أرجنتينا .. إلى المونديال

[Chimera]

صباح الخير عليكم .. ان شاء الله كلكوا تمام

و كالعادة تجنباً لمواضيع الكوبي و الباست إللي ماليه المنتدى ..
بكتب النهارده عن وصول منتخب الارجنتين .. المنتخب إللي طالما ألهمني و اسر عقلي مع المنتخب الإيطالي إللي مش حديثنا دلوقتي
بعد صعوبات كبيرة واجهها في بداية التصفيات .. و حتى مع تولي الأسطورة دييجو أرماندو مارادونا الإدارة الفنية .. قدر المنتخب ان يعود من بعيد بعد سلسلة من الإخفاقات ..
إللي بيميز المنتخب الارجنتيني فعلاً .. انه منتخب خليط رائع ساحر .. لا يوجد غير في منتخب التانجو
خليط من المهارة اللاتينية متمثلة ف ليونيل ميسي و سيرجيو أوجوييروا و هيجواين و ريكيلمي
و القوة البدنية و اللياقة الاوروبية متمثلة ف لوتشيو جونزاليز و ماكسيمليانو رودريجوز و جابريل ميليتو و مارتين ديميكيلس
و حب القميص و الجارينتا متمثلة ف جابريل هايز و سيباستيان فيرون و كامبياسو

على آمال كبيرة انهم يعيدوا الجيل الذهبي بقيادة مارادونا و كيمبس و كانيجيا و سينسيني و سيميوني

طبعاً ماينفعش نتكلم عن الارجنتين .. بدون ما نجيب ف سيرة الأسطورة .. دييجو ارماندو مارادونا
إللي ممكن يكون اللعب الوحيد اتعمله فيلم خاص عن قصة حياته .. و يستحق

إللي الحقيقة قدم نموذج لكل الناس .. إزاي تكون ف القمة .. و بعدين تنزل للحضيض .. و بعدين ترجع تخطو تاني نحو القمة
اصرار شديد ظهر عليه مارادونا إللي كل الناس ظنت ان حياته انتهت بعد المشاكل المرضية إللي سببهاله الأفيون و تعاطي المخدرات و حالات الإغماء المستمرة .. و احتجز بسببها ف المصحات و انتظر الجميع الخبر المحتوم بوفاة الاسطورة .. ها هو يعود من جديد .. كإنسان جديد و يقود منتخب بلاده للصعود للمونديال بالرغم من الصعوبات إللي واجهها ..

شوفوا الصور و ركزوا فيها :



الأسطورة .. حامل كأس العالم .. اكبر و أعظم انجاز ممكن يحققه لاعب كرة ف التاريخ



في صحبة الشرطة .. لأقتيادة للمستشفى للحجز الصحي .. و لا تعليق



احتفال مارادونا ( المدير الفني ) بهدف مارتين باليرمو ف البيرو إللي قطع 90% من الوصول لكاس العالم

شوفوا الفرق .. و احكموا

يلا .. مع السلامة و good luck

.,,

[alnesr1988]

إللي بيميز المنتخب الارجنتيني فعلاً .. انه منتخب خليط رائع ساحر .. لا يوجد غير في منتخب التانجو
خليط من المهارة اللاتينية متمثلة ف ليونيل ميسي و سيرجيو أوجوييروا و هيجواين و ريكيلمي
و القوة البدنية و اللياقة الاوروبية متمثلة ف لوتشيو جونزاليز و ماكسيمليانو رودريجوز و جابريل ميليتو و مارتين ديميكيلس
و حب القميص و الجارينتا متمثلة ف جابريل هايز و سيباستيان فيرون و كامبياسو

.,,

علي فكر هما أسماء لكن اللي تابعهم كويس في التصفيات هيكتشف أنهم معملوش أي حاجة وفرق أقل كتير من الأرجنتين هي اللي قدمت لينا المتعة والسحر في التصفيات

و يقود منتخب بلاده للصعود للمونديال بالرغم من الصعوبات إللي واجهها ..

