رحلة صيد .... جرب و مش هتندم

[متفائل]

بسم الله الرحمن الرحيم

وكل عام و أنتـم بخير

.
.
.


أنطلقنا ثالث أيام العيد أنا و اثنين من زملائى فى الجامعة

فى رحلة صيد على ضفاف النيل فى الطريق المؤيدة إلى رأس البر

و كان ذلك عقب صلاة الفجر


صراحة الرحلة كانت غاية فى الروعة و الجمال

و استفدت منها حاجات كتيرة جدا هكلمكوا عن بعضها

أولا أدركت قيمة الاستيقاظ المبكر و بداية اليوم بصلاة الفجر
أد ايه اليوم بيبقى فيه بركة " بوركت أمتى فى بكورها "

تانى حاجة اتعلمت قيمة الصبر و المثابرة و إعادة المحاولة رغم الفشل المتكرر
صراحة السمك كان مستفز و كنت بحس أنه اذكى مننا ... كان بياخد الطعم من الخطاف بطريقة عجيبة دونأن يقع فريسة فى هذا الخطاف
و مرات كتيرة الحكاية تتكرر و كمان مرات متتالية و المطلوب هو الصبر و إعادة المحاولة مرات و مرات و عدم اليأس حتى تحصل على نتيجة مرضية

كمان الواحد ادرك و لو بعض الشئ معنى كلمة "رزق "
ساعات كتير كان الواحد يظبط الطعم و يقول ده إن شاء الله مش هيطلع غير بسمكة
و برده ميحصلش نصيب ( زى ما قولتلكوا سمك ذكى )
ساعات بقى الخطاف يبقى من غير طعم و مع ذلك يطلع سمك
الموضوع ده مش بالمزاج و لا الفهلوة
ما عليك إلا أنك تاخد بالأسباب كما أمر الله
و توكل الأمر فى النهاية عليه
.
.
سبحان الرزاق

حاجة تانية ساعات كنت ارمى الطعم فى النيل من غير صنارة
ألاقى السمك الصغير اجمع و دى تشد من بق دى و دى تشد منها و دى منها و دى منها.....
لحد اما سمكة تشد و تهرب شوية فى العمق علشان تقدر تاكل الطعم
طبعا ساعتها بتختفى عن الأنظار و متقدرش تحدد إذا كانت هى اللى أكلت الطعم و لا قابلت حد فى الطريق .....الله أعلم
سبحان الله .......ربنا كتب رزق السمك ده و رزق كل دابة على الأرض من قبل أن يخلق السماوات و الأرض
" وما من دابة فى الأرض إلا على الله رزقها و يعلم مستقرها و مستوعها كل فى كتاب مبين "
و كتب رزقك أنت كمان يا إنسان و مع ذلك تلقى الناس كلها خايفة من بكرة و مفيش اطمئنان
أقول : لا داعى للقلق كل حاجة مكتوبة احنا بس ناخد بالأسباب اللى علينا

فى حاجات تانية كمان بس حاسس انى طولت عليكم

اسيبكم الوقتى مع شوية صور من هذا اليوم

و بعتذر على الإطالة
و عدم جودة الصور لأنها اتاخدت بموبايل صينى
بس هى طبعا أجمل و أروع بكده بكتير

الصورة دى فيها الصنارة و على بعد كوبرى القناة الملاحية الذى يربط مدينة دمياط برأس البر

أما دى بقى تقربا أكبر سمكة اصطادها و بلاش صور السمك القزم علشان الفضايح

أما اللى فاتت دى فهيه طريقة مسك السمكة علشان تعرف تفكها من الخطاف من غير ما تجرحك
أظن الوقتى بتوع رابعة عارفين طريقة مسك الفار و الضفدعة و كمان السمكة .. ...

دى بقى صورة كابوريا يظهر ان هى زهقت من البحر طالعة تمدد شوية

كان نفسى أصور لكم الصور أحسن من كده ....قد الله و ما شاء فعل

أنصح كل واحد مننا أنه يحاول يغير جو ... خلاص الدراسة ع الأبواب

كمان يا ريت منحرمش نفسنا من تأمل الطبيعة حولنا
كتير هى بتريح الواحد

[dina j]

موضوع روعة يا دوك و أنا عارفة ان الصيد أكتر حاجة تعلم الصبر و على حكاية تغيير الجو فللأسف الكل بقى خايف من الانفلونزا بكل أنواعها بس ربنا يستر و ان شاء الله تعدى على خير و مبروك ع السمك

و بجد مشكور ع التوبيك الجميل ده

[same7]

بجد فكره الصيد بعد الفجر دى جامده اوى
انا جربتها بس كان هنا فى اخر المشايه
والصيد ده متعه اصلا
وفعلا لابد من الصبر

بس شوف الفيديو ده هيفيدك جامد

http://www.mediafire.com/?jkdyv3emodj

وشكرا على الرحله

[متفائل]

بجد فكره الصيد بعد الفجر دى جامده اوى
انا جربتها بس كان هنا فى اخر المشايه
والصيد ده متعه اصلا
وفعلا لابد من الصبر
الحمد لله أنك جربت يادكتور
عقبال باقى الدكاترة
و عقبالنا تانى

بس شوف الفيديو ده هيفيدك جامد
روعة جدا بس أكيد السمك ده مش مصرى
اعتقد أن سمكنا اذكى من كده بكتير

وشكرا على الرحله
و شكرا ليك على الرد الجميل ده

موضوع روعة يا دوك و أنا عارفة ان الصيد أكتر حاجة تعلم الصبر و على حكاية تغيير الجو فللأسف الكل بقى خايف من الانفلونزا بكل أنواعها بس ربنا يستر و ان شاء الله تعدى على خير
إن شاء الله تعدى على خير
و زى ما أقلت فى التوبك مش عايزين خوف أو قلق لدرجة أن حياتنا ممكن تشل و المطلوب هو أخذ الحيطة و الحذر و اتباع تعلمات الوقاية
و مبروك ع السمك
على فكرة ابن عمى هو اللى أخده مش أنا
و عموما الله يبارك فيكى يا دكتورة
و بجد مشكور ع التوبيك الجميل ده
بجد انتوا اللى مشكورين على الرد

نورتوا التوبك يا دكاترة

[Nayroz]

توبيك بجد جميل يا دكتور....تسلم عليه........وفعلا تغيير الجو مطلوب واللهى سواء فى الدراسة او فى الاجازة.. والتامل فى الطبيعة بجد بيعلم حاجات كتير.....وميرسى كمان على الصور العسولة دى....وعلى طريقة ماسكة السمك.....سلاماااااااااااااااااااااتى يا دك.........

[*Aya*Verse*]

برافو د/متفائل
بجد حاجة جميلة جدا

[Dr/Asmaa]

ان شاء الله نحاول نغير جو قبل الدلراية

[sunshine]

رااااااااائع

[متفائل]

شكرا يا دكاترة على المرور الكريم

بجد نورتوا التوبك

[d\omnya]

بجد الموضوع اكتر من رائع وانا استفدت منة والصور كمان حلوة بس بصراحة انا عجبتنى جدا كلمة السمك كان مستفز دى.