Please call me..كلمنى شكرا (رساله الشعب المصرى)

[Dr Anonymous]

كلمنى شكراً .........ايه تانى ؟ من الهجص ووجع الدماغ

طبعا الكل عارف الخدمة دى اللى بتقدمها شركات شبكات المحمول فى مصر واللى بتدى
لكل مستخدم أنك ممكن
تبعت 3رسائل مجانية يوميا و الوقتى بقوا 5
مضمونها " كلمنى شكرا.. Please Call Me "

طبعاً نظراً لأن شعبنا هو الشعب الوحيد فى العالم الذى أخترع " الميسد كول " وتفنن فى أستخدماته
فمثلا عندما يتفارق حبيبان يقول الولد للبنت " لما توصلى البيت أبقى أدينى رنة "

أو عندما يتفق شخصان على مقابله بعضعهما فى مكان ما يقول الشخص للأخر " لما أوصل هناك هديك رنة تعرف انى وصلت ومستنيك " وغيرها من الأختراعات.

فى الاول اللى كانت بتجيله الرسائل دى... كان اللى بتوصله الرسالة يفتكر أنها فعلا مكتوبة من حد عايز يكلمه , ويتصل بيه فعلا وويلاقيه صاحبه بيهزر معاه...

وطبعا مع أنتشار الخدمة بسرعة الصاروخ ( كعادة الشعب المصرى) أصبحت لهذه الخدمة لغة أخرى يتحدث بها الشعب..
فبدل الرنات أصبحت رسالة كلمنى شكرا. فعندما تسمع رنة رسالة فى أى موبايل . أعرف أنها رسالة كلمنى شكرا .

لدرجة أن الغتت اللى بيستعملها قبل ما تيجى12 باليل بيبعت ال3 رسائل لأى موبايل وهو مش عاوزهم أصلا.

ومثلا واحد عايز يطمن على حبيبته..فيبعتلها " كلمنى شكرا" يعنى ازيك
تقوم هى ترد عليه و تبعتله "كلمنى شكرا" برده يعنى انا كويسه

ههههههههههههههه

وغيروا وغيروا وغيروا
زى مايكون الشركه اخترعت الخدمه عشان يضحكوا علينا مع انها ببلاش مش زى

أتصل بزيرو تسعمية تكسب ميت ألف جنيه ويجبلك اعلان لواحده مايصه وماسكه تليفون

ومع ذلك المثقفون اختلفوا

فمثلا رجال الدين أعترضوا على رسالة " كلمنى شكرا " وقالوا متكونش الرسالة تحتوى على مضمون دينى مثل
" كلمنى جزاك الله خيراً " أو " كلمنى الله يعوضك عليك "
والأشخاص ذو المشاعر والأحاسيس الرقيقة أعترضوا عليها وقالوا لما ذا لا تكون الرسالة " كلمنى ميرسي "

ولا ننسا طبعا النساء والمرأة فقد طالبن بمقاطعة رسالة " كلمنى شكرا " فى كونها تخاطب المذكر
وطالبت جمعيات الدفاع عن المرأة بتغير كلمة " كلمنى " بكلمة " كلمينى " .

هيفضلوا يهزءوا فينا لامتى؟ وبالمناسبه حاليا بالاسواق خدمه
" اشحنلى شكرا"
نظرا لان الشعب المصرى كريم ومعطاء ومش ممكن يقول لا فى حاجه زى دى

وانتظروا قريبا خدمه "رد عليا شكرا" نظرا لموجه التنفيض اللى منتشره فى البلد
هههههههههههه

اتمنى يكون التوبيك عجبكم

PRINCE

[**tota**]

ههههههههه
عندك حق يا دكتور والله
انا بكره كول مى
مش بحب حد يبعتهالى
المهم ميرسى على التوبيك

[sad heart]

بجد عندك حق بش ساعات بتنفع برده خصوصا لما تكون اللى بتتصل بيه الشبكه غير متاحه فسبحان الله الرساله بتوصل ازاى بقى معرفش وانا اسفه مره تانيه لو مشفتش اسفه الاولى ومتزعلش ودا اعتذار ع المنتدى اهو عاجبك كداسلام

[قناع الذهب]

هههههههههههههههههههههه
على فكرة انا بحب كلمنى شكرا دى جدااااااااا
وبنستخدمها انا واصحابى كبديل للرنات طبعا فى حالات الافلاس اللى زى اللى عندى دلوقتى
ابعت كلمنى والاقى كلمنى علطول
انا النهاردة بس باعتة 4 كلمنى
بس عجبتنى اوى "كلمنى ميرسى "دى هههههههههه
لذيذ التوبيك دا

[chocolata]

هو انت بتكتب حاجه وحشه يابرنس طبعا موضوع زى العسل وانا بضم صوتى لصوت المؤيدين لخدمه اشحنلى شكرااااااااااااا
ومتنساش يابرنس ساعه لما تطلع النتيجه ابقى كلمنى شكررررررا

[Nayroz]

موضوع كالعادة
جاااااااامد يابرنس
تسلم يادك
سلاماااااتى

[مهداه]

موضوع جميل يا دوك
تسلم ايديك
وبالفعل احنا بنستخدمها فى حالات الافلاس
وبرضه بشتغل اخويا بالذات بيها

[الشربيني الوادع]

نفس الكلام اللي بقوله على طول
((مش هأقول أي حاجه خالص لأنا إحنا خلاص إتعودنا على كده منك يا برنس ))
تسلم إيدك بجد كل مواضيعك رووووووووعه



وبمناسبه أنك فتحت الموضوع ده أحب أهديك الرسايل الجايه دي

بوسني شكرا
Plz Kiss Me
25%أحضان زياده على كل بوسه ......بوس وإلحق العرض .






إفتكرني شكرا
Plz remember me
80%رنات زياده على كل رنه .. رن وإلحق العرض.






بس كده يا رب تعجبك ......

باااااااااااااا ااااااااااااااي

-----
سقط سهوا.......
نسيت أقولك يا برنس على موقف حصل لي إمبارح ( هو بصراحه إمبارح كان أسعد يوم ف حياتي بجد )


الموقف كالآتي ( كنت واقف في أمان الله بستنى شخص عزيز جدا جدا على قلبي ,,المهم لقيت ثلاث رسايل كلمني شكرا جايا ليا من رقم غريب )
بس كده هو ده الموقف
بس رد الفعل هو كالعاده على رأي واحد صاحبنا
إستخدمت قانون نيوتن للتنفيض ( كل فعل له رد فعل بيكون تنفيضه مساويه له ف المقدار ومعاكسه له ف الإتجاه )
نسيت أكتب الكلمتين دول ف المشاركه فأداركت أمري
بااااااااااا ااااااااااي

[dry_tears]

اهههههههههه لذيذ لذيد

[SARA18]

توبيك جميل كالعادة