مشاكل الشفوي... والزحمة

[...مصر...]

أحب أبدأ بالشكر للدكتور محمود العشماوي وللدكتور حسن الكاشف ولجميع الدكاترة اللي ساعدوا في تطوير الكلية
في موضوع محتاج لتنظيم فعلا .. هو امتحان الشفوي
بالنسبة للزحمة
أولا الزحمة بتبقى صعبة جدا وما تنفعش أبدا خصوصا إن في أولاد وبنات وما ينفعش تكون الفوضوية هي طريقتنا في الحياة .
ثانيا أنا بتعب من الوقفة الكتير دي فيها ايه لو أعرف أنا دوري امته وأستناه وأنا مستريحه
ثالثا لو الدكتور حاتم الجبلي شاف منظرنا مش عارفة ممكن يعمل ايه !!! طبعا هو وقتها احنا مش هاممنا انفلونزا ( تخيلوا لو واحد عطس وعنده انفلونزا الخنازير ممكن يعمل ايه في بقية علبة السردين اللي واقفين جنبه !! )
رابعا بصراحة منظرنا يكسف قدام الدكاترة اللي جايين من محافظات تانية
خامسا إن أثناء الامتحان الشفوي لفرق معينة بيكون في فرق ثانية بتمتحن جنبهم دول ذنبهم إيه في الدوشة اللي ممكن تحصل
الحلول كثير ممكن يكون بالترتيب حسب الأرقام لكن لو ممكن تظلم ناس ففي اقتراح ثاني ممكن كل واحد يروح للجنة اللي هيمتحن فيها الشفوي ياخد كارت مكتوب فيه دوره في اللجنة ويبقى النداء على الأرقام بهدوء وبساطة أو ممكن تتوزع علينا الأرقام واحنا في امتحان النظري .


بالنسبة للامتحان الشفوي فلازم يكون في دكاترة متابعين الامتحانات لأن أحيانا الدكتور لما بيكون اكسترنال بيتأخر وكمان في دكاترة بتتأخر جدا في الأسئلة فليه رئيس القسم لما يلاقي كده ما يساعدش اللجان دي ويخلي دكتور يسأل بجانب الدكتور المسؤول

وعايزين دكتور يسمع مننا مثلا في دكاترة بتفضل تسأل في حاجات لسة ما أخدنهاش وبدل ما احنا اللي نقولهم مش علينا ليه الدكتور لما يشوف طلبة مجمعين على كده ما يقولوش بنفسه ؟
( وأخيرا لي طلب ياريت الشاي اللي بيتعمل في البيكر يتعمل في براد عادي أو كهرباء لأن الدكاترة الاكسترنال ممكن يطلعوا عينا نكت بسبب الموضوع ده )

[مهداه]

يا ريت بجد يكون ف حل لزحمه الشفوى دى
وخصوصا اننا مش مستحملين تعب اعصاب اكتر من كده
انا برضه بايد مصر ان يكون على اقل تقدير بالدور ف الكشف
ارجوا الاهتمام بالموضوع

[Mohamed Al Gohary]

على الأرقام بهدوء وبساطة أو ممكن تتوزع علينا الأرقام واحنا في امتحان النظري .

جه فى دماغى الطريقه بتاعة فودافون او تي اي داتا .. بتاعة الارقام .. رقم كذا شباك رقم كذا ..

ممكن تبقى رقم كذا مكتب الدكتور فلان

اكيد بتريق .......

والله هى مشكلة الاعداد الكبيرة ..لان المفروض كل دكتور بيبقى معاه مجموعه واحده بس وبيخشوا مع بعض .. لكن احيانا عدد الدكاتره بيبقى قليل .. والطلبه كتير .. ومع زنقة امتحانات السنه دى دكاترة الاكسترنال هتبقى قليله جدا ..