.,,

أنا كنت هزعل جداً لو الأرجنتين موصلتش .. بس مع احترامي لمرادونا وعشقي له .. هو كلاعب إسطورة .. كإنسان زيرو كمدرب تحت الصفر ... عندما تمتلك مجموعة لاعبين كالأرجنتين مينفعش تتحجج بخامة اللعيبة والإمكانات المتاحة أيه العروض والماتشات العقيمة اللي قدمتها الأرجنتين معاه دي بجد كارثة إستحالة تكون دي الأرجنتين .. بجد أول قرار أتوقعه إقالته من الجهاز الفني ... لو عايزين يعملوا حاجة في كأس العالم

[Chimera]

[]علي فكر هما أسماء لكن اللي تابعهم كويس في التصفيات هيكتشف أنهم معملوش أي حاجة وفرق أقل كتير من الأرجنتين هي اللي قدمت لينا المتعة والسحر في التصفيات

هما فعلا معملوش حاجه كبيرة ,, بس برضو ف الاخر اتظبطوا نوعا ما
و الهدف اتحقق .. و هو الوصول لكاس العالم

أنا كنت هزعل جداً لو الأرجنتين موصلتش .. بس مع احترامي لمرادونا وعشقي له .. هو كلاعب إسطورة .. كإنسان زيرو كمدرب تحت الصفر ... عندما تمتلك مجموعة لاعبين كالأرجنتين مينفعش تتحجج بخامة اللعيبة والإمكانات المتاحة أيه العروض والماتشات العقيمة اللي قدمتها الأرجنتين معاه دي بجد كارثة إستحالة تكون دي الأرجنتين .. بجد أول قرار أتوقعه إقالته من الجهاز الفني ... لو عايزين يعملوا حاجة في كأس العالم

لسه مارادونا دي اول تجربة ليه .. ف الاول واجه صعوبات .. بس انا ابتديت احس انه فكره بدا يظهر ف الماتشات الاخيرة
باليرمو نزل = هدف الفوز على البيرو
بولاتي نزل = هدف الفوز على اورجواي

هو صحيح مش مقياس .. بس اعتقد ان قدامه اكتر من 7 شهور للتجهيز لكاس العالم

.,,

[alnesr1988]

هي دي مش أول تجاربه علي حد ما أفتكر متهيألي درب البوكا قبل كده ...

اللي مجنني هو توظيفة الغبي لميسي ‘زاي مش قادر يفهم إن ميسي هو أحسن لاعب طرف مهاجم .. مصر يلعبه في مركز صانع اللعب التقليدي لكن ميسي غصب عنه بهرب كده كده للطرف .. متهيألي لسه مارداونا برده بيتعامل مع النجوم بعقلية الراس بالراس مش بعقلية احتواء المدرب .. يعني وارد في أي لحظة تلاقيه عامل مشكلة مع أي لاعب كبير لإنه لسه بيعامل نفسه كنجم كورة مش كنجم تدريب

[ahmed helmy]

الف مبروك ع المونديال وصول ميسي بس برضه مش ده مستوي الارجنتين

[the black star]

[wh_kaboo]

شكرا على الخبر الواحد ما كانش عارف ازاى يستمع المونديال من غير الارجنتيتن ومن غير نجومها

الف مبروك ع المونديال وصول ميسي بس برضه مش ده مستوي الارجنتين

فى 2002 كادت البرازيل ان لا تصعد لكاس العالم ولكن صعدت عن طريق الملحق
يعنى مش مباشر زى الارجنتين
وكان النهاية الكاس برازيلية التصفيات مش مقياس
لان اول ما البطولة بتبدا كله بياخد هدف واحد بس قدامه الكاس
( وليس التمثيل المشرف كما يعتقد البعض )
وعقبال مصر

[Aésmaïl]

ma love team
the Only one besides England
.
.

Go On

Messi
Agoero
M.palermo
G.higun
mscaranO

w yareet yrg3
J.R.Riqilmi b2a

To south Africa

[MoRsY]

كويس إن الأرجنتين وصلت
بس برضه مارادونا مش مدرب حلو وإلي وصله إنه معاه لعيبة حلوة وعايزة تلعب في المونديال بأي طريقة