بعد 10 سنين

[زهرة الإسلام]

شايف (ة) نفسك فين بعد 10 سنين؟
أنا دايما بسأل نفسى السؤال ده وبصراحة مش عارفة أرد على نفسى هكون فين بعمل ايه ليه قيمة فى المجتمع ولا عايشة زى أى حد والسلام؟
أنا نفسى دلوقتى أعرف شايفين نفسكوا فين بعد 10 سنين ؟
على الأقل كل واحد فينا يحدد هدفه ونشارك بعض أحلامنا

[Jailan]

ياااااااااااه و اللهى انا بفكر فيها و ده مخوفنى اوى

بس هجاوب بعدين



ممكن بعد 10 سنين من دلوقتى ارد



يارب اكون كويس و بعمل حاجه مفيده

[زهرة الإسلام]

ياااااااااااه و اللهى انا بفكر فيها و ده مخوفنى اوى

بس هجاوب بعدين

يا ريت بسرعة

ممكن بعد 10 سنين من دلوقتى ارد

ياااااااااه

يارب اكون كويس و بعمل حاجه مفيده

يا رب وأنا كمان

[احمد شبند]

موضوع جميل والله

بس فى فرق بين الى هيكون عليه الواقع وبين الصورة الى فى دماغ اى حد

(مثلا واحد يقول هيكون عندى عشر ولاد وممكن ربنا يقدر انه ميخلفش او يكون الجيش فى دارفور زى واحد صحبى ويقتله واحد من المتمردين ولا حاجة )


المهم

انا شايف نفسى كدا


هكون ان شاء الله متجوز وعندى بتاع تلت عيال ولا حاجة

ومطحون فى الشغل طبعا فى الصيدلية وهكون شغلت الصيدلية التانية ان شاء الله

وبدأت ابنى فى المستشفى ان شاء الله يا رب


يعنى اتمنى انى اكون ساعتها فى نص الطريق الى بحلم بيه يا رب يا رب

[زهرة الإسلام]

موضوع جميل والله

بس فى فرق بين الى هيكون عليه الواقع وبين الصورة الى فى دماغ اى حد

(مثلا واحد يقول هيكون عندى عشر ولاد وممكن ربنا يقدر انه ميخلفش او يكون الجيش فى دارفور زى واحد صحبى ويقتله واحد من المتمردين ولا حاجة )


المهم

انا شايف نفسى كدا


هكون ان شاء الله متجوز وعندى بتاع تلت عيال ولا حاجة

ومطحون فى الشغل طبعا فى الصيدلية وهكون شغلت الصيدلية التانية ان شاء الله

وبدأت ابنى فى المستشفى ان شاء الله يا رب


يعنى اتمنى انى اكون ساعتها فى نص الطريق الى بحلم بيه يا رب يا رب

ربنا يحقق حلمك يا دكتور ويهيألى الظروف اللى تحققلى أحلامى
-----
شكرا على ردودكوا د/lotus
د/أحمد شبند
-----
بس أنا حاسه إن الأولاد بتبقى سهل انهم يحددوا مستقبلهم عن البنات
بيبقوا عارفين هيسكنوا فين هيشتغلوا ايه الحاجات دى يعنى إن شاء الله ولا ايه رأيكوا

[rose2009]

اولا موضوع جميل جدا يادكتوره.......

بيتهيألى كدا بعد 10 سنين

ممكن اكون عايشه بره مصر وبشتغل يعنى هناك

ويكون عندى 30 سنه هههههههههه
يعنى كبيره صح؟!

والباقى بقى معرفش مش متخيله دلوقتى.....

[A H M E D]

إن شاء الله هكون اتجوزت

وظبطت شغل بره مصر
باذن الله

[Al-Shaimaa]

10 سنين ياااااااااااااااااااااااااه

انا عمري ما تخيلت نفسي عندي اكتر من 25 سنة

مش عارفة ليه عندي احساس بان انا عمري قصير

وحتى لو اراد الله ان يطيل في عمري عن ال25 سنة

اعتقد ان حياتي هتكون كئيبة ومملة اوي

لا يملئها سوى الوحدة والفراغ

دا انا دلوقتي عندي 17 سنة وبحس اني عديت ال 50 سنة

امال لما اوصل 27 حياتي هتكون عاملة ازاي؟؟؟؟؟؟؟؟؟

في الغلب حياة بلا الوان

حياة يغلب عليها الابيض والاسود

واكيد الاسود هو اللي هيكون مسيطر وقتها

[mohamed88]

[SIZE=5]برهمصر


[ /SIZE]

ليه دايما بره مصر مش جوه مصر
على الرغم من ان الرزق ربنا بيبعته لينا سواء جوه او بره
عموما خلينا فى الموضوع
تصورى لحياتى العملية كالتالى
البداية كمندوب مبيعات او صيدلى فى صيدلة محترمة جدا غالبا العزبى
بعد فترة معينه اكون حوشت مبلغ معقول يكفى لبداية مشروع خاص بيا
واللى هما مشروعين بافكر فيهم الاول صيدلية على اعلى مستوى من التميز
ابنيها فى بلدى وتكون من الكفاءه بحيث تغير نظرة المجتمع للصيدلى (للاحسن طبعا)
والثانى هوا مشروع استصلاح اراضى فى صحراء الوادى الجديد وازرعها نباتات طبيه
ويكون فى المزرعة وحدات او معامل لتجفيف النباتات اطبية واستخلاص المواد الفعالة منها
لتوريدها لمصانع الادويه والفكرة دى باشترك فيها مع واحد صاحبى من الوادى الجديد
واكدلى ان مشاريع الاستصلاح عندهم ماشيه تمام...............
وكله طبعا باذن الله
وربنا يوفقنا جميعا

[A H M E D]

ربنا معاك يا دكتور

انتا محتاج ييجي 20 او 30 سنة علي لما تلم فلوووس من هنا