انا عن نفسي بخرج من امتحانات النظري .. وبعرف لجنتى وانا عند مين .. ومبروحش الا فى الاخر خالص .. اهه بقول فيه بنات وفيه ناس بتسافر محتاجين يخلصوا بدري .. لكن انا مش مهم ..

لدرجة ان السنه اللى فاتت التيرم التاني روحت لقيت الدكتوره الاكسترنال روحت والله يكرمه دكتور الشابوري امتحنى ..

اقتراح دور الكشف ده .. انا شخصيا شايف انه كويس واقرب حل واقعي .. بس برضه مش هنلتزم بيه .. اصلى اعرف عمد حمدان اللى بيقف على الباب وهيدخلني بسرعه للدكتور عشان ميتحني ويوصي عليا كمان

[مهداه]

جه فى دماغى الطريقه بتاعة فودافون او تي اي داتا .. بتاعة الارقام .. رقم كذا شباك رقم كذا ..

ممكن تبقى رقم كذا مكتب الدكتور فلان

اكيد بتريق .......

تصدق!!!!!!!!!!!! فكره برضه

والله هى مشكلة الاعداد الكبيرة ..لان المفروض كل دكتور بيبقى معاه مجموعه واحده بس وبيخشوا مع بعض .. لكن احيانا عدد الدكاتره بيبقى قليل .. والطلبه كتير .. ومع زنقة امتحانات السنه دى دكاترة الاكسترنال هتبقى قليله جدا ..

انا عن نفسي بخرج من امتحانات النظري .. وبعرف لجنتى وانا عند مين .. ومبروحش الا فى الاخر خالص .. اهه بقول فيه بنات وفيه ناس بتسافر محتاجين يخلصوا بدري .. لكن انا مش مهم ..

انا بقى مقدرش استنى حتى لو حاسه انى ممكن الخبط مبحبش الانتظار اصلى مؤمنه بمبدا ( وقوع البلا ولا انتظاره)

لدرجة ان السنه اللى فاتت التيرم التاني روحت لقيت الدكتوره الاكسترنال روحت والله يكرمه دكتور الشابوري امتحنى ..

هههههههههههههه احمد ربنا

اقتراح دور الكشف ده .. انا شخصيا شايف انه كويس واقرب حل واقعي .. بس برضه مش هنلتزم بيه .. اصلى اعرف عمد حمدان اللى بيقف على الباب وهيدخلني بسرعه للدكتور عشان ميتحني ويوصي عليا كمان

انا كمان بس فى الكيميا بس وبينى وبينكوا بتكسف اروحله
ما هو لى باقى المواد كمان يبقى فله
بس تقول ايه بقى حظى معرفش غير واحد بس
لا بس بجد عاوزين حل ؟

[Chimera]

انا شايف ان امتحانات الشفوي تتلغى التيرم ده ..
و يدونا ال 30 بوينتس و خلاص .. حفاظاً على سلامة الطلبة و مراعاة للأيام السودة إللي احنا عايشنها السنة دي

.,,

[Messi]

الحمد لله انا معنديش شفوي

[NonY]

انا شايف ان امتحانات الشفوي تتلغى التيرم ده ..
و يدونا ال 30 بوينتس و خلاص .. حفاظاً على سلامة الطلبة و مراعاة للأيام السودة إللي احنا عايشنها السنة دي

.,,

I can't agree anyyyyy moreee

[ameer]

ياريت تضيفوا لمشاكل الشفوي... والزحمة مشكلة الواسطة اللي الناس بتتكلم عنها دي وبيقولوا ان كل الطلبة عارفين وعادي .......لا مش عادي بقي

[Messi]

لا مش عادي بقي

هتعمل ايه يعني؟؟؟؟؟؟؟؟

[ameer]

هتعمل ايه يعني؟؟؟؟؟؟؟؟

انا مش هسكت انا هخرس بس لان معنديش شفوي لكن السنة الجاية ........ يبقي يحلها حلال بقي