اقتراح بخصوص الجدول المقترح
طبعا كلنا شفنا التصويت
لحد دلوقتي 270 واحد شاركو في التصويت
ويا دكاترة المشكلة دي مش مشكلة كليتنا بس دي مشكلة الجامعة كلها لان التعليمات كانت علي الجامعة كلها
علشان كده أعتقد اننا لازم ناخد خطوة أكبر عشان نلاقي استجابة
ممكن يا جماعة نوصل الموضوع للصحافة
أعتقد ان ممكن شكوانا توصل لسيادة الوزيرمن خلال الصحافة
وده من وجهة نظري أسلوب محترم جدا ومن حقنا
أعتقد لو الناس اللي شاركت في التصويت ده خدت من وقتها 5 دقايق وبعتت بريد إلكتروني لبريد القراء أكيد هيبقي في استجابة
تخيلو صحيفة زي المصري اليوم بتستقبل 300 بريد إلكتروني من طلبة كلية الصيدلة جامعة المنصورة بيتكلمو في نفس المشكلة
أنا شخصيا هدخل حالا علي المصري اليوم وهبعت رسالة علي البريد الإلكتروني تتضمن المحاور الآتية :
1-تعليمات سيادة الوزير بان جدول الامتحانات يبقي علي إسبوعين
2-رد فعل إدارة كليتنا واقتراحها للجدول ده
3-ظروف الكلية وأسباب عدم منطقية الجدول
4-عواقب الجدول من تقليص محتمل للمناهج ومستوي الامتحانات واعتماد الطالب علي أوراق الدروس
5-حملة التوقيعات وموقف الكلية منها
6-فكرة ان دي مشكلة جامعة بحالها وان مفيش حاجة اسمها تعميم قرار علي كليات مختلفة بغض النظر عن ظروفها يعني تجارة مش زي أسنان مش زي حقوق مش زي صيدلة كل كلية ليها ظروفها
7-فكرة ان تقليص الجدول مش هيفيد أوي في موضوع إنفلونزا الخنازير وان مش ذنبنا ان الدراسة اتأخرت ومش احنا اللي نتحمل النتيجة علي حساب دراستنا
ده يا جماعة عنون صفحة مراسلة المصري اليوم
http://www.almasry-alyoum.com/contactus2.aspx
انزل علي الخانات اللي تحت
اسمك في إسم الراسل
ياريت كلنا نكتب إسم موحد للمرسل: اسم الطالب صيدلة المنصورة
أنا هكتب أحمد عبدالغني صيدلة المنصورة
وبعدين بريدك الإلكتروني
وبعد كده من خانة (التواصل مع) اختار بريد القراء
وبعدين أكتب نص الرسالة
واللي مكسل يكتب أنا هنزل اللي أنا كتبته هنا وممكن يبعته هو كمان
ياريت يا جماعة يكون في استجابة
لو في أي استفتسار أنا تحت أمركم
أحمد
رد مع اقتباس
المشاركة الأصلية كتبت بواسطة *محبة رسول الله*
