش للاجازة هاجى اقول على طول .....

[Messi]

هحضر الدورتين اللي في الكلية وهستني الترم التاني يبتدي علشان المذاكرة هتوحشني

الدوتين في نفس الميعاد.؟؟؟
وده السبب الي هيخليني احضر واحده بس....

[ameer]

الدوتين في نفس الميعاد.؟؟؟
وده السبب الي هيخليني احضر واحده بس....

لا مش في نفس الميعاد

البرنامج التدريبي لاعداد الصيدلى لسوق العمل

في الفترة من 13 إلى 18 فبراير 2010

برنامج الصيدله التدريبى بأجازة نصف العام الدراسى

6 : 11 - فبراير 2010

الاتنين هيبقوا في مدرج اعدادي فمينعش يبقوا في نفس الوقت

[Messi]

طب الاجازه ما تعرفش تنتهي كام فبراير يا امير؟؟؟؟؟؟؟
-----
سؤال كمان..........يعني الدوره دي هتبدأ من يوم السبت الجاي ؟؟؟؟؟؟؟
يعني بعد امتحان النبات؟؟؟؟؟؟؟؟

[ameer]

طب الاجازه ما تعرفش تنتهي كام فبراير يا امير؟؟؟؟؟؟؟
-----
سؤال كمان..........يعني الدوره دي هتبدأ من يوم السبت الجاي ؟؟؟؟؟؟؟
يعني بعد امتحان النبات؟؟؟؟؟؟؟؟

الاجازة من 6-فبراير الي 20 فبراير لكن بالنسة لاعدادي (اللي هم احنا هتبدأ من يوم 30-1 وحتي 20-2)

الدورة هتبدأ يوم السبت اللي بعد الجاي