اسوأ داتا شو (شكوى)

[Dr/HULK]

الموضوع ده شكوى

وعاوز اعرف رأيكوا فيه

حد فيكوا بيقدر يشوف المحاضرات من على الداتا شو

محاضرات البيو الكلام فيها بيبقى صغير جدا ومفيش ولا استركشر واضح

وكمان الكلام مش واضح خالص

انا كنت فاكر ان العيب فى الداتا شو نفسه

بس النهاردة دكتور جلال كان عامل الباور بوينت كويس جدا

الكلام اصفر على خلفية زرقاء والخط كبير

فكان الكلام واضح

لكن معظم المحاضرات التانية الباور بوينت بتاعها مش بيشوفه غير الدكتور عشان قريب منه

واحنا قاعدين ورا بنتنبأ بالكلام ومش شايفين حاجة خالص

السؤال بقى:

انتوا بتشوفوا من الداتا شو دى ولا انا نظرى اللى ضعيف (على فكرة الاحتمالين بنفس المعنى)

يعنى لو انتوا بتشوفوا يبقى نظرى فعلا ضعيف

يعنى المفروض الاجابة تبقى

ماشى مستنى اى رد عشان لو كنت اروح اكشف

[frodo]

والله انا حصلى نفس الموضوع وتخيلت ان نظرى ضعف وكنت هروح اكشف نظر

بس لما حضرت للدكتور جلال شوفت كل حاجه واللى ساعد اكتر انه ضلم القاعه كلها
انت كده اكدت ليا ان المشكله مش عندى

بس برده هروح اكشف نظر عشان اتاكد ان العيب مش عندى

[محمدابراهيم سلمان]

انا رايى تروح تكشف

[zekra]

يا جماعه ممكن تطلبوا من الدكاتره انهم يكبروا خط البوربوينت شويه

وكمان يعملوا خلفيات واضحه للكلام

اما بالنسبه لنظركم فمتقلقوش ان شاء الله 6/6

[Dr.A7med]

فعلا الداتا شو وحشة جدا
ونص المدرج اللي ورا صعب يشوف حاجة

[rose_pharm]

فعلا العيب في الداتا شو

كنت قاعده في البيو في الاول خالص وكنت شايفه بالعافيه والله الكلام صغير جدااااااااااااااااااااااااااا

ولا النضارات نافعة نلبس نضارات مكبره ولا ايه

شم ونظر الحواس كلها هتضيع هههههه

ياريت يكبرو الخط عشان نقدر نركز ونشوف امال اللي ورا يعملو ايه بس

[Pharmcist_girl]

فعلا الداتا شو بتاعه د_جلال معتوق كانت ممتازة بجد واضحه اوى خاصه للقاعدين ورا و بعدين احنا ناس بتوع نضارات يعنى لازم يكبروا الخط على قد ما يقدروا.................

[live_and_learn2002]

بيتهيالى دى سيا سة تعليم جديدة بتتبعها الكلية وهى التعليم التخيلى ( المفروض انك تتخيل الكلام الى المفروض يكتب فى الداتا شو وانت قاعد فى نص المدرج الاخير)

لو انت معرفتش تتخيل يبقى دى مشكلتك الكلية ملهاش ذنب

كتر خير الكلية بتعلمك حاجة جديدة

[pinky]

فعلا عندكم حق
فى محاضرات انا بشبه على الكلام

[dr.pinky]

محاضرة البيو فعلا الخط صغيييير جدا وعشان تشوفة لازم تكون قاعد ف البنش الاول او التانى

فياريت تبقا الدكتورة تكبرة شوية

يا اما الدفعة كلها تقعد ف البنشين الاولنيين